တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)က မိန့်ကြားတော်မူသည်။ ဧကန်အမှန်ပင် လောကသည် ရသအားဖြင့် ချိုမြိန်ပြီး အမြင်အားဖြင့် စိမ်းလမ်းစိုပြေသည်။ ထို့ကြောင့် လူသားသည် ထိုအရာများဖြင့်လှည့်စားခံရပြီး ၎င်း၌နစ်မွန်းကာ လောကအား သူ၏အကြီးမားဆုံးသော စိုးရိမ်ပူပန်မှုအဖြစ် ပြုလုပ်လိုက်သည်။ အလ္လာဟ်အရှင်မြတ်သည် ဤလောကီသက်တမ်း၌ ကျွန်ုပ်တို့ မည်သို့ကျင့်ကြံအားထုတ်သည် အရှင်မြတ်၏ အမိန့်ကို နာခံသလော၊ ဖီဆန်သလောဆိုသည်ကို ကြည့်ရှုရန်အတွက် ကျွန်ုပ်တို့အနက်မှ အချို့ကို အချို့၏ အုပ်ချုပ်သူ ကိုယ်စားလှယ်အဖြစ် ခန့်အပ်တော်မူခဲ့သည်။ ထို့နောက် ကိုယ်တော်မြတ် (ဆွလ္လလ္လာဟုအလိုင်းဟိဝစလ္လမ်)က လောက၏ စည်းစိမ်ချမ်းသာနှင့် အလှအပများက သင်တို့အား လှည့်စားကာ အလ္လာဟ်အရှင်မြတ်က သင်တို့အား အမိန့်ပေးထားသောအရာများကို စွန့်လွှတ်ပြီး၊ အရှင်မြတ် တားမြစ်ထားသောအရာများကို ကျူးလွန်စေခြင်းမျိုး မဖြစ်အောင် သတိထားရှောင်ကြဉ်ရန် မိန့်ကြားတော်မူသည်။ လောက၏ ဖိသ်နဟ် ပြဿနာများအနက်ရှောင်ကြဉ်ရန် အရေးကြီးသည့် အကြီးမားဆုံး ဖိသ်နဟ်မှာ အမျိုးသမီးများ၏ဖိသ်နဟ်ပင် ဖြစ်သည်။ ၎င်းသည် ဗနီအစ္စရာအီးလ်လူမျိုးများ ပထမဦးဆုံးကျ‌ရောက်ခဲ့သည့် ဖိသ်နဟ်လည်းဖြစ်ခဲ့သည်။

