هیندی كچی عوتبە -ڕەزای خوای لێبێت- داوای فەتوای كرد لە پێغەمبەر -صلى اللە علیە وسلم- سەبارەت بە ئەبو سوفیانی مێردی -ڕەزای خوای لێبێت-، وباسەكە ئەوە بوو كە ئەبو سوفیان پیاوێكی ڕەزیلە و بەپەرۆشە لەسەر پارە وسامانەكەی، و وەكو پێویست خەرجی ناكات لەسەر ئەو ومنداڵەكانی، مەگەر خۆی (هیند) بە نهێنی لە پارەكەی دەربكات لەكاتێكدا ئەبو سوفیان پێی نازانێت، پرسیارەكەی ئەوە بوو: ئایا هیند گوناهبار دەبێت لەسەر ئەو كارە؟ پێغەمبەر -صلى اللە علیە وسلم- فەرمووی: لە پارەكەی هێندە ببە بۆ خۆت ومنداڵەكانت بەپێی ئەوەی باوە وزانراوە كە پێویستی پڕ دەكاتەوە ودادپەروەریە ئەگەرچیش ئەو پێی نەزانێت.

• واجبێتی خەرجکردن لەسەر خێزان ومنداڵەکان.
• ئیبن حەجەر دەڵێت: كاتێك دەفەرموێت: (ئەوەندە لە سامانەکەى ببە بە دادپەروەرانە کە پێویستتە)؛ مەبەست لێی ئاراستە كردنیەتی بۆ خوو ونەریتی خەڵكی لە شتێكدا كە لە شەریعەتدا دیاری نەكراوە.
• ئیبن حەجەر دەڵێت: ئەم فەرموودەیە وەكو بەڵگە بەكارهێنراوە لەسەر ئەوەی ڕێگەپێدراوە مرۆڤ باسی كردەوەی كەسێك بكات كە ناپەسەندە بەلایەوە ئەگەر لەڕوانگەی داواكردنی فەتوا وسكاڵا وهاوشێوەكانی بێت، ئەمیش یەكێكە لەو بابەتانەی كە غەیبەت كردن تێیدا ڕێگەپێدراوە.
• قورتوبی دەڵێت: هیند مەبەستی ئەوە نەبوو كە ئەبو سوفیان ڕەزیلە لە هەموو حاڵەتێكدا، بەڵكو وەسفی حاڵی كرد لەگەڵ خێزانەكەیدا ودەستی دەگرتەوە لە ئەو ومنداڵەكانی، بەڵام ئەمە ئاماژەیە نییە بۆ ئەوەی ڕەزیلە بەشێوەیەكی ڕەها، چونكە زۆرێك لە سەركردەكان حاڵیان وایە لەگەڵ خەڵك وخێزانەكانیان لەكاتێكدا لەگەڵ كەسی بێگانە بەخشندەن بۆ ڕاكێشانی دڵیان.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی خێزان
4. خەرجییەکان
5. فەرموودە

• دینارێک خەرجت کردبێت لە پێناو الله، ودینارێك خەرجت کردبێت بۆ ئازاد کردنی بەندەیەک، ودینارێک وەکو خێر ببەخشیت بە هەژارێک، ودینارێک خەرجت کردبێت لەسەر خاوخێزانت، وگەورەترینیان لە پاداشتدا ئەوەیانە كە خەرجی دەکەیت لەسەر خاوخێزانت...
• خوای گەورە دەفەرموێت: «ئەی نەوەی ئادەم ببەخشە؛ پێت دەبەخشم
• ئەگەر پیاو خەرجی بکات لەسەر خێزانەکەى و لەسەر ئەمە چاوەڕێی پاداشت بێت ؛ ئەوا ئەمە چاکەیە بۆی
• ئەو دەستەى لە سەرەوەیە خێرترە لەو دەستەی لە ژێرەوەیە