Profeti (paqja qoftë mbi të!) ishte duke ndenjur me disa shokë të tij dhe me këtë rast ai kërkoi tri herë nga ata që t'i jepnin besën dhe t'i premtonin se do t'i përmbaheshin gjërave të mëposhtme: E para: adhurimi i Allahut të Vetmit, duke i përmbushur urdhëresat e Tij, duke qëndruar larg ndalesave të Tij dhe duke mos i bërë Atij ortak. E dyta: falja e pesë namazeve të detyrueshme gjatë ditës dhe natës. E treta: dëgjimi dhe bindja në mënyrë të arsyeshme ndaj udhëheqësve të muslimanëve. E katërta: parashtrimi i të gjitha nevojave Allahut të Madhëruar, duke mos i kërkuar asgjë njerëzve. Këtë Profeti (paqja qoftë mbi të!) e tha me zë të ulët. Faktikisht sahabët (Allahu qoftë i kënaqur me ta!) iu përmbajtën besës së dhënë, saqë transmetuesi i hadithit ka thënë që i ka parë disa prej tyre t'u binte kamxhiku në tokë dhe nuk kërkonin prej askujt që t'ua jepte, por zbrisnin (nga deveja) në tokë dhe e merrnin vetë.

• Nxitja për të shmangur kërkesën nga njerëzit, ruajtja e dinjitetit nga çdo gjë që quhet kërkesë dhe pavarësia nga njerëzit edhe kur bëhet fjalë për gjëra të thjeshta.
• Kërkesa që ndalohet në këtë hadith është kërkesa që lidhet me çështjet materiale, kështu që në të nuk përfshihet kërkesa apo pyetja që ka të bëjë me çështjet e dijes dhe të fesë.

1. Ballina
2. Akideja
3. Besimi në Allahun e Lartësuar
4. Teuhidi uluhije
5. Hadithi

• “Allahu i Lartmadhëruar ju ndalon të betoheni në baballarët tuaj
• “Mos u betoni në idhuj e as në baballarët tuaj!”
• “Mos më shenjtëroni siç e kanë shenjtëruar të krishterët të birin e Merjemes. Unë jam rob i Allahut, andaj thoni: "Rob i Allahut dhe i Dërguari i Tij.”
• Ai iu përgjigj: “Ai që vdes pa i bërë shirk Allahut asgjë, do të hyjë në Xhenet, ndërsa ai që vdes duke i bërë shirk Allahut ndonjë gjë, do të hyjë në Zjarr.”