এজন ব্যক্তি নবী চাল্লাল্লাহু ‘আলাইহি অছাল্লামৰ ওচৰত উপস্থিত হৈ ক'লে, মোৰ বাহন ধ্বংস হৈছে। গতিকে পৰিবহণৰ বাবে আপুনি মোক এটি পশু দিয়ক, যিটোক মই বাহন হিচাপে ব্যৱহাৰ কৰি মোৰ গন্তব্য স্থানলৈ যাব পাৰোঁ। নবী চাল্লাল্লাহু ‘আলাইহি অছাল্লামে অপাৰগতা প্রকাশ কৰি ক'লে যে, তেখেতৰ ওচৰত এনেকুৱা কোনো বাহন নাই যিটোক সি পৰিবহণ হিচাপে ব্যৱহাৰ কৰিব পাৰিব। তেতিয়া উপস্থিত এজন ব্যক্তিয়ে ক'লে, হে আল্লাহৰ ৰাছুল! মই এওঁক এনেকুৱা এজন ব্যক্তিৰ সন্ধান দিব পাৰোঁ, যিয়ে এওঁক বাহন যোগান ধৰিব পাৰিব। তেতিয়া ৰাছুলুল্লাহ চাল্লাল্লাহু ‘আলাইহি অছাল্লামে সেই ব্যক্তিজনক এই কথা জনালে যে, তেৱোঁ দানকাৰী ব্যক্তিৰ সমানেই ছোৱাব লাভ কৰিব, কাৰণ তেওঁ এজন অভাৱী ব্যক্তিক তাৰ প্রয়োজন পূৰণৰ সন্ধান দিছে।

• কল্যাণকৰ বিষয়ৰ সন্ধান দিবলৈ উৎসাহিত কৰা হৈছে।
• হাদীছটোত সৎকৰ্ম কৰিবলৈ উৎসাহিত কৰা হৈছে, আৰু এইটো হৈছে মুছলিম সমাজৰ যৌথ দায়িত্বভাৰ গ্রহণ কৰা আৰু ইজনে সিজনৰ সম্পূৰকতাৰ অন্যতম কাৰণ।
• মহান আল্লাহৰ অনুগ্রহ সুপ্ৰশস্ত হোৱাৰ প্রমাণ।
• এই হাদীছটো হৈছে ব্যাপক মূলনীতি নিৰ্ধাৰণকাৰী এটা হাদীছ, সকলো প্রকাৰৰ কল্যাণকৰ কাম ইয়াৰ অন্তৰ্ভুক্ত।
• যদি কোনো ব্যক্তিয়ে কোনো সহায়প্ৰাৰ্থীৰ অভাৱ পূৰণ কৰিবলৈ সক্ষম নহয়, তেন্তে তেওঁ এনেকুৱা কোনো ব্যক্তিৰ সংংবাদ দিয়া উচিত যিয়ে তাৰ অভাৱ পূৰণ কৰিব পাৰিব।

1. মুখ্য পৃষ্ঠা
2. ফজিলত আৰু শিষ্টাচাৰসমূহ
3. আখলাক সম্পৰ্কীয় ফিক্হ
4. প্ৰশংসনীয় আচাৰ-ব্যৱহাৰ
5. হাদীছ

• ৰাছুলুল্লাহ চাল্লাল্লাহু ‘আলাইহি অছাল্লামক প্ৰশ্ন কৰা হ'ল যে, কোনটো আমলৰ কাৰণে অধিক মানুহে জান্নাতত প্রৱেশ কৰিব? তেখেতে ক'লে: “আল্লাহৰ তাক্বৱা আৰু উত্তম চৰিত্ৰৰ কাৰণে...
• নিশ্চয় আল্লাহে অপ্রসিদ্ধ ধনী মুত্তাকী বান্দাক ভাল পায়।
• তোমালোকৰ মাজৰ কোনেও তেতিয়ালৈকে প্ৰকৃত মুমিন হ'ব নোৱাৰে, যেতিয়ালৈকে সি নিজৰ বাবে যিটো পছন্দ কৰে, সেইটো তাৰ ভাতৃৰ বাবে পছন্দ নকৰিব।...
• যি ব্যক্তিয়ে মানুহৰ প্রতি দয়া নকৰে, সৰ্বশক্তিমান আল্লাহেও তাৰ প্রতি দয়া নকৰে।