တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)မိန့်ကြားတော်မူသည်မှာ - မည်သည့်ကိစ္စတွင်မဆို မွတ်စ်လင်မ်တစ်ဦးသည် မိမိ၏မွတ်စ်လင်မ်ညီနောင်တစ်ဦး၏ အပြစ်များကို ဖုံးကွယ်ပေးလျှင်၊ အလ္လာဟ်အရှင်မြတ်သည် ကိယာမတ်နေ့တွင် ထိုသူ၏ အပြစ်များကို ဖုံးကွယ်ပေးတော်မူမည်။ အဘယ်ကြောင့်ဆိုသော် လူသားသည် သူ၏အပြုအမူနှင့်အညီ အကျိုးဆက်ကို ခံစားရသည်။ ၎င်းအား အလ္လာဟ်အရှင်မြတ်၏ ဖုံးကွယ်ပေးခြင်းဆိုသည်မှာ ကိယာမတ်နေ့ ရှင်ပြန်ထမည့်နေရာ၌ လူအုပ်ကြားတွင် ထိုသူ၏ ချို့ယွင်းချက်များနှင့်အပြစ်အကုသိုလ်များကို ဖုံးကွယ်ပေးတော်မူခြင်းဖြင့် ဖြစ်သည်။ သို့မဟုတ် ၎င်းအား ထိုအပြစ်များအတွက် စစ်ဆေးမေးမြန်းခြင်းနှင့် ထုတ်ဖော်ပြောဆိုခြင်း မပြုခြင်းဖြင့်လည်းကောင်း ဖြစ်နိုင်သည်။

• မွတ်စ်လင်မ်တစ်ဦးသည် အပြစ်တစ်ခုကို ကျူးလွန်မိပါက၊ ထိုလုပ်ရပ်အား ငြင်းပယ်ခြင်း၊ သူ့အား ဆုံးမခြင်းနှင့် အလ္လာဟ်အရှင်မြတ်အား ကြောက်ရွံ့ရန် သတိပေးခြင်းတို့နှင့်အတူ ထိုအပြစ်ကို ဖုံးကွယ်ပေးခြင်း ပြုသင့်သည်။ သို့ရာတွင် ထိုသူသည် မကောင်းမှုနှင့် ဖောက်ပြန်ပျက်စီးမှုကို ကျူးလွန်သူဖြစ်ပြီး ပေါ်ပေါ်ထင်ထင် အပြစ်ကျူးလွန်နေပါက၊ သူ့အပြစ်ကို ဖုံးကွယ်ပေးခြင်း မပြုသင့်ပါ။ အဘယ်ကြောင့်ဆိုသော် ထိုသို့ဖုံးကွယ်ပေးခြင်းသည် သူ့အား အပြစ်ကျူးလွန်ရန် အားပေးအားမြောက်ပြုခြင်းနှင့် တူသောကြောင့်ဖြစ်သည်။ ထိုကဲ့သို့သောသူနှင့်ပတ်သက်၍ အာဏာပိုင်များထံ အသိပေးအကြောင်းကြားသင့်သည်။ ထိုသို့ပြုလုပ်ခြင်းဖြင့် သူ၏(အပြစ်အ‌ကြောင်းကို) ထုတ်ဖော်ပြောဆိုခြင်းဖြစ်လျှင်ပင် (အပြစ်မရှိပေ)။ အဘယ်ကြောင့်ဆိုသော် သူသည် သူ၏ဖောက်ပြန်ပျက်စီးမှုနှင့် အပြစ်ကို ထင်ရှားစွာ ကျူးလွန်နေသူဖြစ်သောကြောင့်တည်း။
• အခြားသူများ၏ အမှားများကို ဖုံးကွယ်ပေးရန် အားပေးထားခြင်း။
• အပြစ်ဖုံးကွယ်ပေးခြင်း၏ အကျိုးကျေးဇူးများထဲမှတစ်ခုမှာ အပြစ်ကျူးလွန်သူအား မိမိကိုယ်ကို ပြန်လည်သုံးသပ်ရန်နှင့် အလ္လာဟ်အရှင်မြတ်ထံ ဝန်ချတောင်းပန်ရန် အခွင့်အရေးပေးခြင်းဖြစ်သည်။ အဘယ်ကြောင့်ဆိုသော် လူများ၏ အပြစ်အနာအဆာများနှင့် လျှို့ဝှက်ချက်များကို ထုတ်ဖော်ခြင်းသည် အမှန်တကယ်တွင် မကောင်းမှုကို ပျံ့နှံ့စေခြင်း၊ လူမှုပတ်ဝန်းကျင်ကို ပျက်စီးစေခြင်းနှင့် လူများအား မကောင်းမှုဘက်သို့ ဆွဲဆောင်ခြင်းနှင့် အတူတူပင်ဖြစ်သောကြောင့်ဖြစ်သည်။

1. ပင်မစာမျက်နှာ
2. အကီဒဟ် ယုံကြည်ချက်။
3. အလ္လာဟ်အရှင်မြတ်အပေါ် အီမာန်သက်ဝင်ယုံကြည်ခြင်း။
4. အလ္လာဟ်အရှင်မြတ်သည် ဂုဏ်တော် နာမတော်များကို ပိုင်ဆိုင်ရာ၌ တစ်ဆူတည်းဖြစ်တော်မူခြင်း။
5. ဟဒီးဆ်

1. ပင်မစာမျက်နှာ
2. ထွတ်မြတ်မှုများနှင့် အာဒါဗ်စည်းကမ်းများ။
3. ကိုယ်ကျင့်တရားဆိုင်ရာ ဖိကဟ်။
4. ကောင်းမြတ်သည့် ကိုယ်ကျင့်တရား။
5. ဟဒီးဆ်

• မည်သူမဆို အလ္လာဟ်အရှင်မြတ်နှင့် နောက်ဆုံးနေ့ကို အီမာန်သက်ဝင်ယုံကြည်လျှင် ကောင်းသည့်စကားကိုသာ ပြောဆိုပါ၊ သို့မဟုတ် ဆိတ်ဆိတ်နေပါ။...
• အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်းဟိဝစလ္လမ်)အား ဂျန္နသ် သုခဘုံသို့ အများဆုံးဝင်ရောက်စေသည့်အရာမှာ အဘယ်အရာပါနည်းဟု လျှောက်ထားမေးမြန်းသည့်အခါ ကိုယ်တော်က (သက္ကဝါ) အလ္လာဟ်အရှင်မြတ်၏ အမိန့်တော်ကိုနာခံပြီး အပြစ်အကုသိုလ်မှ ရှောင်ကြ...
• “အလ္လာဟ်အရှင်မြတ်၏ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်)သည် ရုန့်ရင်း ကြမ်းတမ်းသူလည်း မဟုတ်၊ ရုန့်ရင်း ကြမ်းတမ်းသည့် အပြုအမူကို တမင်ပြုလုပ်သူလည်း မဟုတ်၊ ဈေးများ၌ အော်ဟစ်ကျယ်လောင်စွာပြောဆိုတတ်သူလည်း မဟုတ်ပါ။ မကောင်းမှုကို မကောင်းမှုဖြင့်...
• အရှက်တရားသည် အီမာန်သက်ဝင်ယုံကြည်မှုအနက်မှဖြစ်သည်။