Amesimulia Mtume rehema na amani ziwe juu yake baadhi ya yale yatakayokuwa siku ya Kiyama, na kwamba watakusanywa watu baada ya kufufuliwa kutoka makaburini mwao kwa ajili ya hesabu, na hali yao ni kwamba watakuwa miguu peku bila viatu, miili yao ikiwa uchi bila nguo wala kizuizi, na wakiwa hawajatahiriwa kama siku waliyozaliwa na mama zao, aliposikia mama wa Waumini Aisha radhi za Mwenyezi Mungu ziwe juu yake akasema kwa kustaajabu: Ewe Mjumbe wa Mwenyezi Mungu, wanawake na wanaume wote pamoja kila mmoja akimtazama mwenzake?! Mtume rehema na amani ziwe juu yake akambainishia: Kwa jambo la kisimamo na kukusanywa baada ya kufufuliwa kutoka katika kifo lina misukosuko kiasi kwamba watu macho yao hayatojali kutazama utupu.

• Kumebainishwa vitisho vya siku ya Kiyama, na kwamba mtu hakuna kitakachomshughulisha zaidi ya kuwaza hesabu yake na matendo yake.
• Msisitizo wa kuwa mwanadamu hatumbukii katika maasi isipokuwa katika hali ya kughafilika; kwani lau akikumbuka ukubwa wa anayemuasi au adhabu zake basi asingeghafilika kumkumbuka na kumshukuru na kufanya vizuri ibada zake hata sekunde moja, na ndio maana utawaona watu siku ya Kiyama wameshughulishwa na nafsi zao, hawatazamani.
• Haya kubwa ya wanawake waliokuwa katika zama za Mtume rehema na amani ziwe juu yake, kwa mfano huyu hapa Aisha radhi za Mwenyezi Mungu ziwe juu yake, anauliza kwa sababu ya aibu, pale anaposikia kwamba viumbe watakusanywa wakiwa uchi wanaume na wanawake.
• Amesema Assanadi: Kila mmoja atashughulishwa na jambo lake na wala hatojua hali ya mwenzake, amesema Mwenyezi Mungu Mtukufu: "Kila mtu miongoni mwao siku hiyo atakuwa na lake la kumtosha" [Abasa: 37] Hakuna yeyote atakayegeuka kutazama uchi wa mwenzake.
• Kutahiriwa: Kwa wanaume: Ni kukata ngozi inayositiri kichwa cha uume, na kwa wanawake: Ni kukata kingozi kilichoko juu mahali pa tundu, kinachofanana na kinyama cha jogoo.

1. Nyumbani
2. Akida- Itikadi-
3. Kuamini siku ya mwisho
4. Maisha ya Akhera.
5. Hadithi

• Ewe Bilali, hebu nihadithie kuhusu amali yenye matarajio makubwa zaidi uliyowahi kuifanya ndani ya Uislamu
• Hakika peponi kuna daraja mia moja kaziandaa Mwenyezi Mungu kwaajili ya wenye kupigana katika njia ya Mwenyezi Mungu kati ya daraja mbili ni kama masafa ya baina ya mbingu na ardhi
• Jua litasogezwa karibu na viumbe Siku ya Kiyama mpaka liwe karibu nao umbali wa maili moja
• Hakika kundi la kwanza la watu watakaoingia peponi watakuwa katika sura ya mwezi usiku wa tarehe kumi na tano, kisha wale wanaowafuata watakuwa katika sura ya nyota kali ing'aayo na iangazayo mbinguni