Annabi - tsira da amincin Allah su tabbata agare shi - ya bada labarin cewa a kowane yinin da rana zata ɓullo a cikinsa akwai wasu mala'ilku biyu zasu sauka suna masu kira, ɗayansu yana cewa: Ya Allah Ka baiwa mai ciyarwa a ayyukan ɗa'a da iyalai da baƙi da abubuwan alheri mayewa Ka canja masa mafi alheri a cikin abinda ya ciyar, kuma Ka yi masa albarka. Ɗayan kuma yana cewa: Ya Allah Ka bawa mai riƙewa (mai rowa) ɓaci ka halakar da dukiyarsa wacce ya hanata ga waɗanda suka cancanceta.

• Halaccin addu'a ga mai kyauta dan Allah y ƙara masa a abinda ya bayar, kuma Ya maye masa da mafi alheri daga abinda ya ciyar, da kuma halaccin mummunar addu'a akan marowaci da ɓata dukiyarsa wacce ya yi rowa da ita ya kuma hana ciyarwarta a cikin abinda Allah Ya wajabta akansa.
• Addu'ar mala'iku ga muminai na gari masu ciyarwa da alheri da kuma albarka, kuma cewa addu'arsu abar karɓa ce.
• Kwaɗaitarwa akan ciyarwa a cikin wajibai da nafilfili; kamar ciyarwa ga iyali, da sada zumunci, da ƙofofin alheri.
• Bayanin falalar mai ciyarwa a cikin fuskokin alheri, kuma ƙarshensa shi ne cewa Allah Zai maye masa gurbin (abinda ya ciyar), Allah - Maɗaukain sarki - Ya ce: {Abinda kuka ciyar na wani abu to Shi Mai maye gurbinsa ne kuma Shi ne mafi alherin masu azirtawa} [Saba'i: 39].
• Wannan mummunar addu'ar akan mai riƙewa ne daga ciyarwa ta wajibi, amma ciyarwa ta mustahabbi ba zata shiga ba; domin mai ita ba ya cancantar irin wannan addu'ar.
• Haramcin rowa da ƙwauro.

1. Gida
2. Fiqihu da Usulunsa
3. Fiqhun Ibada
4. Zakka
5. Sadakar Taxawwu'i
6. Hadith

• Ayyuka shida ne, mutane kuma hudu ne, akwai tabbatattu biyu. Da tamka da tamka, da kyakkyawa da tamkarta goma, da kyakkyawa da dari bakwai
• Ya Manzon Allah, lallai Ummu Sa'ad ta rasu, to wace sadaka ce tafi?. Ya ce: "Ruwa". Ya ce: Sai ya haƙa wata rijiya, ya ce: Wannan ga Ummu Sa'ad ce
• Allah Ya ce: Ya kai Ɗan Adam, ka ciyar zan ciyar da kai
• "Kana da abin da ka yi nufi, ya Yazidu, kuma kana da abin da ka karɓa, ya Maan