پێغەمبەر -صلى اللە علیە وسلم- زەكاتی سەرفیترەی واجب كردووە لە پاش تەواوبوونی مانگی ڕەمەزان، ئەمیش هێندەی كێشی صاعێكە (كە چوار مشت دەكات). المد: بریتیە لە پڕ بە هەردوو دەستی پیاوێكی مامناوەند كاتێك دەستەكانی پێكەوە دەلكێنێت، زەكاتی سەرفیترە لە خورما یان دانەوێڵە یان لە خواردنەكانی تر دەردەکرێت، لەسەر هەموو مسوڵمانێكە دەری بکات؛ ئازاد وبەندە ونێر ومێ وبچووك وگەورە، زەكاتی سەرفیترە واجبە لەسەر ئەوانەی خواردنی شەو وڕۆژێكیان هەیە، دەریدەكات بۆ خۆی و لەجیاتی ئەوانەی مەسرەفیان دەکێشێت. وپێغەمبەر -صلى اللە علیە وسلم- فەرمانیكردووە بەوەی دەربكرێت لە پێش دەرچوونی خەڵكی بۆ ئەنجامدانی نوێژی جەژن.

• زەكاتی سەرفیترە لە ڕەمەزاندا واجبە دەربكرێت لەجیاتی بچووك وگەورە، وئازاد وبەندە، وفەرمانكردن بە دەركردنی ئاڕاستەی سەرپەرشتیار -وەلی- وگەورە دەكرێت، وپیاو دەریدەكات بۆ خۆی و لەجیاتی خێزان ومنداڵەكانی وئەوانەی خەرجیان لەسەری واجبە.
• دەرکردنی زەکاتی سەرفیترە لەجیاتی منداڵی نێو سک؛ واجب نییە، بەڵکو کارێکی باش وپەسەندە.
• ڕوونکردنەوەى جۆری ئەو خواردنانەى کە زەکاتى سەرفیترەیان لێ دەردەکرێت، وبریتین لە خواردنی ئاسایی وباوی خەڵكی.
• واجبێتی دەرکردنی زەکاتی سەرفیترە لە پێش نوێژی جەژن، وباشتر وایە لە بەیانی ڕۆژی جەژندا بێت، ودەركردنی لەپێش جەژن بە ڕۆژێك یان دوو ڕۆژ؛ ڕێگەپێدراوە.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. زەکات
5. زەکاتی سەرفیترە
6. فەرموودە

• هیچ زەکاتێک لەسەر مسوڵمان نییە لە خزمەتکارەکەى وئەسپەکەیدا
• ئێمە زەكاتی سەرفیترەمان دەبەخشی كاتێك پێغەمبەری خودا -صلى اللە علیە وسلم- لەنێوماندا بوو، لەجیاتی هەموو بچووك وگەورەیەك، وئازاد وبەندەیەك، صاعێك (چوار مشت) لە خواردن...