هند بنت عتبة رضي الله عنها له رسول الله صلی الله علیه وسلم څخه د خپل مېړه ابو سفیان رضي الله عنه په اړه پوښتنه وکړه، چې هغه یو بخیل سړی دی او په خپل مال ډېر حریص دی او هغې ته دومره نفقه نه ورکوي چې هغې او کوچنیانو ته یې بسنه وکړي، مګر دا چې هغه يې د هغه له مال څخه په پټه د هغه له خبرتیا پرته څه واخلي، نو آیا په دې کې پر هغې کومه ګناه شته؟ نو رسول الله صلی الله علیه وسلم وفرمایل: د هغه له شتمنۍ څخه د ځان او خپلو ماشومانو لپاره دومره اندازه واخله چې په دودیز ډول کافي ګڼل کېږي، حتی که د هغه له پوهې پرته وي.

• د ښځې او اولادونو د نفقې وجوب.
• ابن حجر ویلي: د هغه د دې خبرې مقصد دا دی چې، "د هغه له مال څخه هغه دومره څه واخله چې په دودیز ډول کافي بلل کېږي"، نو هغو دودیزو مسئلو ته یې راجع کړه چې شرعي حد پکې معلوم شوی نه دی.
• ابن حجر ويلي: پر دې حدیث یې د هغه چا لپاره استدلال کړی چې کله د یو چا څه نه خوښیږي نو په پوښتنې یا شکایت او یا بلې بڼې سره کولی شي په اړه یې یادونه وکړي، او دا یو له هغو ځایونو څخه دی چې غیبت کول پکې روا دي.
• قرطبي ویلي: هند دا نه غوښتل چې ابو سفیان په ټولو حالاتو کې بخیل وګڼي، بلکې د هغه سره یې خپل حالت بیان کړ او دا یې په ډاګه کړه چې هغې او د هغې له کوچنیانو سره بخیل دی، لدې څخه دا نه لازميږي چې هغه دې په ټولو حالاتو کې بخیل وي، ځکه ډېری مشران دا کار د خپلو کورنیو سره کوي خو د پردیو خلکو د خوشحالولو لپاره یې هغوی ته ورکوي تر څو یې پر ځان رامات کړي.

1. کور‌پاڼه
2. فقه او اصول یې
3. د کورنۍ فقه
4. نفقې
5. حدیث

• یعنې پورته لاس (ورکوونکی لاس) له ټيټ لاس (غوښتونکي لاس) څخه غوره دی
• کله چې یو سړی د ثواب په نیت په خپل اهل او عیال باندې نفقه کوي، نو دا د هغه لپاره صدقه ده
• (کله دې چې یو دینار دې د الله په لاره کې مصرف کړی وي، یو دینار دې د غلام د آزادولو لپاره مصرف کړی وي، یو دینار دې مسکین ته ورکړی وي او یو دینار دې پر خپلې کورنۍ مصرف کړی وي— نو له دې ټولو هغه دینار ډېر اجر لري چې پر خپلې کورنۍ دې مصرف کړی ...
• الله جل جلاله فرمایلي: اې د آدم زویه! (د الله جل جلاله) په لاره کې لګښت (انفاق) وکړه، چې زه پر تا انفاق وکړم، (یعنې پراخي درباندې راولم)