တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် ဆွလာသ်ဆောက်တည်စဉ် သုံးနေရာ၌ လက်နှစ်ဖက်ကို (ပခုံးနှင့် လက်မောင်းဆုံသည့်) ပခုံးဆစ်နှစ်ဖက်နှင့် တစ်တန်းတည်း သို့မဟုတ် တပြေးတည်း မြှောက်တော်မူခဲ့သည်။ ပထမနေရာမှာ ဆွလာသ်စတင်ရန် ‘သက္ကဗိရ် သဟ်ရီမဟ်’ ဆိုသည့်အချိန်တွင်ဖြစ်သည်။ ဒုတိယနေရာမှာ ရုကူအ်ဦးညွှတ်ရန် သက္ကဗိရ်ဆိုသည့်အခါဖြစ်သည်။ တတိယနေရာမှာ“سَمِعَ اللّٰهُ لِمَنْ حَمِدَهُ، رَبَّنَا وَلَكَ الحَمْدُ” ဆိုပြီး ရုကူအ် ဦးညွှတ်ရာမှ ပြန်ထပြီသည့်အခါတွင်ဖြစ်သည်။ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် စဂ်ျဒဟ် ဦးချသည့်အခါနှင့် ဦးချရာမှ ပြန်ထသည့်အခါတွင် လက်မြှောက်ခြင်းမပြုပါ။

• ဆွလာသ်၌ လက်နှစ်ဖက်မြှောက်ခြင်း၏ ဟိက်မသ်အမြာ်မြင်တစ်ခုမှာ ထိုသို့လက်မြှောက်ခြင်းသည် ဆွလာသ်၏ အလှတရားဖြစ်ပြီး ချိုတဲ့မှုအပေါင်းမှ ကင်းစင်တော်မူသော အလ္လာဟ်အရှင်မြတ်ကို ဂုဏ်ပေးခြင်းလည်းဖြစ်သည်။
• တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် ဆွလာသ်၌ စတုတ္ထမြောက်နေရာတွင် လက်မြှောက်ခဲ့ကြောင်းကို အဗူဒါဝူဒ်ကျမ်းနှင့် အခြားကျမ်းများတွင် လာရှိသော အဗူဟမီးဒ် အတ်စာအိဒီး၏ ဆင့်ပြန်ချက်တွင် အတည်ပြုထားသည်။ ထိုနေရာမှာ သုံးရကအသ်နှင့် လေးရကအသ်ရှိသော ဆွလာသ်များတွင် ပထမကိုင်ဒဟ်ထိုင်ပြီးနောက် ကိယာမ်ပြန်ရပ်သည့်အခါတွင် ဖြစ်သည်။
• တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် လက်နှစ်ဖက်ကို နားရွက်နှင့်မထိဘဲ နားနှစ်ဖက်နှင့် အညီမြှောက်ခဲ့ကြောင်းကို ဗုခါရီကျမ်းနှင့် မွတ်စလင်မ်ကျမ်းတွင် မာလိက်ဗင်န် ဟုဝိုင်းရိဆ်၏ ဆင့်ပြန်ချက်တွင် လာရှိသည်။ “အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်းဟိဝစလ္လမ်)သည် သက္ကဗိရ်ဆိုသည့်အခါ လက်နှစ်ဖက်ကို နားနှစ်ဖက်နှင့်အညီ မြှောက်တော်မူသည်။”
• ရှေ့ဆောင်အိမာမ်နှင့် တစ်ဦးတည်းဝတ်ပြုသူသည် “سَمِعَ اللّٰهُ لِمَنْ حَمِدَهُ“ နှင့် “رَبَّنَا وَلَكَ الحَمْدُ” နှစ်ခုစလုံးကို ဆိုရမည်။ အိမာမ်ရှ့ဆောင်၏ နောက်လိုက်အဖြစ် ဝတ်ပြုသူသည် “رَبَّنَا وَلَكَ الحَمْدُ”ကိုသာ ဆိုရမည်။
• ရူကူအ်ဦးညွှတ်ရာမှ ပြန်ထပြီးနောက် ရွတ်ဆိုခဲ့သည့် စာသားလေးမျိုးရှိကြောင်း တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)ထံမှ မှန်ကန်သောဆင့်ပြန်ချက်ဖြင့် လာရှိထားသည်။ ၎င်းတို့အနက်”رَبَّنَا وَلَكَ الحَمْدُ” ဆိုခြင်းသည်လည်း တစ်ခုအပါအဝင်ဖြစ်သည်။ အကောင်းဆုံးမှာ လူတစ်ဦးအနေဖြင့် ထိုစာသားများအားလုံးကို တစ်လှည့်စီ ရွတ်ဆိုသင့်သည်။

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ခဝပ်ကိုးကွယ်မှုဆိုင်ရာ ဖိကဟ်။
4. ဆွလာသ်။
5. ဆွလာသ်ဝတ်ပြုရမည့်ပုံစံ။
6. ဟဒီးဆ်

• အသင်တို့ ဆွလာသ်ဆောက်တည်သည့်အခါ ဆွဖ်အတန်းများကို ညီညာစွာ စီတန်းကြပါ။ ထို့နောက် အသင်တို့အနက်မှတစ်ဦးအား သင်တို့အတွက် အိမာမ်ရှေ့ဆောင်အဖြစ် သတ်မှတ်ပါ။ ၎င်းက ‘သက္ကဗီရ်’ဆိုလျှင် အသင်တို့လည်း ‘သက္ကဗီရ်’ဆိုကြပါ။...
• အသင် (ဆွလာတ်ဝတ်ပြုရာ၌) စဂျ်ဒဟ် ဦးချသောအခါ သင်၏လက်ဖဝါးနှစ်ဖက်ကို မြေကြီးပေါ်တွင် ချထားပါ။ သင်၏တံတောင်ဆစ်နှစ်ဖက်ကိုအပေါ်သို့ မြှောက်ထားလော့။...
• တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် စဂ်ျဒဟ်နှစ်ခုကြားတွင် “ ရဗ်ဗိဂ် ဖိရ်လီး၊ ရဗ်ဗိဂ် ဖိရ်လီး” (အို - အရှင်မြတ် ကျွန်တော်မျိုးအား ခွင့်လွှတ်တော်မူပါ၊ အို - အရှင်မြတ် ကျွန်တော်မျိုးအား ခွင့်လွှတ်တော်မူပါ။) ကို ရွတ်ဆိုလေ့ရှိသည်။...
• ဤသည် ခင်န်ဇဗ်ဟုခေါ်သည့် ရှိုင်သွာန်ပင်ဖြစ်သည်။ အသင်သည် ထိုကဲ့သို့ခံစားရပါက ၎င်းရန်မှကင်းဝေးစေရန် အလ္လာဟ်အရှင်မြတ်ထံတော်တွင် ခိုလှုံမှုရယူပါ။ သင်၏ဘယ်ဘက်သို့ တံတွေး သုံးကြိမ်ထွေးလိုက်ပါ။...