رسول الله صلی الله علیه وسلم فرمایلي دي چې هېڅ مسلمان په یوه چاره کې د خپل مسلمان ورور پرده نه کوي مګر دا چې الله جل جلاله به یې د قیامت په ورځ پرده وکړي؛ ځکه چې سزا د عمل له جنس څخه ده، او ده لره به د الله تعالی پرده دا وي چې عیبونه او ګناهونه به یې د محشر په ورځ خلکو ته نه رسوا کوي، او یا دا چې حساب به یې ورسره نه کوي او ورته به یې نه یادوي.

• مسلمان چې کله ګناه وکړي نو پرده اچول پرې روا دي، سره له دې چې ترې به یې منع کوي، نصیحت به ورته کوي او له الله څخه به یې وېروي، خو که چېرته د شر او فساد له خاوندانو څخه و، هغوی چې په ډاګه ګناهونه کوي او بد فعلۍ کوي، نو بیا پرې پرده اچول په کار نه دي؛ ځکه چې پرده پرې اچول یې نور هم با جراته کوي، بلکه باید چې چارواکي پرې خبر شي، که څه هم پدې کې هغه په ډاګه کېږي؛ ځکه چې ده خپله بد فعلي او ګناه ډاګیزه کړې ده.
• د نورو پرده کولو ته هڅول.
• د پردې اچولو له ګټو څخه: ګناه کار ته فرصت ورکول دي چې د خپل ځان سره محاسبه وکړي او الله تعالی ته راوګرځي؛ ځکه چې د عیبونو او شرمناکو شیانو په ډاګه کول د بې حیایۍ د خپرېدو یوه بڼه ده چې ټولنیزه فضا خرابوي او خلک یې د ارتکاب لپاره هڅوي.

1. کور‌پاڼه
2. عقیده
3. پر الله عزوجل ايمان
4. د أسماء او صفاتو توحید
5. حدیث

1. کور‌پاڼه
2. فضایل او آداب
3. د أخلاقو فقه
4. ستایل شوي أخلاق
5. حدیث

• مهرباني او نرمي په هېڅ شي کې نه وي، مګر دا چې هغه ته وزن (عزت) ورکوي، او له هېڅ شي څخه نه لرې کیږي مګر دا چې هغه شی بدرنګوي
• عمل له افراط او تفریط پرته بشپړوالي ته ورنږدې کړئ او یا یې بشپړ ادا کړئ، او پوه شئ چې هېڅوک به ستاسو څخه په عمل ونه ژغورل شي». هغوی وویل: ته هم اې د الله رسوله؟ هغه وفرمایل: «زه هم نه، مګر دا چې الله مې په خپل رحمت او مهربانۍ کې پټ کړي...
• يو سړی و چې خلکو ته به یې پور ورکاوه، نو خپل غلام ته به يې ويیل: کله چې داسې سړي ته ورغلې چې په تنګستیا کې و نو ورته ترې تېر شه، ښايي الله مونږ ته زمونږ - له ګناهونو - څخه تېر شي...
• الله تعالی دې په هغه انسان رحم وکړي چې د پلورلو، اخېستلو او قرض غوښتلو په وخت کې اساني کوي