پێغەمبەر -صلى اللە علیە وسلم- وەسفی هەندێك دیمەنی ڕۆژی قیامەتی كردووە، پاش ئەوەی خەڵكی زیندوو دەكرێتەوە لە گۆڕەكانیان بۆ لێپرسینەوە لە یەك شوێندا كۆ دەكرێنەوە، حاڵیان بەم شێوەیە: پێ پەتین ونەعالیان لە پێدا نیە، وڕووتن وهیچ پۆشاك وشتێكی داپۆشەریان لەبەردا نییە، وخەتەنە نەكراون وەكو ئەو ڕۆژەی دایكیان ئەوانی بووە، كاتێك (دایكی ئیمانداران) عائیشە -ڕەزای خوای لێبێت- ئەمەی بیست؛ بە سەرسوڕمانیەوە ووتی: ئەی پێغەمبەری خودا، ئافرەتان وپیاوان هەموویان سەیری یەکتری دەکەن؟ پێغەمبەر -صلى اللە علیە وسلم- ڕوونیكردەوە بۆی، وفەرمووی: ئەو وەستان وزیندوو كردنەوەیە لە پاش مردن وئەوەی تێیدایە لە ناڕەحەتی؛ ئەمە گرنگترە بە لای خەڵكەوە بۆیە ئاوڕ نادەنەوە بۆ سەیركردنی عەورەتی یەكتر.

• ڕوونکردنەوەى ترسناکی وغەم وناڕەحەتیەکانى ڕۆژی قیامەت، ومرۆڤ لەو ڕۆژەدا هیچ شتێک سەرقاڵی ناکات لە لێپرسینەوە وکردەوەکانى.
• جەختکردنەوە لەسەر ئەوەى مرۆڤ تووشی تاوان وگوناهــ دەبێت بەهۆی بێئاگابوونەوە -غەفڵەتەوە-؛ چونکە ئەگەر بیر لە مەزنی ئەو زاتە بکاتەوە کە سەرپێچی فەرمانەکانى کردووە یان سزاكانی ئەوا هێندەی چاوتروکانێکیش بێئاگا نابێت لە یادکردنی وسوپاسکردنی وپەرستنی بە جوانى، بۆیە دەبینی لە ڕۆژی قیامەتدا خەڵکی سەرقاڵن بەخۆیانەوە وسەیری یەکتر ناکەن.
• زۆری شەرم وحەیای ئافرەتان لە سەردەمی پێغەمبەری خودا -صلى اللە علیە وسلم-، ئەوەتا عائیشە -ڕەزاى خواى لێبێت- بە شەرمەوە پرسیاری کرد کاتێک بیستی خەڵکی بە پیاوان وئافرەتانەوە بەڕووتی حەشر دەکرێن لە ڕۆژی قیامەتدا.
• سیندی دەڵێت: هەموو سەرقاڵە بە حاڵی خۆیەوە ونازانێت براكەی حاڵی چۆنە، خوای گەورە دەفەرموێت: {لِكُلِّ ‌امْرِئٍ ‌مِنْهُمْ ‌يَوْمَئِذٍ ‌شَأْنٌ ‌يُغْنِيهِ} [عبس: 37] {ھەموو یەکێك لەوان لەو ڕۆژەدا سەرقاڵی حاڵی خۆیەتی ونایپەرژێتە سەر كەسی تر}؛ بۆیە هیچ یەكێك ئاوڕ ناداتەوە بۆئەوەی سەیری عەورەتی كەسێكی تر بكات.
• خەتەنە كردن؛ لە نێردا: بریتیە لە بڕینی ئەو پێستەی كە سەرەوەی چووكی داپۆشیووە، ولە مێینەدا: بریتیە لە بڕینی ئەو پێستەی كە لە سەرەوەی ئەندامی زاوزێیە ولە پۆپنەی كەڵەشێر دەچێت.

1. سه‌ره‌كی
2. عەقیدە (بیروباوەڕ)
3. باوەڕهێنان بە ڕۆژی دوایی
4. ژیانی ڕۆژی دوایی
5. فەرموودە

• ئایا هەواڵتان پێبدەم سەبارەت بە خەڵكی بەهەشت؟ هەموو لاوازێکی بە لاواز دانراو، ئەگەر سوێند بخوات کە خوای گەورە کارێکی بۆ جێبەجێ بکات؛ ئەوا بۆی جێبەجێی دەکات...
• پێی هیچ بەندەیەك ناجوڵێت لە ڕۆژی قیامەتدا هەتا پرسیاری لێدەکرێت
• ئێمە كۆتا ئوممەتین، و یەکەمینین کە لێپرسینەوەمان لەگەڵ دەکرێت
• پەروەردگارم پەیمانی پێدام کە حەفتا هەزار لە ئومەتەکەم بکاتە بەهەشتەوە بە بێ لێپرسینەوە وبە بێ سزادان، و لەگەڵ هەر هەزارێک لەوانە حەفتا هەزاری تر، وسێ پڕچنگ لە پڕچنگەکانى پەروەردگارم...