رسول الله صلی الله علیه وسلم موږ ته د جمعې لمانځه ته د وختي تللو فضیلت بیانوي، چې دا وختي تلل د لمر له راختلو څخه د امام تر راتګ پورې دی؛ او دا نږدې پنځه ساعتونه کیږي، چې د وخت سره سم وېشل کیږي؛ د لمر له راختلو څخه د امام تر راتګه او بیا د خطبې لپاره د منبر ختلو پورې: لومړی: څوک چې لکه د جنابت په څېر بشپړ غسل وکړي، بیا د جمعې جومات ته په لومړي ساعت کې لاړ شي، نو اجر یې دومره دی لکه یو اوښ چې خیرات کړي. دویم: څوک چې په دویم ساعت کې لاړ شي نو داسې ده لکه یوه غوا چې خیرات کړي. دریم: څوک چې په دریم ساعت کې لاړ شي، نو داسې ده لکه یو نر ښکرور پسه چې خیرات کړي. څلورم: څوک چې په څلورم ساعت کې لاړ شي نو داسې ده لکه یوه چرګه چې خیرات کړي. پنځم: څوک چې په پنځم ساعت کې لاړ شي نو داسې ده لکه یوه هګۍ چې خیرات کړي. خو کله چې امام د خطبې لپاره راووځي، ملايکې د هغه چا نومونه لیکل بس کړي چې یو د بل پسې جومات ته راځي، او خپله ذکر او خطبې ته غوږ ونیسي.

• د جمعې په ورځ غسل ته هڅوونه، او باید چې لمانځه ته له تللو وړاندې وي.
• د ورځې په لومړیو ساعتونو کې د جمعې لمانځه ته د وختي تللو فضیلت.
• په نیکو عملونو ټېنګار او ورته هڅوونه.
• د جمعې لمانځه ته د ملایکو حاضرېدل او خطبې ته غوږ نیول.
• ملايکې د جوماتونو په دروازو کې کیني، او یو د بل پسې د جمعې لمانځه ته د راتلونکو نومونه لیکي.
• ابن رجب فرمایي: دا وینا یې چې فرمایي: "من اغتسل يوم الجمعة، ثم راح" یعنې چا چې د جمعې په ورځ غسل وکړ او بیا لاړ، پدې دلیل دی چې د جمعې لپاره مستحب غسل دا دی چې د سهار د راختلو پر مهال وشي او ورستی وخت یې هغه مهال دی چې د جمعې لمانځه ته د تللو پر مهال ځي.

1. کور‌پاڼه
2. فقه او اصول یې
3. د عبادتونو فقه
4. پاکوالی (پاکوالی)
5. غسل
6. د غسل، سنتونه او آداب
7. حدیث

1. کور‌پاڼه
2. فقه او اصول یې
3. د عبادتونو فقه
4. لمونځ
5. د جمعې لمونځ
6. حدیث

• په تاسو کې چې په چا جمعه راغله نو غسل دې وکړي
• که خپل ملګرې ته دې د جمعې په ورځ وویل چې: چپ شه، په داسې حال کې چې امام خطبه وایي، نو تا د جمعې فضیلت له لاسه ورکړ