"د مؤمنانو مور عائشې رضي الله عنها وویل چې يوه ښځه د خپلو دوو لوڼو سره راغله او خواړه يې غوښتل، عائشې رضي الله عنها يوازې يوه خرما درلوده، هغې ته يې ورکړه، ښځې هغه خرما د خپلو لوڼو ترمنځ ووېشله او خپله یې ترې هېڅ ونه خوړل، وروسته ولاړه، نو کله چې پېغمبر ﷺ راغی، عائشې ورته دا پېښه بیان کړه، هغه وفرمایل: چاته چې د دې لوڼو پالنه ور تر غاړې شوه او نېک چلند یې ورسره وکړ، ښه روزنه یې ورکړه، خواړه او څښاک یې ورکړل، په جامه یې پټې وساتلې او صبر یې پرې وکړ، نو د نوموړې لپاره به یې د اور پر وړاندې پرده وګرځي.

• د لوڼو پالنه او هغوی ته پاملرنه کول د غوره نېکو چارو له جملې څخه دي چې د اور له عذاب څخه ساتونکي دي.
• صدقه ورکول مستحب دي چې انسان یې د خپل وس مطابق ورکړي، حتی که لږه هم وي.
• د والدینو پر خپلو اولادونو قوي مینه او مهرباني.
• د پېغمبر ﷺ د کورونو د حالاتو بیان او دا چې رزق یې بسنه کوونکی و.
• پر ځان بل ته غوراوی ورکول (د ایثار) فضیلت او دا چې دا کار د مومنانو له نښانو څخه دی؛ لکه عائشې رضي الله عنها چې هغه ښځه او د هغې لور ته پر ځان غوراوی ورکړ، او دا چې دا کار د هغې پر سخاوت او عزتمندۍ دلالت کوي، سره له دې چې خپله یې ورته اړتیا درلوده.
• د لوڼو درلودل آزموينه ګڼل کېږي، ځکه چې د هغوی په پالنه کې سختي او ستړتیا ده، یا دا چې ځینې خلک یې نه خوښوي، او عموماً دوي ته د ژوند لازمي وسایل برابرول ستونزمن وي.
• اسلام د جاهلیت ناپسندو عادتونو له منځه وړلو لپاره راغلی، چې له جملې څخه یې یوه دا دی چې د لوڼو په اړه یې سپارښتنه کړې.
• په دې سره ثواب تر لاسه کېږی اګر که یوه لور هم وي، لکه څنګه چې په ځینو روایتونو کې راغلي.

1. کور‌پاڼه
2. فضایل او آداب
3. د أخلاقو فقه
4. ستایل شوي أخلاق
5. حدیث

1. کور‌پاڼه
2. فقه او اصول یې
3. د عبادتونو فقه
4. زکات
5. نفلي صدقه (خیرات)
6. حدیث

• څوک چې له مهربانۍ کولو بې برخې شو؛ نو ګوا کې له (هر ډول) خیر څخه محروم شو
• او الله ماته وحی کړی چې تاسو عاجزي وکړئ، تر څو هېڅوک د بل پر وړاندې پر ځان ونه ویاړي او هېڅوک په بل چا تېری ونه کړي
• الله جل جلاله فرمایلي: اې د آدم زویه! (د الله جل جلاله) په لاره کې لګښت (انفاق) وکړه، چې زه پر تا انفاق وکړم، (یعنې پراخي درباندې راولم)
• یو بل سره کینه مه کوئ، یو پر بل قیمت مه لوړوئ په داسې حال کې چې توکي اخېستونکي نه یاست، له یو بل سره کینه مه کوئ، یو بل ته شا مه اړوئ، او کله چې یو څوک اخیستل کوي نو د هغه د بېعې د پاسه تاسو بیعه مه کوئ (تر دې چې هغه سره یې خبره خلاصه شوې ن...