رسول الله صلی الله علیه وسلم د نفقې ځینې قسمونه ذکر کړل ویې فرمایل: یو دینار چې ته یې د الله په لار کې مصرفوې، یو دینار چې ته یې د غلام آزادولو لپاره ورکوې، یو دینار چې ته یې مسکین ته صدقه ورکوې او یو دینار چې ته یې پر خپل اهل (کورنۍ) مصرفوې — نو د الله تعالی سره تر ټولو زیات اجر لرونکی دینار هغه دی چې ته یې پر خپلې کورنۍ، اولادونو او هغه چا مصرفوې چې نفقه یې ستا تر غاړې وي.

• د الله په لاره کې د مصرف دروازې ډېرې دي.
• کله چې د انفاق لارې زیاتې وي، او ټولې د انسان له وسې پوره نه وي، نو باید لومړیتوب په پام کې ونیول شي لکه: د کورنۍ نفقې ته لومړیتوب ورکول.
• امام نووي د مسلم په شرحه کې ویلي: د اولادې پر نفقه لدې امله ټینګار شوی او لوی اجر یې بیان شوی چې په دوی کې د ځینو نفقه د خپلوۍ له امله واجب ده او په ځینو نفقه د خېرات او خپلوۍ له امله مستحب ده، او پر ځینو لګښت د نکاح یا غلامۍ له امله واجب دی چې دا ټول د فضیلت وړ دي او ټینګار پرې شوی او له نفلي صدقې څخه غوره دي.
• سندي وایي: د نبي کریم ﷺ دا وینا چې "یو هغه دینار دی چې پر خپل عیال یې مصرفوي" معنا دا ده چې د انسان نیت پرې د الله تعالی خوښي وي، د بېلګې په توګه دا یې د اولادې حق ګڼلی وي.
• ابو قلابه وایي: څوک به له هغه سړي نه زیات اجر ولري، چې پر خپلو کوچنیو اولادونو مصرف کوي چې د هغوی پرده وساتي، یا الله تعالی د هغه له برکته هغوی ته ګټه رسوي او بې‌نیازه یې کړي؟!

1. کور‌پاڼه
2. فقه او اصول یې
3. د کورنۍ فقه
4. نفقې
5. حدیث

1. کور‌پاڼه
2. فقه او اصول یې
3. د عبادتونو فقه
4. زکات
5. نفلي صدقه (خیرات)
6. حدیث

• کله چې یو سړی د ثواب په نیت په خپل اهل او عیال باندې نفقه کوي، نو دا د هغه لپاره صدقه ده
• د هغه له مال څخه په مناسب ډول دومره واخله چې تاسو او ستا کوچنیانو ته بسنه وکړي
• په تاسو کې هېڅوک نشته مګر دا چې الله به ورسره خبرې وکړي، په داسې حال کې چې د هغه او د ده ترمنځ به هېڅ ترجمان نه وي
• اې د الله رسوله! د سعد مور وفات شوې ده، نو کومه صدقه غوره ده؟، هغه وفرمایل: «اوبه»، وایي: نو څاه یې وکېندله، او ویې ویل: دا د سعد د مور ده...