پێغەمبەر -صلى اللە علیە وسلم- بە ترسێكی زۆرەوە چوو بۆ لای زەینەبی كچی جەحش -ڕەزای خوای لێبێت-، لەكاتێكدا دەیووت: (لا إله إلا الله)؛ ئەمیش بۆ ڕاگەیاندن وپێشبینی كردنی شتێكی ناخۆش كە ڕوودەدات، وهیچ ڕزگاربوون وپەنایەك نییە لێی مەگەر بە پەناگرتن بە الله نەبێت -سبحانه وتعالی-، پاشان پێغەمبەر -صلى اللە علیە وسلم- فەرمووی: تیاچوون بۆ عەرەب لە شەڕێك كە نزیكە ڕوودانی، ئەمڕۆ ئەندازەیەك لە دیوارە مەزنەكەی پێش یەئجوج ومەئجوج كرایەوە، ئەم دیوارە مەزنە ئەو بەنداوە گەورەیە كە (زو ئەلقەرنین) دروستی كرد، بۆ وەسفكردنی ئەندازەكە بازنەیەكی بچووكی دروستكرد بە پەنجە گەورەی وئەوەی تەنیشتی، زەینەب -ڕەزای خوای لێبێت- ووتی: چۆن خوای گەورە تووشی تیاچوونمان دەكات لەكاتێكدا ئیماندارە پیاوچاكەكان لەنێو ئێمەدان؟ پێغەمبەر -صلى اللە علیە وسلم- پێی فەرموو: ئەگەر پیسی -تاوان وفاسقێتی- وزینا ومەی خواردنەوە وهتد زۆر بوو، ئەوا تیاچوون هەمووان دەگرێتەوە.

• ترس وشڵەژان نابێتە هۆی ئەوەى دڵی مرۆڤ بێ ئاگا بێت لە یادی خواى گەورە؛ چونکە تەنها بە یادی خواى گەورە دڵەکان ئارام دەبن.
• هاندان بۆ نکۆڵی وئینکاری کردن لە خراپەکان وڕێگری لە کردنیان.
• مرۆڤەکان تیادەچن بەهۆی زۆری خراپە وتاوان وتەشەنە كردنیان ونكۆڵی نەكردن لێیان؛ ئەگەرچیش پیاوچاکان زۆر بن.
• کارەساتەکان تووشی هەموو خەڵکی دەبن؛ چاکەکاران وخراپەکاران، بەڵام لەسەر نیەتەکانیان زیندوو دەکرێنەوە.
• لێرەدا بەتایبەتی باسی عەرەبی كرد: (تیاچوون بۆ عەرەب لە شەڕێک کە نزیک بووەتەوە) ؛ چونكە ئەو كاتە زۆرینەی ئەوانەی مسوڵمان بوون ؛ عەرەبەكان بوون.

1. سه‌ره‌كی
2. عەقیدە (بیروباوەڕ)
3. باوەڕهێنان بە ڕۆژی دوایی
4. نیشانەکانی ڕوودانی قیامەت
5. فەرموودە

1. سه‌ره‌كی
2. ژیاننامە (سیرەت) ومێژوو
3. ژیاننامەی پێغەمبەر ﷺ (سیرەتی پێغەمبەر ﷺ)
4. تایبەتمەندییە موحەمەدیەکان
5. ڕێبازی پێغەمبەر ﷺ
6. ڕێبازی پێغەمبەر ﷺ لە مارەیی کردن ومامەڵەکردنی لەگەڵ خێزانەکانى
7. فەرموودە

• من وپێغەمبەر -صلى الله علیه وسلم- لە یەک تەشتدا خۆمان دەشۆرد، هەردووكمان لەشگران بووین، فەرمانی پێدەکردم ئیزار^ بپۆشم، ودەهاتە لام لە کاتێکدا من لە سووڕی مانگانەدا بووم...
• قیامەت هەڵناسێت هەتاوەکو (ڕووباری) فورات وشک دەبێتەوە وشاخێک لە ئاڵتون دەردەخات کە کوشتاری لەسەر دەکرێت، ولە هەر سەد کەسێک نەوەد ونۆیان دەکوژرێن...
• ئایا باسێکتان بۆ بکەم سەبارەت بە دەجال کە هیچ پێغەمبەرێک باسی نەکردووە بۆ گەلەكەی؟ ئەو چاوێکی کوێرە، ودێت بەهەشت ودۆزەخی لەگەڵدایە
• سوێند بە ئەو زاتەی کە نەفسی منی بە دەستە دونیا کۆتایی نایەت هەتاوەکو پیاو بە لای گۆڕێکدا تێپەڕ دەبێت، خۆڵەکەى دەکات بە لاشەی خۆیدا ودەڵێت: خۆزگایە من لە شوێنی خاوەنی ناو ئەم گۆڕە بووایەم، ونەک بە هۆی هۆکاری ئاینیەوە، بەڵکو بەهۆی بەڵا وناڕەح...