Yónent bi -yal na ko Yàlla dolli xéewal ak mucc- day xamle ngëneelu Yàlla ak yërmaandeem, ak ne jullit bu aadawoo di def jëf ju baax ci jamonoy wéram te tukkiwul, mujj gi mu am ngànt daal di feebar ba manu koo defaat, walla tukki soxlaal ko ba manul loolu, walla ngànt gu mu man a doon ; kon dees na ko bindal yool wu mat sëkk, kem su ko defoon cig wér ak cig ñàkka tukki.

• Yaatug ngëneelu Yàlla ci jaamam yi.
• Ñaaxe ngir góor -góorlu ci topp yi, ak gaawantu jëf ci jamonoy wér ak jomanoy péex te.