မိခင်မွန်ကြီး အာအိရှဟ်(ရဿွိယလ္လာဟုအန်ဟာ)က တင်ပြခဲ့သည်မှာ- အမျိုးသမီးတစ်ဦးသည် သူမ၏ သမီးနှစ်ယောက်နှင့်အတူ အစားအစာတောင်းရန် သူမ၏ထံသို့ ရောက်လာခဲ့သည်။ ထိုအချိန်၌ အာအိရှဟ်သခင်မထံတွင် စွန်ပလွံသီးတစ်လုံးတည်းသာ ရှိခဲ့သည်။ သခင်မသည် ယင်းစွန်ပလွံသီးကို ထိုအမျိုးသမီးအား ပေးခဲ့သည်။ ထိုအမျိုးသမီးသည် စွန်ပလွံသီးကို သူမ၏သမီးနှစ်ယောက်ကြားတွင် ခွဲဝေပေးခဲ့ပြီး မိမိကိုယ်တိုင် စားသုံးခြင်း မပြုခဲ့ပေ။ ထို့နောက် ထကာ ပြန်လည်ထွက်ခွာသွားခဲ့သည်။ ထို့နောက် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ဝင်ရောက်လာသောအခါ အာအိရှဟ်သခင်မက ဖြစ်စဉ်ကို ပြန်လည်ပြောပြခဲ့ရာ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) က ဤသို့မိန့်ကြားတော်မူခဲ့သည်။ မည်သူမဆို ဤသမီးမိန်းက‌လေးများထံမှ တစ်စုံတစ်ရာ (စောင့်ရှောက်ရန် တာဝန်) ကို ရရှိခဲ့ပါက၊ သူမတို့အား ကောင်းမွန်စွာ ဆက်ဆံခြင်း၊ ကောင်းမွန်စွာပြုစုပျိုးထောင်ခြင်း၊ ကျွေးမွေးခြင်း၊ သောက်သုံးစေခြင်း၊ ဝတ်စားဆင်ယင်ပေးခြင်းနှင့် ထိုကိစ္စရပ်များကို သည်းခံစွာ ဆောင်ရွက်ခြင်းတို့ကို ပြုလုပ်ခဲ့ပါက၊ ထိုသမီးမိန်းက‌လေးများသည် ၎င်းအတွက် ငရဲမီးမှ ကာကွယ်ပေးသော အကာနှင့် အတားအဆီးဖြစ်ကြပေမည်။

• သမီးမိန်းကလေးများအားစောင့်ရှောက်ခြင်းနှင့် သူတို့အတွက် ကြိုးပမ်းအားထုတ်ခြင်းသည် ငရဲမီးမှ ကာကွယ်ပေးသော အကောင်းဆုံးအမလ်ကျင့် ဆောင်မှုများထဲမှ တစ်ခုအပါအဝင်ဖြစ်သည်။
• လူသားသည် မိမိတတ်စွမ်းနိုင်သမျှ နည်းပါးစေကာမူ စွဒ်ကဟ်အလှူဒါနပြုလုပ်ခြင်းသည် မွတ်စ်သဟဗ်ဖြစ်ခြင်း။
• မိဘများ၏ သားသမီးများအပေါ် ထားရှိသော အလွန်ကြီးမားသော ကရုဏာတရား။
• တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ၏ အိမ်ထောင်စုဘဝ အခြေအနေအရပ်ရပ်ကို ဖော်ပြထားပြီး၊ ကိုယ်တော်မြတ်၏ရိက္ခာမှာ လုံလောက်ရုံသာရှိခဲ့သည်။
• မိမိကိုယ်ထက် အခြားသူကိုပို၍ ဦးစားပေးခြင်း၏ အကျိုးကျေးဇူးထွတ်မြတ်မှုနှင့် ယင်းသည် မုအ်မင်န် ယုံကြည်သူများ၏ အချင်းလက္ခဏာရပ်များထဲမှ တစ်ခုဖြစ်ကြောင်း ရှင်းလင်းဖော်ပြခြင်း။ မိခင်မွန်ကြီး အာအိရှဟ်သခင်မသည် မိမိကိုယ်တိုင် အလွန်အမင်းလိုအပ်ချက်ရှိနေသော်လည်း သူဆင်းရဲ အမျိုးသမီးနှင့် သူမ၏သမီးလေးနှစ်ယောက်အား ဦးစားပေးခဲ့ခြင်းသည် သူမ၏ ရက်ရောမှုနှင့် ကြီးမြတ်သောကိုယ်ကျင့်တရားကို ဖော်ပြနေသည်။
• သမီးမိန်းကလေးများရရှိခြင်းကို စမ်းသပ်မှုတစ်ရပ်အဖြစ် ခေါ်ဆိုထားခြင်းမှာ ၎င်းတို့ကို ပြုစုစောင့်ရှောက်ရာတွင် ခက်ခဲမှုများနှင့် ပင်ပန်းမှုများ ရှိသောကြောင့်၊ သို့တည်းမဟုတ် လူအချို့က သမီးမိန်းကလေးများကို မနှစ်သက်သောကြောင့်၊ သို့တည်းမဟုတ် သူမတို့အတွက် ဝင်ငွေရှာဖွေရန် နည်းလမ်းများ မရှိခြင်းကြောင့် ဖြစ်သည်။
• အစ္စလာမ်သာသနာသည် ဂျာဟီလီယသ်အမိုက်‌ခေတ်၏ ယုတ်ညံ့သော ထုံးတမ်းစဉ်လာများကို အမြစ်ဖြတ်ရန် ပွင့်ပေါ်လာခဲ့ပြီး ယင်းထဲမှ တစ်ခုမှာ သမီးမိန်းက‌လေးများအား ကောင်းမွန်စွာ ပြုစုစောင့်ရှောက်ရန် တိုက်တွန်းခြင်း ဖြစ်သည်။
• အချို့ဆင့်ပြန်ချက်များတွင် ဖော်ပြထားသည့်အတိုင်း ဤဆုလာဘ်အား သမီးမိန်းက‌လေးတစ်ယောက်တည်းကို စောင့်ရှောက်ခြင်းဖြင့်လည်း ရရှိနိုင်သည်။

