Nabiyaamã, -Wẽnd pʋʋsg la A tɩlgr be a yĩnga-, vẽnegame n wilgdẽ, tɩ sẽn be dũni wã yikr pẽnegr tagmasẽ, yaa b sẽn na n zẽk (yẽes) sari wã minim bãngre, la rẽnda yaa sẽn na n tũ ne bãngdbã kũum, La sẽn tũ ne rẽ masa, yaa zɩɩlmã sẽn na n wʋsg la a sẽege, tɩ yoobã la yel-beedã sẽege, tɩ rãamã yũub wʋsge, tɩ raopã sõor boogdẽ, tɩ pagbã sõor paasdẽ, halɩ tɩ pagb pis-tu, yaa raoa a yembr n na n wa yãs ne b yellã, n na n manes b yεla.

• Hadiis-kãngã wilgda dũni wã yikr tagmas-rãmb sãnda.
• Dũni wã yikr wakatã bãngre, a bee yεl nins sẽn solgã pʋgẽ, Wẽnd A yembr tãa n pa ne a minimã.
• Hadiisã pirsdame tɩ b karem sari wã bãngre, taoor t’a na n ka menem ye.