ഇസ്‌ലാമിന് മുൻപുണ്ടായിരുന്ന അന്ധകാര നിബിഢമായ ജാഹിലിയ്യഃ കാലഘട്ടത്തിലെ വിവരദോഷികൾ ചെയ്തിരുന്ന ചില പ്രവൃത്തികൾ നബി -ﷺ- ഈ ഹദീഥിൽ വിലക്കിയിരിക്കുന്നു. അവ പ്രവർത്തിക്കുന്നവർ 'നമ്മിൽ പെട്ടവരല്ല' എന്നാണ് നബി -ﷺ- അറിയിക്കുന്നത്. പ്രസ്തുത തിന്മകൾ ഇവയാണ്. ഒന്ന്: കവിളത്തടിക്കൽ. പൊതുവെ കവിളത്താണ് ജനങ്ങൾ അടിക്കാറുള്ളത് എന്നതിനാലാണ് 'കവിൾ' എന്നത് പ്രത്യേകം എടുത്തു പറഞ്ഞത്. അതല്ലായെങ്കിൽ, മുഖത്ത് അടിക്കുക എന്നത് മുഴുവനായും വിരോധിക്കപ്പെട്ടതാണ്. രണ്ട്: ദുഃഖം കഠിനമാകുമ്പോൾ മനോനില തെറ്റി വസ്ത്ര ത്തിനകത്തേക്ക് തല പ്രവേശിപ്പിക്കാൻ വേണ്ടി വസ്ത്രത്തിൻ്റെ തലഭാഗം വലിച്ചു കീറുക. മൂന്ന്: ജാഹിലിയ്യഃ കാലഘട്ടത്തിലുള്ളവർ നടത്തിയിരുന്ന തരത്തിലുള്ള ആർത്തവിലാപങ്ങൾ; നാശത്തിനായി പ്രാർത്ഥിക്കുകയും, ഒച്ചവെക്കുകയും വിലപിക്കുകയും ചെയ്യുന്നത് ഉദാഹരണം.

• ഹദീഥിൽ വിലക്കപ്പെട്ട തിന്മകൾ വൻപാപങ്ങളിൽ പെട്ട (കബാഇർ) തിന്മകളാണ്.
• പ്രയാസങ്ങളും വിപത്തുകളും ബാധിച്ചാൽ ക്ഷമിക്കുക എന്നത് നിർബന്ധമാണ്. അല്ലാഹുവിൻ്റെ വിധിയിൽ പ്രയാസകരമായത് സംഭവിക്കുമ്പോൾ കടുത്ത ദേഷ്യവും കോപവും കാണിക്കുകയും, ആർത്തട്ടഹസിച്ചു കൊണ്ടും മുടി വടിച്ചു കൊണ്ടും വസ്ത്രം കീറിയെറിഞ്ഞു കൊണ്ടും മറ്റും അത് പ്രകടിപ്പിക്കുക എന്നതും നിഷിദ്ധമാണ്.
• ജാഹിലിയ്യഃ കാലഘട്ടത്തിലെ ജനങ്ങളുടെ പക്കലുണ്ടായിരുന്ന ചെയ്തികളിൽ ഇസ്‌ലാം അംഗീകരിച്ചിട്ടില്ലാത്ത എല്ലാം തന്നെ നിഷിദ്ധമാണ്.
• വിപത്തുകളിൽ ദുഃഖിക്കുന്നതിലോ കരയുന്നതിലോ തെറ്റില്ല. അതൊന്നും അല്ലാഹുവിൻ്റെ വിധിയിലുള്ള ക്ഷമക്ക് എതിരല്ല. മറിച്ച് ബന്ധുമിത്രാധികളുടെ ഹൃദയങ്ങളിൽ അല്ലാഹു നിശ്ചയിച്ച കാരുണ്യം മാത്രമാണത്.
• അല്ലാഹുവിൻ്റെ വിധിയിൽ തൃപ്തിയടയുകയാണ് ഓരോ മുസ്ലിമും ചെയ്യേണ്ടത്. ഇനി തൃപ്തിയടയാൻ കഴിഞ്ഞില്ലെങ്കിൽ പോലും, അതിൽ ക്ഷമിക്കുക എന്നത് നിർബന്ധമാണ്.

1. മെയിൻ പേജ്
2. വിശ്വാസം
3. നാമങ്ങളും വിധികളും
4. ജാഹിലിയ്യതിലെ വിഷയങ്ങൾ
5. ഹദീസ്

• ജനങ്ങളേ! നിങ്ങൾ ദീനിൻ്റെ കാര്യത്തിൽ അതിരു കവിയുന്നതിനെ സൂക്ഷിക്കുക. നിങ്ങൾക്ക് മുൻപുള്ളവരെ നശിപ്പിച്ചത് ദീനിൻ്റെ കാര്യത്തിലുള്ള അതിരു കവിയൽ മാത്രമാണ്...
• അവർ പറയുന്ന സത്യമായ ആ ഒരു വാക്ക് ജിന്നുകൾ കട്ടെടുത്തതിൽ നിന്നുള്ളതാണ്; ജിന്ന് അത് തൻ്റെ കൂട്ടാളിക്ക് കോഴി കുറുകുന്നത് പോലെ ചെവിയിൽ കുറുകിക്കൊടുക്കും. അവരതിൽ നൂറുകണക്കിന് കളവുകൾ കൂട്ടിക്കലർത്തുകയും ചെയ്യും...
• ശകുനം നോക്കുന്നവനോ നോക്കിപ്പിക്കുന്നവനോ, ജോത്സ്യം ചെയ്യുന്നവനോ ചെയ്യിപ്പിക്കുന്നവനോ, മാരണം ചെയ്യുന്നവനോ ചെയ്യിക്കുന്നവനോ നമ്മിൽ പെട്ടവനല്ല...
• നുശ്റയെ' കുറിച്ച് നബി -ﷺ- യോട് ചോദിക്കപ്പെട്ടു. അവിടുന്ന് പറഞ്ഞു: "അത് പിശാചിൻ്റെ പ്രവർത്തിയിൽ പെട്ടതാണ്."...