Raoa n wa Nabiyaam nengẽ, Wẽnd pʋʋsg la A tɩlgr be a yĩnga, n yeele: “ Wẽnd Tẽn-tʋʋma, ad mam tʋma zunuub-rãmbã fãa la Wẽnd kɩɩsgã, mam ka bas sẽn paoode, bɩ yaa bedre, rẽndame tɩ m maan-a, la rẽ yĩnga, b na n yaafa maam » ? tɩ Tẽn-tʋʋmã, Wẽnd pʋʋsg la A tɩlgr be a yĩnga, yeel-a : « fo ka maand kaset tɩ soab sẽn na n tũ n tɩlgl ka be rẽnda Wẽnde, la a Mohammad yaa Wẽnd Tẽn-tʋʋm laa ? A yɩlm-a-la noor a tãabo, Tɩ raoa leokdẽ : « n-yee, m maanda kaseto, Tɩ Nabiyaamã, Wẽnd pʋʋsg la A tɩlgr be a yĩnga, kõ-a kibare, sahd a yiibã yɩɩdlem, la a sẽn yaafd yεl wẽna, la a bãng tɩ tuubgã a sũkda bũmb ning sẽn reng a taoorã (Wẽnd kɩɩsgã).

• Bee hadiisã pʋgẽ, sẽn wilidg kaset a yiibã zɩslem la b sẽn wind zunuub-rãmbã, ne ned ning sẽn yeel-ba, t’a sã n kõ sɩda a sũurẽ, n sɩdge.
• Wilgdame tɩ lɩslaangã, a sũkda bũmb ning sẽn reng a taoorã.
• Wilgdame tɩ tuubg sẽn yaa sɩd-sɩda, a yẽesda sẽn reng a taoorã.
• Yeel n yɩlem wilgr pʋgẽ wã, a bee Nabiyaamã -Wẽnd pʋʋsg la A tɩlgr be a yĩnga- na-kẽndrã pʋgẽ.
• Wilgda sahd-rãmb a yiibã yɩɩdlem la b yiibã yaa sababo n tɩlgd ned n põsg-a, t’a ra duum Bugmã pʋgẽ ye.