Nabiyyiin -Rabbiin rahmataa fi nageenya isaan irratti haa buusu- Rabbii isaanii irraa odeessani: Gabrichi yoo badii ballleessee eegasii: yaa Rabbi badii koo naaf dhiisi jedhe: Rabbiin ol ta'es ni jedha: gabrichi koo badii hojjatee, akka Rabbiin badii isaaf dhiisee isa sattaree irra isaaf darbu yookaan isa irratti adabu jiru beekee jennaan, dhugaan isaaf dhiise. Eegasii gabrichi deebi'ee badii balleessee ka'ee akkas jedhe: yaa Rabbi badii koo naaf dhiisi, Rabbis ni jedhe: gabrichi koo badii balleessee, akka Rabbiin badii isaaf dhiisee, isa sattaree irra isaaf darbu jiru yookaan isa irratti kan adabu akka jiru beeke, dhugumatti gabricha kootiif dhiiseen jira. Eegasii gabrichi deebi'ee badii balleesse, akkas jedhe: yaa Rabbi badii koo naaf dhiisi, Rabbis ni jedhe: gabrichi koo badii hojjatee, akka Rabbiin badii isaaf dhiisee, isa sattaree irra isaaf darbu yookaan isa irratti adabu akka jiru beeke, dhugumatti gabricha kootiif dhiiseen jira, waan yeroo badii hojjate hunda badii sana dhiisee gaabbee akka lammata isatti hin deebine murteeffateen waan barbaade haa hojjatuu, garuu lubbuun isaa isa injifattee yeroo biraas badii keessatti kufa, hanga akkas hojjataa ta'etti badii hojjatee toobatetti ani isaafan dhiisa, tawbaan waan isii duraa waan diigduuf jecha.

• Gabrootaan Isaatiif bal'ina rahmata Rabbiiti agarsiisa, ilmi namaa hangamuu badii balleessu hangamuu hojjatu yoo toobatee gara Isaatti deebi'e Rabbiin isa irratti towbaa deebi'a.
• Namni Rabbii ol ta'etti amane dhiifama Rabbii isaa kajeela, akkasumas adabbii Isaa sodaata, kanaafuu towbaatti ariifata baditti hin fufu.
• Ulaagaan towbaa sirriidhaa: Badii dhiisuu, isa irratti gaabbuu fi badiitti deebi'uu dhabuu murteessuudha, yoo towbaan gabroottan qabeenyaan yookaan kabajaan yookaaan lubbuun miiidhuu ta'e immoo ulaagaa afraffaa dabalata, inni abbaa haqaa irraa dhiifama gaafachuu yookaan haqa isaa kennuufiidha.
• Barbaachisummaa beekumsa Rabbiin beekuu qabuudha, beekumsa isa gabricha dhimmoota amantii isaa irratti beekaa taasisu, yeroo dogongore hundaa towbaa godha, garaas hin muratu irrattis hin hafu.