پێغەمبەر -صلى اللە علیە وسلم- ڕوونیدەكاتەوە كە مافی مسوڵمان لەسەر برای مسوڵمانی شەش شتە: یەكەم: سەلامی لێدەكات ئەگەر پێی بگات، ئەمیش بە ووتنی: (السلام علیكم)، وئەویش وەڵام دەداتەوە بە ووتنی: (وعلیكم السلام). دووەم: وەڵامدانەوەی دەعوەتی ئەگەر بانگی كرد بۆ وەلیمە یان هەر دەعوەتییەکی تر. سێیەم: ئامۆژگاری دەكات ئەگەر داوای لێبكات، بەبێ ڕوپامایی وبە بێ فێڵ كردن. چوارەم: ئەگەر پژمی، و ووتی: (الحمد لله) واتە: (حەمد وسوپاس بۆ الله)، ئەوا دەبێت وەڵامی بداتەوە وبڵێت: (یرحمك الله) واتە: (الله ڕەحمت پێبكات)، لەبەرامبەر كەسی یەكەم (كەسی پژمیو) دەڵێت: (يَهديكم الله ويُصلح بالكم) واتە: (الله هیدایەتت بدات وكاروبارت چاك بكات). پێنجەم: سەردانی دەكات ئەگەر نەخۆش بێت. شەشەم: نوێژی لەسەر دەكات ئەگەر بمرێت، وشوێنی جەنازەكەی دەكەوێت هەتاوەكو دەفن ودابۆشینی تەواو دەبێت

• شەوكانی دەڵێت: كاتێك دەفەرموێت: (مافی مسوڵمان)؛ مەبەست ئەوەیە نابێت پشت گوێ بخرێت و وازی لێ بهێندرێت، بۆیە ئەنجامدانی یان واجبە یان سوننەتێكە زۆر جەختی لەسەر كراوەتەوە وچوێندراوە بە واجبێك كە نابێت وازی لێبهێندرێت.
• وەڵامدانەوەی سەلامکردن فەرزە لەسەر هەموو كەسێك ئەگەر ئەوەی سەلامی لێكراوە تەنها خۆی بوو، بەڵام ئەگەر کۆمەڵێک بوون؛ ئەوا لەسەر یەکێکان فەرزە وەڵام بداتەوە لە جیاتی هەمووی، ودەستپێكردن بە سەلامكردن لە بنچینەدا سوننەتە.
• سەردانیکردنی نەخۆش لە مافی مسوڵمانە لەسەر برا مسوڵمانەکانى؛ چونکە دەبێتە هۆی هێنانى ئاسوودەیی ودڵنەوایی بۆی، وفەرزی كیفایەتە (ئەگەر كۆمەڵێك ئەنجامیان دا؛ واجبێتی لەسەر ئەوانی تر لادەچێت).
• واجبێتی وەڵامدانەوەی دەعوەتی ئەگەر گوناهی تێدا نەبێت؛ ئەگەر وەلیمە -دەعوەتی هاوسەرگیری- بوو ئەوا زۆرینەی زانایان دەڵێن: واجبە وەڵام بدرێتەوە مەگەر بەهۆی پۆزشێكی شەرعیەوە نەبێت، بەڵام ئەگەر وەلیمە نەبێت ئەوا زۆرینەی زانایان دەڵێن: سوننەتە وەڵام بدرێتەوە.
• وەڵامدانەوەى ئەو کەسەی دەپژمێت وحەمد وسوپاسی خواى گەورە دەکات؛ فەرزە لەسەر ئەوەی گوێی لێیە كەسی پژمیو حەمد وسوپاسی خودا دەكات.
• كامڵێتی شەریعەت و بەپەرۆشی لەسەر پتەوكردنی ئیمان وپەیوەندیە كۆمەڵایەتیەكان، هەروەها گرنگیدانی شەریعەت بە بەهێزكردنی هۆكارەكانی خۆشەویستی لەنێوان تاكەكانی كۆمەڵگادا.
• لە هەندێك گێڕانەوەدا لە جیاتی (تەسمیت:سَمِّتْ)؛ (تەشمیت:شمِّتْ) هاتووە، واتا: نزا كردن بە خێر وبەرەكەت، ووتراوە: مانای ئەوەیە خودا بە دوورت بگرێت لە دڵخۆشبوونی ناحەزانت بە ناخۆشیەكانت، (تەسمیت) واتا: خودا هیدایەتت بدات بۆ ڕێگای ڕاست.

1. سه‌ره‌كی
2. عەقیدە (بیروباوەڕ)
3. دڵسۆز بوون وبەریئبوون (الولاء والبراء)
4. حوکمەکانی دڵسۆزبوون وبێ بەری بوون (الولاء والبراء)
5. فەرموودە

1. سه‌ره‌كی
2. فەزڵەکان وئادابەکان
3. ئادابە شەرعییەکان
4. ئادابەکانی پژمین وباوێشکدان
5. فەرموودە

• من بەرپرسیار نیم وبەریئم لە هەرمسوڵمانێک کە لە نێو موشریکەکاندا دەژێت
• ئەگەر یەکێکتان باوێشکی هات ئەوا با دەستی لەسەر دەمی دابنێت، چونكە شەیتان دەچێتە دەمیەوە
• مافی مسوڵمان لە سەر مسوڵمان پێنجە: وەڵامدانەوەی سەلامکردن، وشوێنکەوتنی جەنازە، و وەڵامدانەوەی بانگهێشت کردنی بۆ خوان (دەعوەتکردن)، و وەڵامدانەوەی ئەو کەسەی کە دەپژمێت و(دەڵێت: الحمد لله، پێی بڵێیت: یرحمک الله)...
• بەدڵنیاییەوە جولەکەکان ونەسڕانیەکان دەردەکەم لە دورگەی عەرەب هەتاوەکو تەنها مسوڵمانان تێیدا دەمێننەوە