Ang Propeta (basbasan siya ni Allāh at pangalagaan) ay nag-aangat ng mga kamay niya sa tatlong posisyon ng ṣalāh nang katapat o kaharap sa balikat, na pinagsasalubungan ng mga buto ng balagat (shoulder blade) at bisig. Ang Unang Posisyon: Kapag nagpasimula siya ng pagsasagawa ng ṣalāh sa sandali ng pagsasagawa ng takbīr ng pagsisimula. Ang Ikalawang Posisyon: Kapag nagsagawa siya ng takbīr para sa pagyukod. Ang Ikatlong Posisyon: Kapag nag-angat siya ng ulo niya mula sa pagkakayukod at magsasabi siya ng: "Sami`a -llāhu li-man ḥamidah. Rabbanā wa-laka -lḥamd. (Duminig si Allāh sa sinumang nagpuri sa Kanya. Panginoon namin, at ukol sa Iyo ang papuri.)" Hindi siya nag-aangat ng mga kamay niya sa sandali ng pagpapasimula ng pagpapatirapa ni sa sandali ng pag-angat mula rito.

• Kabilang sa mga kasanhian ng pag-aangat ng mga kamay sa ṣalāh ay na ito ay isang gayak para sa ṣalāh at isang pagdakila kay Allāh (kaluwalhatian sa Kanya).
• Napagtibay buhat sa Propeta (basbasan siya ni Allāh at pangalagaan) ang pag-aangat ng mga kamay niya sa ikaapat na posisyon gaya ng nasa salaysay ni Abū Ḥumayd As-Sā`idīy sa ganang kay Abū Dāwud at iba pa rito. Ito ay sa sandali ng pagtayo mula sa Unang Tashahhud sa ṣalāh na tatluhan at apatang rak`ah.
• Napagtibay buhat sa Propeta rin (basbasan siya ni Allāh at pangalagaan) na siya ay nag-aangat ng mga kamay niya katapat ng mga tainga niya nang walang pagsaling gaya ng nasa salaysay ni Mālik Al-Ḥuwayrith sa Dalawang Ṣaḥīḥ: {Ang Sugo ni Allāh (basbasan siya ni Allāh at pangalagaan), kapag nagsagawa siya ng takbīr, ay nag-aangat ng mga kamay niya hanggang sa magtapat siya ng mga ito sa mga tainga niya.}
• Ang pagsasama ng tasmī` (pagsasabi ng: "Sami`a -llāhu li-man ḥamidah") at taḥmīd (pagsasabi ng: "Rabbanā wa-laka -lḥamd") ay natatangi sa imām at munfarid (mag-isang nagdarasal). Hinggil naman sa ma'mūm, magsasabi siya ng: "Rabbanā wa-laka -lḥamd."
• Ang pagsasabi ng: "Rabbanā wa-laka -lḥamd" matapos ng pagyukod ay natumpak buhat sa Propeta (basbasan siya ni Allāh at pangalagaan). Dito ay may apat na porma. Ito ay isa sa mga iyon. Ang pinakamainam ay na sumunod ang tao sa mga pormang ito at sumambit ng isang pormang ito minsan at isa pang pormang ito minsan.

1. Ang Pangunahin
2. Ang Fiqh at ang mga Batayan Nito
3. Ang Fiqh ng mga Pagsamba
4. Ang Ṣalāh
5. Ang Paglalarawan sa Ṣalāh
6. Ang ḥadīth

• {Nagdasal ako kasama ng Propeta (basbasan siya ni Allāh at pangalagaan) saka siya ay bumabati sa dakong kanan niya ng: "Assalāmu `alaykum wa-raḥmatu -llāhi wa-barakātuh (Ang kapayapaan ay sumainyo, ang awa Niya, at ang mga pagpapala Niy...
• Katotohanang nakita niya ang Propeta-Pagpalain siya ni Allah at pangalagaan-,Kapag siya ay nasa dasal na Witr sa pagdarasal niya,Hindi siya tumatayo hanggang sa mapagpantay niya ang kanyang pag-upo
• Tunay na ang Sugo ni Allah pagpalain siya ni Allah at pangalagaan-ay nagpadala ng isang lalaki sa hukbo [ng mga kawal],at siya ay nagbabasa sa mga kasamahan niya sa pagdarasal nila,at tinatapos niya sa "Ipagbadya (O Muhammad) siya si Allah ...
• Katotohanang ang Propeta-pagpalain siya ni Allah at pangalagaan-ay nanalangi ng isang buwan pagkatapos yumuko,Nanalangin siya sa mga tribu mula sa mga Anak ni Sulaym,Nagsabi siya: Nagpadala siya ng Apatnapo-o Pitumpo nag-aalinlangan siya ri...