Intumwa y'Imana (Imana iyihe amahoro n'imigisha) yagiranye isezerano n'igihango n'abasangirangendo bayo cy'uko bagomba kumvira abayobozi n'abategetsi mu biboroheye n'ibibakomereye, mu bukire no mu bucyene; amategeko yabo yaba ahuye n'ibyo imitima yacu irarikiye cyangwa se yanga, kabone n'iyo batunyaga ibyacu nk'umutungo rusange cyangwa imyanya y'ubuyobozi cyangwa se n'ibindi. Ni ngombwa kubumva no kubumvira mu byiza, ntitubigomekeho, kubera ko kubigomekaho ibibazo byateza byaba bihambaye kuruta ubwangizi bo bakora! No mu byo bayisezeranyije ni uko bazarangwa no kuvuga ukuri aho baba bari hose, babyegurira Allah wenyine, badatinya umugayo w'uwo ari wese.

• Inyungu zo kumva no kumvira abayobozi n'abategetsi ni ugutuma habaho ubumwe mu bayisilamu, no kwirinda amacakubiri.
• Ni itegeko kumva no kumvira abayobozi igihe batadutegeka kwigomeka kuri Allah mu bitworoheye no mu bidukomereye, tubyishimiye cyangwa se tutabyishimiye, kabone n'iyo batwambura ibyacu.
• Ni itegeko kuvuga ukuri aho turi hose, tudatinya kubera Allah umugayo w'uwo ari we wese.