හින්ද් බින්ත් උත්බා තම සැමියා වන අබූ සුෆ්යාන් පිළිබඳ තීන්දුවක් නබි (සල්ලල්ලාහු අලයිහි වසල්ලම්) තුමාණන්ගෙන් පැතුවාය. එනම්: "සැබැවින්ම ඔහු ධනයට කෑදර මසුරු මිනිසෙකි. ඔහු නොදැනුවත්ව ඔහුගේ මුදලින් ඇය යමක් රහසින් ගත්තා නම් හැර ඔහු ඇයට ප්‍රමාණවත් තරම් හෝ ඇගේ දරුවන්ට ප්‍රමාණවත් තරම් නඩත්තු මුදල් පිරිනමන්නේ නැත. එහිදී ඇයට පවක් පිහිටන්නේ ද?" යැයි විමසා සිටියාය. එවිට සල්ලල්ලාහු අලයිහි වසල්ලම් තුමාණෝ: "ඔබට හා ඔබේ දරුවන්ට සාමාන්‍යයෙන් ප්‍රමාණවත් යැයි සිතන ප්‍රමාණයක්, ඔහු ඒ ගැන නොදැනුවත් වුව ද ගත හැකිය" යැයි පැවසූහ.

• බිරිය හා දරුවන් සඳහා නඩත්තු මුදල් ගෙවීම අනිවාර්යය.
• ඉබ්නු හජර් තුමා මෙසේ පවසයි: 'සාමාන්‍යයෙන් ඔබට ප්‍රමාණවත් යැයි හැඟෙන ප්‍රමාණයක් ඔහුගේ මුදලින් ගන්න' යන ප්‍රකාශයෙන්, ඒ විෂය පොදු සම්ප්‍රදාය වෙත හරවා ඇති බව හා ආගමික සීමාවක් එහි නැති බව අදහස් කෙරේ.
• ඉබ්නු හජර් තුමා මෙසේ පවසයි: "මෙම හදීසය, නීති පැතීමක හෝ පැමිණිලි කිරීමක හෝ ඒ හා සමාන වෙනක් ස්වරූපයකින් පිටස්තරයකුට ඔහු අකමැති දෙයක් ගැන සඳහන් කිරීමට අවසරය ඇත බවට සාක්ෂියක් ලෙස භාවිතා කරනු ලැබෙයි. මෙය දොස් කීමට අවසර ඇති එක් අවස්ථාවකි."
• කුර්තුබී තුමා මෙසේ පවසයි: අබූ සුෆ්යාන් ඔහුගේ සියලුම අවස්ථාවන්හි එසේ මසුරු වූ බව හින්ද් අදහස් කළේ නැත. සැබැවින්ම ඇය එසේ විස්තර කළේ ඇයගේ තත්ත්වය ඔහු සමග සම්බන්ධ කරන විටය. ඔහු ඇය හා ඇගේ දරුවන් සම්බන්ධයෙන් අරපිරිමැස්මෙන් කටයුතු කළේය. එය පොදුවේ ඔහුු ලෝභයකු බව අදහස් කරන්නේ නැත. හේතුව නායකයෝ බොහෝ දෙනෙක් එසේ ඔවුන්ගේ පවුල සමග කටයුතු කර පිටස්තරයින් සඳහා තමන් සමඟ එකමුතුව සිටීම පිණිස ප්‍රමුකස්ථානය ලබා දෙති.

1. මුල් පිටුව
2. ආගමික නීති හා එහි මූලධර්ම
3. පවුල් පිළිබඳ ආගමික නීති
4. වියදම්
5. නබි වදන

• අල්ලාහ්ගේ මාර්ගයේ ඔබ වැය කළ දීනාරයක්, වහලුන් කෙරෙහි ඔබ වැය කළ දීනාරයක්, දුගියන් වෙනුවෙන් ඔබ දානය කළ දීනාරයක්, ඔබේ පවුල වෙනුවෙන් වැය කළ දීනාරයක්. ඒවා අතරින් අතිමහත්ති ප්‍රතිඵල ගෙන දෙනුයේ ඔබ ඔබේ පවුල වෙනුවෙන් වැය කළ දීනාරයයි...
• “මිනිසකු කුසල් බලාපොරොත්තුවෙන් තම පවුලට යම් වියදමක් කළ විට, එය ඔහුට දානයක් වනු ඇත.”
• අල්ලාහ් මෙසේ පැවසීය: අහෝ ආදම්ගේ පුතුනි! ඔබ වියදම් කරන්න. ඔබ වෙනුවෙන් වියදම් කරනු ලැබේ
• ඉහළ අත පහළ අතට වඩා උතුම්ය