Абу Бакр Сыддык (ага Аллах ыраазы болсун) адамдар төмөнкү аятты окуп жүрүшкөнүн айтат: "Эй, ыймандуу пенделер! Өзүңөргө сак болгула! Эгер туура жолго түшкөн болсоңор, адашкандар силерге зыян тийгизе албайт..." (Маида, 105-аят). Бул аятты адам өз жанын сактаса болду, ал өзү ыйманга келгенден кийин башкалардын адашканы ага зыянын тийгизбейт, ал башкаларды жакшылыкка чакырып, жамандыктан тыюуга буйрулган эмес деп түшүнүшөт... Анан аларга анын мааниси андай эмес экенин үйрөтүп, Аллахтын элчисинен (ага Аллахтын тынчтыгы жана мактоосу болсун) укканын айтат: Эгер адамдар заалым адамды көрүп, аны тыюуга кудурети болуп туруп, аны зулумдуктан тыйбаса, Аллах Таала алардын баарын чогуу азаптап коюшу жакын болот. Жаман иш кылганды жаман иши үчүн, ага унчукпаганды унчукпаганы үчүн.

• Жакшылыкка чакырып, жамандыктан кайтарып насаат айтуу мусулмандардын моюнундагы важиб.
• Аллахтын жазасы заалымга заалымдыгы үчүн, ал эми ага унчукпаган адамга, мүмкүнчүлүгү болуп туруп аны жамандыктан тыйбаганы үчүн болот.
• Жалпы элге Куран тексттерин туура түшүндүрүп, таалим берүү зарыл.
• Куран аяттарын Аллах айткан мааниден башкача түшүнүп албоосу үчүн адамдарга аны туура түшүнүүгө жардам берүү кажет.
• Туура жолго түшүү жакшылыкка чакырып, жамандыктан кайтарууну таштоо менен ишке ашпайт.
• Жогорудагы аяттын туура чечмеленүүсү мындай: өзүңөрдү күнөө иштерден сактагыла. Эгер өзүңөрдү сактасаңар, адашкандарды жакшылыкка чакырып, жамандыктан кайтарууга чамаңар жетпесе, алардын адашканы силерге зыянын тийгизбейт.

1. home
2. Чакыруу жана үгүттөө
3. Жакшылыкка буйруп жамандыктан тыюу
4. Жакшылыкка буйруп жамандыктан тыюунун өкүмү
5. hadith

• Силердин кимиңер күнөө ишти көргөн болсо, анда аны колу менен токтотсун! А эгерде колу менен токтото албаса, анда тили менен токтотсун! Ал эми тили менен да токтото албаса, анда жүрөгүнөн жек көрсүн! Мына бул ыймандын эң алсыздыгы...