တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) မိန့်တော်မူသည်မှာ - နေထွက်သောနေ့တိုင်း ကောင်းကင် တမန်နှစ်ပါး ဆင်းသက်လာ၍ ကြွေးကြော်ကြသည်။ ၎င်းတို့အနက် တစ်ပါးက ပြောသည်မှာ- အို-အလ္လာဟ်အရှင်မြတ်၊ ကောင်းမှုကုသိုလ်များ၊ မိသားစု၊ ဧည့်သည်များနှင့် အခြားလှူဒါန်းမှုများတွင် သုံးစွဲသူများအား ကောင်းမှုများကို ချီးမြှင့်တော်မူပါ၊ ၎င်း၏ လှူဒါန်းသုံးစွဲမှုတွင် ကောင်းသောအစားကို ချီးမြှင့်ပေးသနားတော်မူပါ။ ၎င်းအဖို့ ဗရ်ကသ်မင်္ဂလာကို ချီးမြှင့်‌တော်မူပါ။ အခြားတစ်ပါးက ပြောသည်မှာ - အို-အလ္လာဟ်အရှင်မြတ်၊ လှူဒါန်းသုံးစွဲခြင်းမပြုဘဲ စေးနည်းတွန့်တိုသူအား ပျက်စီးစေတော်မူပါ။ ၎င်း၏ ဥစ္စာပစ္စည်းကို ပျက်စီး‌စေတော်မူပါ။ ထိုသူသည် ထိုဥစ္စာပစ္စည်းကို ရထိုက်သူများအား ပေးကမ်းခြင်းမှ မပေးဘဲနေသောကြောင့်ဖြစ်သည်။

• ၁။ ရက်ရောသုံးစွဲသူအား ပေးကမ်းသည်ထက် ပိုမိုကောင်းမွန်သည့် အစားထိုးဆုလာဘ် ချီးမြှင့်ပေးရန် ဒုအာပြုပေးခွင့်ရှိသည်။ ထို့ပြင် အလ္လာဟ်အရှင်မြတ် က သုံးစွဲရန် ပြဋ္ဌာန်းထားသော ကိစ္စရပ်များတွင် သုံးစွဲရန် စေးနဲတွန့်တိုသူအတွက် သူ၏ ဥစ္စာပစ္စည်း ပျက်စီးရန် ဘဒ်ဒုအာပြုခြင်းသည်လည်း ခွင့်ပြုထားသည်။
• ၂။ ကောင်းကင် တမန်များသည် လှူဒါန်းသုံးစွဲသော မုအ်မင်န်ယုံကြည်သူ သူတော်ကောင်းများအတွက် ကောင်းမှုနှင့် ဗရ်ကသ်မင်္ဂလာရရန် ဒုအာတောင်းပေးကြသည်။ စင်စစ် ကောင်းကင် တမန်များ၏ဒုအာသည် လက်ခံခြင်းခံရသည်။
• ၃။ ဝါဂျိဗ်တာဝန်အရနှင့် စေတနာအလျောက် လုပ်ရပ်များ၊ ဥပမာ မိသားစုအပေါ်၊ ဆွေမျိုး သားချင်းများနှင့် ကောင်းမှုကုသိုလ်အလုံးစုံတွင် လှူဒါန်းသုံးစွဲရန် တိုက်တွန်းနှိုးဆော်ထားခြင်း။
• ၄။ ကောင်းမှုကိစ္စရပ်များတွင် လှူဒါန်းသုံးစွဲသူ၏ မွန်မြတ်မှုနှင့် ၎င်း၏အဆုံးသတ်နိဂုံးမှာ အလ္လာဟ်အရှင်မြတ်သည် ထိုသူအား ပိုမိုကောင်းမြတ်သော အကျိုးဆုလာဘ်ကို ပေးသနားတော်မူမည်ကို ဖော်ပြထားသည်။ အလ္လာဟ်အရှင်မြတ်မိန့်ကြားတော်မူသည်မှာ - "ထို့ပြင် အသင်တို့သည် မည်သည့် အရာကိုမဆို သုံးစွဲ လှူဒါန်းခဲ့ကြလျှင် အရှင်မြတ်သည် ၎င်း၏ အစားကို ပေးတော်မူမည် ဖြစ်သည်။ ထို့ပြင် အရှင်မြတ်သည် စားနပ်ရိက္ခာ ပေးသနားသူများ ထဲတွင် အကောင်းဆုံးပင် ဖြစ်တော်မူသည်။" [စူရဟ် စဘအ်- ၃၉]
• ၅။ ဤသို့ပျက်စီးရန် ဒုအာပြုခြင်းသည် တာဝန်ရှိသော သုံးစွဲမှုများမှ မသုံးစွဲဘဲ ရှောင်ကြဉ်သူအတွက်ဖြစ်သာသည်။ စေတနာအလျောက် သုံးစွဲမှုများမှ ရှောင်ကြဉ်သူအတွက် မဟုတ်ပေ။
• ၆။ စေးနဲတွန့်တိုခြင်း၊ မိမိကိုယ်မိမိ မသထာခြင်းသည် ဟရာမ် (တားမြစ်ထား) ဖြစ်သည်။

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ခဝပ်ကိုးကွယ်မှုဆိုင်ရာ ဖိကဟ်။
4. ဇကာသ်။
5. နဖ်လ် အလှူဒါန။
6. ဟဒီးဆ်

• မည်သူမဆို ဒီသမီးမိန်းကလေးတွေ ကြောင့် စမ်းသပ်မှု ( ဘေးဒုက္ခ ) တစ်စုံတစ်ရာ ကြုံတွေ့ခဲ့လျှင် ၎င်းအဖို့ ထိုသမီးမိန်းကလေးများသည် ဂျဟန္နမ်ငရဲမီးမှ ( ကာကွယ်ပေးမည့် ) အကာအကွယ်ဖြစ်သွားပေလိမ့်မည်။...
• အလ္လာဟ်အရှင်မြတ်သည် အသင်တို့အနက်မှအယောက်တိုင်းနှင့် စကားပြောတော်မူမည်ဖြစ်ရာ အရှင်မြတ်နှင့် ထိုသူ၏ကြားတွင် ဘာသာပြန်မည့်သူမပါရှိပေ။...
• အလ္လာဟ်အရှင်မြတ်က မိန့်ကြားတော်မူသည်မှာ အို - အာဒမ်၏သား သင်သုံးစွဲလှူဒါန်းပါ၊ သင့်အပေါ်ပြန်လည် သုံးစွဲခြင်းခံရမည်။...
• အပေါ်ကလက်သည် အောက်က လက်ထက် သာပို၍ကောင်းသည်