ነቢዩ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና አንድ ሙስሊም በሌላ ሙስሊም ወንድሙ ላይ ካሉት ሐቆች መካከል ስድስቱን ጠቀሱ፡ የመጀመሪያው: ባገኘው ጊዜ "አስሰላሙ ዐለይኩም" (ሰላም በእናንተ ላይ ይሁን) በማለት ሰላምታውን ያቅርብለት። እርሱም "ወዐለይኩሙ-ስሰላም" በማለት ሰላምታውን ይመልስለት። ሁለተኛው: ለሰርግና ለሌሎች ድግሶች በጠራው ጊዜ ጥሪውን ማክበር ነው። ሶስተኛው: ምክር ባስፈለገው ጊዜ ያለምንም ማሞኘትና ማታለል መምከር ነው። አራተኛው: አስነጥሶ "አልሐምዱሊላህ" (ምስጋና ሁሉ ለአላህ የተገባው ነው) ያለ ጊዜ "የርሐሙከላህ" (አላህ ይዘንልህ፤ ይቅር ይበልህ) በማለት አስደስተው። እርሱም "የህዲኩሙሏህ ወዩስሊሕ ባለኩም" (አላህ ይምራህ፤ ጉዳይህንም ያስተካክልልህ) በማለት ይመልስ። አምስተኛው: በታመመ ጊዜ ይጠይቀው፤ ይጎብኘው። ስድስተኛው: በሞተ ጊዜ ይስገድበት፤ እስኪቀበር ድረስም ጀናዛውን ይከተለው።

• ሸውካኒይ እንዲህ ብለዋል: "(የሙስሊም ሐቅ) በማለት የተፈለገው መተዉ የማይገባ ማለት ነው። ይህንንም መፈፀም ወይ በግዴታ መልኩ ይሆናል፤ ወይም መተዉ በማይገባ ልክ አጽንዖት የተሰጠውና ግዴታን የሚመስል ተወዳጅ (መንዱብ) በሆነ መልኩ ይሆናል።
• ሰላምታን መመለስ ሰላምታ የቀረበለት ሰው አንድ ሰው ከሆነ የነፍስ ወከፍ ግዴታ ይሆናል። በብዛት ለሆኑ ሰዎች ከሆነ ግን ስለ ሁሉም ሰላምታውን አንዱ ቢመልስ ራሱ በቂ ነው። ሰላምታን መጀመር ግን ከመሰረቱ ሱና ነው።
• የታመመን መዘየር አንድ ሙስሊም በሙስሊም ወንድሞቹ ላይ ካሉት ሐቆች መካከል አንዱ ነው። ምክንያቱም ህመምተኛን መዘየር ቀልቡ ውስጥ ደስታና መፅናናትን ስለሚያመጣ ነው። ፈርዱ ኪፋያ (የተወሰኑ ሰዎች ከፈፀሙት በቂ የሚሆን) ግዴታም ናት።
• ወንጀል እስካልሆነ ድረስ ጥሪን ማክበር ግዴታ ነው። ጥሪው ለሰርግ ድግስ ከሆነ አብዛኛው ዑለማዎች ሸሪዓዊ ምክንያት ኖሮት ካልቀረ በቀር ጥሪ ማክበሩ ግዴታ ነው ብለዋል። ከሰርግ ውጪ ለሆነ ጥሪ ከሆነ ግን አብዛኛው ዑለማዎች ጥሪ ማክበሩ ተወዳጅ (ሙስተሓብ) ነው ብለዋል።
• አስነጣሹ አላህን ሲያመሰግን የሰማ ሰው አስነጣሹን "የርሐሙከሏህ" ማለቱ ግዴታ ነው።
• የሸሪዓ ምሉዕነትና የማህበረሰቡን አንድነት፣ ኢማናቸውንና የውዴታቸውን ግንኙነት በመካከላቸው ለማስተሳሰር መጣሩን እንረዳለን።
• (ፈሰምሚትሁ) የሚለው ዘገባም መጥቷል። በአንዳንዱ ደግሞ (ፈሸምሚትሁ) በሚል ተዘግቧል። ትርጉሙም በመልካምና በበረከት ዱዓ ማድረግ ነው። "ተሽሚት" ማለት አላህ የጠላት መደሰቻ ከመሆን ያርቅህ፤ ጠላትህን ከሚያስደስት ነገር ያርቅህ ማለት ነው። "ተስሚት" ማለት ደግሞ አላህ ወደ ቀጥተኛው መንገድ ይምራህ ማለት ነው።

1. ዋና ገፅ
2. ዐቂዳ (እምነት)
3. መወዳጀት መራራቅ
4. የመወዳጀትና የመራራቅ ህግጋት
5. ሓዲሥ

1. ዋና ገፅ
2. ትርፍ ተግባራትና ስነ-ስርዓት
3. ሸሪዓዊ ስነ-ስረዓቶች
4. የማስነጠስና የማዛጋት ስነ-ስርዓት
5. ሓዲሥ

• ሰውዬው በጓደኛው ሃይማኖት ላይ ነው። አንዳችሁ የሚጎዳኘውን ሰው ይመልከት።
• አንድ ሙስሊም በሌላኛው ሙስሊም ላይ አምስት መብቶች አሉት፤ ሰላምታ መመለስ፣ ህመምተኛ መጠየቅ፣ ጀናዛን መሸኘት፣ ጥሪውን መቀበልና ባስነጠሰው ጊዜ 'የርሐሙከሏህ' ማለት ናቸው።'...
• የአላህ መልክተኛ (የአላህ ሶላትና ሰላም በእርሳቸው ላይ ይስፈንና) ያስነጠሱ ጊዜ እጃቸውን ወይም ልብሳቸውን አፋቸው ላይ አድርገው ድምፃቸውን ይቀንሱበት ነበር።...
• አንዳችሁ ያዛጋ ጊዜ ሸይጧን ወደ ውስጡ ስለሚገባ በእጁ አፉን ይያዝ።