• သက္ကဝါတရားကို စွဲမြဲစွာဆုပ်ကိုင်ထားရန်နှင့် လောကီ၏အသွင်အပြင်များ၊ အလှတရားများ၌ နစ်မွန်းမနေရန် တိုက်တွန်းထားသည်။
• အမျိုးသမီးများကို ကြည့်ခြင်း၊ အမျိုးသမီးများနှင့် တစ်စိမ်းအမျိုးသားများရောရောနှောနှောနေခြင်းစသည့် အမျိုးသမီးများနှင့် သက်ဆိုင်သည့် ဖိသ်နဟ် ပြဿနာများမှ ရှောင်ကြဉ်ရန် သတိပေးနှိုးဆော်ထားသည်။
• လောကီ၌ အကြီးမား‌ဆုံး ဖိသ်နဟ်ပြဿနာမှာ အမျိုးသမီးများ၏ ဖိသ်နဟ်ပြဿနာဖြစ်သည်။
• လွန်လေပြီးသော အွမ္မသ်နောက်လိုက်များမှ သံဝေဂတရားရယူရန်တိုက်တွန်းထားသည်။ ဗနီအစ္စရာအီးလ်တို့တွင် ဖြစ်ပေါ်ခဲ့သည့်အရာသည် အခြားသောသူများတွင်လည်း ဖြစ်နိုင်သည်။
• အမျိုးသမီးများ၏ဖိသ်နဟ် ပြဿနာသည် အမျိုးမျိုးရှိတတ်သည်။ အကယ်၍ ဇနီးသည်ဖြစ်ပါက သူမ၏ ဖိသ်နဟ်မှာ ခင်ပွန်းသည် မတတ်နိုင်သည့် အသုံးစရိတ်ကို တောင်းဆိုခြင်းမျိုးဖြစ်သည်။ ထိုကြောင့်သူသည် သာ သနာရေးကိစ္စများတွင် အချိန်မပေးနိုင်တော့ဘဲ လောကီရှာဖွေမှုတွင်သာ နစ် မွန်းသွားသည်။ အကယ်၍ သူစိမ်းအမျိုးသမီးဖြစ်လျှင် သူမ၏ ဖိသ်နဟ် ပြ ဿနာမှာ သူမတို့သည် အိမ်အပြင်သို့ထွက်ပြီး အမျိုသားနှင့်ရောနှောပါက အ မျိုးသားများကို စွဲဆောင်ခြင်းနှင့် ၎င်းတို့ကို အမှန်တရားမှ ယိမ်းယိုင်စေခြင်း စသည်တို့ဖြစ်သည်။ အထူးသဖြင့် သူမတို့သည် ‘ဟိဂျာဗ်’ ခန္ဓာကိုယ် တစ်ခုလုံးအား လုံခြုံစွာ ဖုံးအုပ်ခြင်းမရှိဘဲ မိမိတို့၏ အလှအပကို ဖော်ထုတ်ပြသကာ သွားလာပါက ဖိသ်နဟ်ပို၍ဖြစ်တတ်သည်။ ဤကိစ္စသည် တစ်ခါတစ်ရံ ‘ဇိနာ’၏ အဆင့်အမျိုးမျိုးဆီသို့ ကျရောက်စေသည်။ ထို့ကြောင့် မုအ်မင်န်တစ်ဦးအနေဖြင့် အလ္လာဟ်အရှင်မြတ်၏အမိန့်ကို စွဲမြဲစွာဆုပ်ကိုင်ထားပြီး အမျိုးသမီးများ၏ဖိသ်နဟ် ပြဿနာများမှုမှ လွတ်မြောက်ရန် အရှင်မြတ်ထံ တောင်းခံနေရမည်ဖြစ်သည်။

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. မိသားစုဆိုင်ရာ ဖိကဟ်။
4. အမျိုးသမီးဆိုင်ရာ ပညတ်ချက်များ။
5. ဟဒီးဆ်

1. ပင်မစာမျက်နှာ
2. ထွတ်မြတ်မှုများနှင့် အာဒါဗ်စည်းကမ်းများ။
3. နှလုံးသားကို နူးညံ့စေသော ဆုံးမဩဝါဒများ။
4. လောကီချစ်စိတ်ကို ရှုံ့ချခြင်း။
5. ဟဒီးဆ်

• - " ငါကိုယ်တော်မရှိသည့် နောက်တွင် သင်တို့အတွက် ငါကိုယ်တော်စိုးရိမ်တော်မူသည့် အရာများထဲမှတစ်ခုမှာ လောကီ၏စည်းစိမ်အလှအပတွေဟာ သင်တို့အတွက် ဖွင့်ချပေးခြင်းခံရမည်ကို ဖြစ်သည်...
• ။ အို - ဟကီးမ် စင်စစ် ဤဥစ္စာပစ္စည်းသည် ( လူတေရဲ့အမြင်မှာ ) စိမ်းလန်းပြီး၊ ချိုမြိန်သည်
• အသင်တို့ သူစိမ်းအမျိုးသမီးများထံ ဝင်ထွက်သွားလာခြင်းကို ရှောင်ကြဉ်ကြလော့။ ထိုအခါ အန်စွာရီ စွဟာဗီတစ်ပါးက လျှောက်ထားမေးမြန်းသည်မှာ - အို အလ္လာဟ်အရှင်မြတ်ရဲ့ရစူလ်၊ ခင်ပွန်းရဲ့သားချင်း (ညီ၊ အစ်ကို) များနှင့်ပတ်သတ်၍ ကိုယ်တော် မည်သို့ မိန့်ကြားတော...
• အို- အမျိုးသမီးအပေါင်းတို့၊ အသင်မတို့ စွဒ်ကဟ်အလှူဒါပြုကြလော့။ အဘယ်ကြောင့်ဆိုသော် ငရဲသားများအနက်အများစုဟာ အသင်မတို့ အမျိုးသမီးများဖြစ်နေကြောင်း ငါကိုယ်တော်ဟာ ပြသတော်မူခြင်းခံရသည်။ ထိုအခါ သူမတို့က "အို-အလ္လာဟ်အရှင်မြတ်၏ တမန်တော်၊ အဘယ်ကြောင့်န...