अली बिन अबू तालिब (रजियल्लाहु अन्हु) भन्छन्, मलाई प्रायः मज़ी निस्किन्थ्यो । मजी भनेको एक प्रकारको पातलो, चिपचिपा, सफा देखिने पदार्थ हो, जुन कामवासनाको समयमा वा यौनसम्पर्क गर्नुअघि गुप्तांगबाट निस्कन्छ । मजी निस्केपछि के गर्ने भनेर उहाँलाई थाहा थिएन । रसूल (सल्लल्लाहु अलैहि वसल्लम) की छोरी फातिमा (रजियल्लाहु अन्हा) उनको श्रीमती भएकोले यसको बारेमा उहाँलाई सोध्न लाज लागिरहेको थियो । त्यसैले उनले मिकदाद (रजियल्लाहु अन्हु) लाई यसबारे अल्लाहका रसूल (सल्लल्लाहु अलैहि वसल्लम) लाई सोध्न आग्रह गरे । नबी (सल्लल्लाहु अलैहि वसल्लम) ले पहिले आफ्नो गुप्तांगहरू धुनुपर्छ र त्यसपछि वुजू गर्नुपर्छ भनेर जवाफ दिनुभयो ।

• यस बाट अली बिन अबू तालिब (रजियल्लाहु अन्हु) को सद्गुण प्रस्ट हुन्छ, हया (लज्जा) को बावजुद उनले अरुको माध्यमबाट भए पनि (धार्मीक नियम बुझ्नलाई) प्रश्न सोधे ।
• फतवा (धार्मिक नियम सम्बन्धि प्रश्न) सोध्न प्रतिनिधि नियुक्त गर्न अनुमति छ ।
• कुनै लाभ वा हितको प्राप्तिका लागि आफ्नो सम्बन्धमा लाज लाग्ने कुरा अरूलाई बताउन जायज हुन्छ।
• मजी अपवित्र हो । यसलाई शरीर र कपडा दुवैबाट पखाल्नु अनिवार्य छ ।
• मजी निस्कियो भने वुजू भङ्ग हुन्छ ।
• अर्को हदीस अनुसार, मज़ी निस्कने अवस्थामा अण्डकोष र गुप्तांग दुवै धुनु अनिवार्य हुन्छ ।

1. home
2. फिकह र उसूले फिकह
3. इबादत (उपासना) को न्यायशास्त्र
4. तहारह (पवित्रता)
5. अपवित्रता हटाउने
6. hadith

• यदि कुकुरले तपाईहरूमध्ये कसैको भाँडोबाट पानी पिइहाल्यो भने, त्यसलाई सात पटक धुनुपर्छ।
• जब तिमीहरू दिशा-पिसाब गर्न जान्छौ, तब किब्लातर्फ न मुख गर, न त पिठ्यूँ फर्काऊ, बरु पूर्व वा पश्चिमतर्फ फर्केर शौच गर...