پێغەمبەر -صلى اللە علیە وسلم- چاوی بە ئەبی هوڕەیڕە كەوت -ڕەزای خوای لێبێت- لە ڕێگایەکی شاری مەدینەدا، لەکاتێکدا ئەبو هوڕەیڕە لەشگران بوو، وەكو بەگەورەدانانێك بۆ پێغەمبەر -صلى اللە علیە وسلم-؛ ئەبو هوڕەیڕە حەزی نەكرد لەلای دابینشێت وقسەی لەگەڵدا بكات چونكە لەسەر ئەو حاڵەتەیە وپێی وابوو لاشەی پیسە، بۆیە بە نهێنی چوو خۆی شۆرد وگەڕایەوە، پاشان هات ودانیشت لەلای پێغەمبەر -صلى اللە علیە وسلم-، ئەویش پرسیای لێیكرد كە بۆ كوێ چوو؟ ئەبو هوڕەیڕەیش حاڵی خۆی بۆ باسكرد کە حەزی نەكردووە لەگەڵی دابنیشێت لەكاتێكدا لاشەی پیسە بەهۆی لەشگرانیەوە، پێغەمبەر -صلى اللە علیە وسلم- ئەمەی بە لاوە سەیر بوو، وپێی فەرموو: ئیماندار لە هەموو حاڵەتێكدا پاكە وهەرگیز پیس نابێت؛ زیندوو یان مردوو بێت.

• لەشگرانی دەبێتە هۆی قەدەغەبوونی نوێژ كردن ودەستدان لە قورئان ومانەوە لە مزگەوت، بەڵام ڕێگر نییە لە دانیشتن لەگەڵ مسوڵمانان وگەیشتن پێیان، وبەهۆی لەشگرانیەوە مرۆڤ لاشەی پیس نابێت.
• ئیماندار پاكە بە زیندووێتی ومردووێتی.
• بەگەورەدانانى کەسانی خاوەن فەزڵ وزانست وچاکەکار، ودانیشتن لەگەڵیان لەسەر جوانترین وباشترین شێواز.
• سوننەتە شوێنکەوتووان داوای ڕوخسەت بکەن لە پێشڕەو وگەورە لەکاتی ڕۆیشتنیاندا، پێغەمبەر -صلى اللە علیە وسلم- نکۆڵی کرد لە ئەبی هوڕەیڕە کاتێک ڕۆیشت بەبێ ئەوەى ئەو پێی بزانێت، ئەمەیش ئاماژەیە بۆئەوەى ڕوخسەت وەرگرتن نیشانەی ئەدەب وڕەوشت جوانییە.
• ووتنی: (سبحان الله)، لەکاتى سەرسوڕمان وسەرسامبوون بە شتێک.
• ڕێگەپێدراوە مرۆڤ باسی شتێک بکات کە شەرم دەکرێت لە باسکردنی بەمەرجێک بۆ بەرژەوەندیەکی پێویست بێت.
• کافر پیسە، بەڵام پیس بوونێکی ناخی ئەمیش بەهۆی پیسی بیروباوەڕی.
• نەوەوی دەڵێت: ئەم فەرموودەیە ئاماژەیە بۆ یەكێك لە ڕەوشت وئەدەبە جوانەكان ئەمیش بریتیە لەوەی ئەگەر زانا بینی فێرخوازەكەی شتێكی تێدایە وترسی هەیە لەوەی پێچەوانەی ڕاستی بێت ئەوا پێویستە پرسیاری سەبارەت بكات، وڕاستیەكەی پێ بڵێت، وحوكمەی بۆ ڕوون بكاتەوە، وخودا زاناترە.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. دەستنوێژگرتن (پاک ڕاگرتن)
5. لابردنی پیسییەکان
6. فەرموودە

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. دەستنوێژگرتن (پاک ڕاگرتن)
5. خۆشۆردن
6. فەرموودە

• ئاوی پیاو چڕ وسپیە، وئاوی ئافرەت تەنک وزەردە، هەرکامیان زاڵ بێت یان پێش بکەوێت؛ (منداڵەکە) لە ئەو دەچێت
• دەیکڕێنیت، پاشان بەدەستت لەگەڵ ئاوەکە دەیشۆیت، وئاوی پێدا دەکەیت، ونوێژی پێوە دەکەیت
• پێغەمبەری خودا -صلى اللە علیە وسلم- پیاوێکی بینی بە تەنها دانیشتبوو و لەگەڵ خەڵکی نوێژی نەکرد، پێی فەرموو: ئەی فڵان، چی ڕێگر بوو لەوەى کە لەگەڵ خەڵیکدا نوێژ بکەیت؟ ئەویش ووتی: ئەی پێغەمبەری خودا تووشی لەشگرانی بووم، وئاوم دەستنەکەوت، ئەویش ...
• (جلێک) میزی کچە منداڵی پێوە بێت؛ دەبێت بشۆردرێت، و(جلێک) میزی کوڕە منداڵی پێوە بێت؛ تەنها ئاوی پێدا دەکرێت -بەسەردا دەپرژێنێت