رسول الله صلی الله علیه وسلم فرمایلي دي: هره ورځ چې لمر راخیژي، دوه ملاېکې راښکته کېږي او اواز کوي: یوه یې وایي چې: اې الله! څوک چې په طاعتونو، اولادونو، میلمنو او د خېر کارونو کې لګښت کوي هغه ته د لګول شوي مال څخه ډېره بدله ورکړه او برکت ورته پکې واچوه. او بله وایي: اې الله! څوک چې پدې کارونو کې لګښت نه کوي مال یې تلف کړه، او هغه مال یې برباد کړه چې له اړمنو څخه یې منع کړی دی.

• د سخاوتمند لپاره دعا کول روا دي چې ډېره معاوضه ترلاسه کړي او دا چې د لګول شوي مال څخه الله زیات ورکړي، او بخیل انسان ته بد دعاوې کول چې هغه مال یې تلف شي چې بخل یې پرې کړی او په هغو لارو کې د لګښت څخه انکار کړی چې الله پرې واجب کړي دي.
• د ملایکو له خوا لګښت کوونکو نیکو مؤمنانو ته د خېر او برکت دعا، او دا چې دعا یې قبلیږي.
• په واجبو او نفلي لارو کې په لګښت کولو ټینګار؛ لکه په کورنۍ، خپلوانو او د خېر په لارو کې لګښت.
• په نیکو کارونو کې د مصرف کوونکي فضیلت او دا چې اجر به یې الله ورکوي، الله تعالی فرمایلي: ﴿وَمَا أَنفَقْتُم مِّن شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ﴾ [سبأ: 39].او څه چې تاسو يې (په خير كې) لګوئ نو هغه (الله) يې بدله دركوي او همغه تر ټولو ښه روزي وركونكى دى.
• دا خېراوې د هغه چا لپاره دي چې له واجبو نفقو څخه ځان ساتي، خو مستحب نفقې په کې نه راځي؛ ځکه چې خاوند یې د دې خېراوو مستحق نه دی.
• د بخل او کنجوسۍ حرموالی.

1. کور‌پاڼه
2. فقه او اصول یې
3. د عبادتونو فقه
4. زکات
5. نفلي صدقه (خیرات)
6. حدیث

• عملونه شپږ دي او خلک څلور ډوله دي، دوه عملونه دي چې واجبوونکي دي، او - بل ډول - سر په سر، او نیکي یو په لس چنده ده، او - بل ډول - نیکي په اووه سوه ده...
• آیا تاسو ته الله تعالی هغه څه نه دي درکړي چې تاسو یې صدقه کړئ؟ هره تسبیح صدقه ده، هر تکبیر ویل صدقه ده، هر الحمد لله ویل صدقه ده او تاسو ته په کوروالي کې صدقه ده...
• (کله دې چې یو دینار دې د الله په لاره کې مصرف کړی وي، یو دینار دې د غلام د آزادولو لپاره مصرف کړی وي، یو دینار دې مسکین ته ورکړی وي او یو دینار دې پر خپلې کورنۍ مصرف کړی وي— نو له دې ټولو هغه دینار ډېر اجر لري چې پر خپلې کورنۍ دې مصرف کړی ...
• په تاسو کې هېڅوک نشته مګر دا چې الله به ورسره خبرې وکړي، په داسې حال کې چې د هغه او د ده ترمنځ به هېڅ ترجمان نه وي