رسول الله صلی الله علیه وسلم د جاهليت د زمانې د خلکو له ځينو کړنو څخه منع فرمایلې او پدې وینا سره یې خبرداری ورکړی چې: هغه زموږ څخه نه دی: لومړی: څوک چې غومبري وهي، او غومبری یې ځکه یاد کړ چې غالبا همدا ځای وهل کیږي، کنه د ټول مخ له وهلو منع راغلې ده. او دویم: ګرېوان څیري کوي، ګرېوان هغه ځای دی چې په جامه کې د سر ننویستلو لپاره پرېښودل کیږي، دا کار د زیاتې بې صبرۍ له امله کوي. او دریم: د جاهلیت د زمانې په الفاظو غږ پورته کول لکه د تعصب په پلمه د پلرونو او نیکونو یادول، یا د هلاکت او تباهۍ خېرا غوښتل او یا زړه بوګنوونکي خاطرې رایادول او یا په مړي ستاینې کول او د هغه مېړانې او محاسن یادول او داسې نور..

• پدې حدیث کې دا ګواښ پدې معنا دی چې دا کړنې له کبیره ګناهونو څخه دي.
• پر مصیبت صبر کول واجب دي، او د الله تعالی په دردوونکي تقدیر ناراضه کېدل حرام دي، چې په ژړا، ستاینو، سر خریلو او ګرېوان څیري کولو سره وشي.
• په هغو چارو کې د جاهلیت د زمانې تقلید حرام دی چې شريعت د هغوی لپاره تصويب کړي نه وي.
• خفګان کول او ژړا باک نه لري، ځکه دا د الله تعالی په پرېکړه د صبر کولو سره مخالفت ښکاره کول نه دي، بلکې دا یو ډول رحمت دی چې الله تعالی د انسان په زړه کې د خپلوانو او دوستانو لپاره پیدا کړی دی.
• مسلمان باید د الله تعالی په پرېکړه خوښ اوسي، که چېرته پرې خوښ نه وي نو صبر کول پرې واجب دي.

1. کور‌پاڼه
2. عقیده
3. نومونه او حکمونه
4. د جاهلیت مسألې
5. حدیث

• له یو انسان څخه بل ته په طبیعي توګه د ناروغۍ انتقالېدل، ښي لور او کیڼ لور ته د مرغۍ په الوتلو بدفال نیول، د صفر په میاشت بدفالي نشته، او له مجذوم څخه داسې وتښتئ لکه چې له زمري څخه تښتئ...
• دا د حق خبره د پيری لخوا په پټه نیول کیږي او د چرګ د کړارې په څیر یې د خپل بادار په غوږ کې اچوي، نو هغه ورسره بیا سل دروغ ویناوې ګډې کړي
• هغه څوک زمونږ څخه ندی چې (د یو څه په لیدلو سره له غیبو) وړاندوینه وکړي او یا ورته وړاندوینه وشي، کوډې وکړي او یا ورته کوډې وشي، جادو وکړي او یا ورته جادو وشي...
• اې خلکو، په دین کې له افراطیت څخه ځان وساتئ، په حقیقت کې ستاسو څخه مخکې خلک په دین کې د افراطیت له امله هلاک شوي دي