ነቢዩ -የአላህ ሶላትና ሰላም በእርሳቸው ላይ ይስፈንና - የትንሳኤ ቀን የሚከሰተውን አንድ ክስተት እንዲህ በማለት ገለፁ። ሰዎች ለሒሳብ ከቀብራቸው ከተቀሰቀሱ በኋላ ያለ ጫማ በባዶ እግራቸው፣ ያለልብስ ሰውነታቸው ተራቁቶና እናታቸው እንደወለደቻቸው ቀን ያልተገረዙ ሆነው ይሰበሰባሉ። ይህንንም የአማኞች እናት ዓኢሻ -አላህ መልካም ስራዋን ይውደድላትና- ስትሰማ ተደንቃ እንዲህ አለች: "የአላህ መልክተኛ ሆይ! ወንዶችም ሴቶችም ባጠቃላይ ከፊሉ ወደ ከፊሉ እየተመለከተ?" ነቢዩም -የአላህ ሶላትና ሰላም በእርሳቸው ላይ ይስፈንና - ከሞት መቀስቀስ በኋላ የመሰብሰብና የመቆም ጉዳይ ሀፍረተ ገላን ከመመልከትም በላይ የሰዎችን ሃሳብና አይን የሚሰልብ አስደንጋጭነት እንዳለው ገለፁ።

• የትንሳኤ ቀን አስደንጋጭነት መገለፁ። የሰው ልጅ የዛን ቀን ስለ ሒሳቡና ስራዎቹ ከማሰብ ውጪ አንዳችም ነገር አያጠምደውም።
• ይህ ሐዲሥ የሰው ልጅ ካልተዘናጋ በቀር ወንጀል ላይ እንደማይወድቅ ያጠናክርልናል። የሰው ልጅ ያመፀውን ጌታ ታላቅነት ወይም የቅጣቱን ከባድነት ቢያስታውስ ኖሮ ለቅፅበት ያህል እንኳ እርሱን ከማውሳት፣ ከማመስገንና አሳምሮ ከማምለክ አይዘናጋም ነበር። ስለዚህም ነው የትንሳኤ ቀን የሚሰበሰቡ ሰዎች በነፍሳቸው ከመጠመዳቸው የተነሳ ከፊሉ ወደ ከፊሉ የማይመለከት ሆኖ ታየዋለህ።
• በአላህ መልክተኛ -የአላህ ሶላትና ሰላም በእርሳቸው ላይ ይስፈንና - ዘመን የነበሩ ሴቶች የነበራቸው ሃፍረት ከፍተኛ እንደሆነ እንረዳለን። ይኸውም ዓኢሻ -አላህ መልካም ስራዋን ይውደድላትና- ወንዱም ይሁን ሴቱ ፍጥረታት ባጠቃላይ ራቁታቸውን እንደሚቀሰቀሱ ስትሰማ ሃፍረት በተሞላበት መልኩ ማብራሪያ ከመጠየቋ የምንረዳው ነው።
• ሲንዲይ እንዲህ ብለዋል: "ሁሉም ስለራሱ ጉዳይ የተጠመደ በመሆኑ ስለ ወንድሙ ሁኔታ ምንም አያውቅም። ታላቁ አላህ እንዲህ ብሏል: {ከእነርሱ ለየሰው ሁሉ በዚያ ቀን (ከሌላው) የሚያብቃቃው ሁኔታ አለው።} [ዐበሰ: 37] አንድም ሰው ወደ ሌላው ሃፍረተ ገላ ሊመለከት እንኳ አይዞርም።"
• ግርዛት: ለወንድ ልጅ: ክርክሩን የሸፈነውን ቆዳ መቁረጥ ሲሆን ለሴት ደግሞ: ከብልት መግቢያ ቀዳዳ ከፍ ብሎ ያለውን የአውራ ዶሮ ቆብ የሚመስለውን ቆዳ መቁረጥ ነው።

1. ዋና ገፅ
2. ዐቂዳ (እምነት)
3. በመጨረሻው ቀን ማመን
4. የመጨረሻው ህይወት
5. ሓዲሥ

• {ከዚያም ከድሎታችሁ ሁሉ በዚያ ቀን ትጠየቃላችሁ።}
• የወንድሙን ክብር በመንካት ወይም በአንዳች ነገር ወንድሙን የበደለ ሰው ዲናርና ዲርሃም የሌለበት ቀን ከመምጣቱ በፊት ዛሬ ከራሱ ላይ በደሉን ያስነሳ።...
• አዛን በሚሰማ ጊዜ ‹አልላሁመ ረበ ሀዚሂ አድደዕወቲ አትታመቲ ወስሰላቲል ቃኢመህ አቲ ሙሐመደኒል ወሲለተ ወልፈዲለተ ወብዐሥሁ መቃመን መሕሙደኒለዚ ወዐድተህ› ያለ ሰው የትንሳኤ ቀን ምልጃዬ ትፀድቅለታለች።" ትርጉሙም "የዚህ የተሟላ ጥሪና የምትቆመው ሶላት ጌታ የሆንከው አላህ ሆይ! ለሙሐመድ ወሲላና ፈዲላን ስጣቸው፤ ቃል የገባህላቸውን ምስጉን ስፍራም ስጣቸው።" ማለት ነው።...
• የትንሳኤ ቀን የትኛውም ባሪያ እድሜውን በምን እንዳጠፋው፣ በእውቀቱ ምን እንደሰራበት፣ ገንዘቡን ከየት እንዳገኘውና ምን ላይ እንዳዋለው፣ በአካሉ ምን እንዳደረገበት ሳይጠየቅ እግሮቹ አይንቀሳቀሱም።'...