Nabiyaamã, -Wẽnd pʋʋsg la A tɩlgr be a yĩnga-, vẽnegda munaafɩk halhaal hadiisã pʋgẽ, n wilgdẽ, t’a yaa wala pesg ning sẽn kẽngd rũn-bãg a yiibu la a watẽ, a ka mi yaa rũn-bãg pʋd la a na n pʋge, Wakat ninga a zoet n pʋga rũn-bãg-kãngã, la wakat a to t’a leb n zoet n pʋgd rũn-bãg-kãngã, Rẽnd munaafɩgsã yaa neb sẽn yirb sɩd-kũunã la kɩfẽndã sʋka, bãmb n ka sɩd-kõtb zãnga, sẽn solg la sẽn vẽnege, b leb n ka kɩfr-rãmb me ye, sẽn solg la sẽn vẽneg ye, b yɩngẽ wã b bee ne muumin-rãmba, la b pʋgẽ wã, b bee sik la tarb pʋgẽ, wakat ninga tɩ b kɩll n tʋg bãmbã nengẽ, tɩ wakat a to tɩ b kɩll n tʋg bãmbã nengẽ.

• Bee hadiisã pʋgẽ, Nabiyaamã, -Wẽnd pʋʋsg la A tɩlgr be a yĩnga-, a no-kẽndr pʋgẽ, yaa a sẽn rɩkd bilgr-rãmba, n maandẽ, sẽn na yɩl n pẽneg maana.
• Bee hadiisã pʋgẽ, sẽn wilgd munaafɩgsã halhaale, ne b sẽn yaa tardba, la b be sik pʋgẽ, la b yellã ka tablg zĩig a yembre.
• Bee hadiisã pʋgẽ, bugsgu n yi munaafɩgsã halhaale, la a kengd nebã ne sɩda la loe-n-wãakã la sɩd-kũuni, sẽn solg la sẽn vẽnege.