1. ပင်မစာမျက်နှာ
2. ထွတ်မြတ်မှုများနှင့် အာဒါဗ်စည်းကမ်းများ။
3. ကိုယ်ကျင့်တရားဆိုင်ရာ ဖိကဟ်။
4. ကောင်းမြတ်သည့် ကိုယ်ကျင့်တရား။
5. ဟဒီးဆ်

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ခဝပ်ကိုးကွယ်မှုဆိုင်ရာ ဖိကဟ်။
4. ဇကာသ်။
5. နဖ်လ် အလှူဒါန။
6. ဟဒီးဆ်

• အသင် မည်သည့်အရပ်ဒေသ၌ ရှိသည်ဖြစ်စေ၊ အလ္လာဟ်အရှင်မြတ်အား ကြောက်ပါ။ မကောင်းမှုကျူးလွန်မိပါက တစ်ဆက်တည်း (ထိုအပြစ်ကို)ပယ်ဖျက်ပေးမည့် ကောင်းမှုကုသိုလ်ကို ပြုလုပ်ပါ။ လူတို့အား ကောင်းမွန်သောကိုယ်ကျင့်တရားဖြင့် ပြုမူဆက်ဆံပါ။...
• လူတစ်ဦးသည် မိမိ၏ညီနောင်အား ချစ်ခင်ပါက ၎င်းအားချစ်ခင်ကြောင်းအသိပေးပါ။
• မွတ်စ်လင်မ်ဆိုသည်မှာ အခြားမွတ်စ်လင်မ်များအား မိမိ၏နှုတ်လျှာနှင့် လက်၏အန္တရာယ်မှကင်းစေသူဖြစ်သည်။ မုဟုဂျိရ်ဆိုသည်မှာ အလ္လာဟ်အရှင်မြတ် တားမြစ်ထားသောအရာများကို ရှောင်ကြဉ်သူဖြစ်သည်။...
• ဆွဒကဟ် အလှူဒါနသည် ဥစ္စာပစ္စည်းကို လျှော့နည်းစေမည်မဟုတ်၊ ခွင့်လွှတ်တတ်သူအား အလ္လာဟ်အရှင်မြတ်သည် ဂုဏ်သိက္ခာ ပို၍တိုးပွားစေတော်မူမည်။ မည်သူမဆို အလ္လာဟ်အရှင်မြတ်အတွက် ရိုကျိုးနှိမ့်ချခဲ့လျှင် အလ္လာဟ်အရှင်မြတ်သည် ထိုသူအားမြှင့်တင်ပေးတော်မူသည်။...