ነቢዩ -የአላህ ሰላትና ሰላም በእርሳቸው ላይ ይስፈንና- የትንሳኤ ቀን ተውበት እስካላደረጉ ወይም አላህ ቅጣቱን ይቅር እስካላላቸው ድረስ ቅጣት ስለሚገባቸው ሶስት የሰዎች አይነት ተናገሩ። የመጀመሪያው ቅጣት: የትንሳኤ ቀን አላህ በጣም ስለሚቆጣባቸው አያናግራቸውም። ይልቁንም እነርሱን ችላ ይላል። ወይም በነርሱ ላይ መቆጣቱን የሚጠቁም የማያስደስታቸውን ንግግር ያናግራቸዋል። ሁለተኛው ቅጣት: አያጠራቸውም፣ በነርሱ ላይ አያወድስም፣ ከወንጀላቸውም አያጠራቸውም። ሶስተኛው ቅጣት: በመጪው አለም አሳማሚና ብርቱ ቅጣት አላቸው። እነዚህም ሰዎች: የመጀመሪያው: ዝሙት ላይ የሚወድቅ ያረጀ ሰውዬ ነው። ሁለተኛው: ገንዘብ የሌለው ድሃ ከመሆኑም ጋር ሰዎች ላይ ይኮራል። ሶስተኛው: ሲሸጥና ሲገዛ በአላህ መማል የሚያበዛ ሰው ነው። በዚህም የአላህን ስም ዝቅ ያደርጋል። የአላህን ስምም ገንዘብ ማግኛ ያደርገዋል።

• ቃዲ ዒያድ የዚህን ከባድ ቅጣት ምክንያት ሲገልፁ እንዲህ ብለዋል: "የተጠቀሱት እያንዳንዳቸው ከወንጀሉ ጋር ቅርርብ የሌላቸው ከመሆናቸውም ጋር፣ የሚያስገድዳቸው ካለመኖሩም ጋርና፣ ወደ ወንጀሉ የሚገፋፋቸው ሳይኖር ነው ወንጀሉን የፈፀሙት። ማንም ሰው ወንጀልን ለመፈፀም በቂ ምክንያት ባይኖረውም ነገር ግን ወደዚህ ወንጀል የሚያስገድድና በተለምዶ የሚገፋፋ ነገር ሳይኖረው መስራቱ ትዕቢት፣ የአላህን ሐቅ አቅልሎ ማየትና ያለምንም ፍላጎት ወንጀልን አልሞ መስራት ይመስልበታል።"
• ዝሙት፣ ውሸትና ኩራት ከትላልቅ ወንጀል መሆኑን እንረዳለን።
• ኩራት ማለት: እውነትን መመለስና ፍጡራንን ማሳነስ ነው።
• ሲሸጥና ሲገዛ መሃላን አብዝቶ መጠቀም መከልከሉንና መሃላን በማክበርና የአላህን ስሞች በማክበር ላይ መነሳሳቱን እንረዳለን። አላህ እንዲህ ብሏል::{አላህን ለመሃላዎቻችሁ ግርዶ አታድርጉ።} [አልበቀራህ:32]

1. ዋና ገፅ
2. ትርፍ ተግባራትና ስነ-ስርዓት
3. ቀልብን አርጣቢ ምክሮችና ተግሳጾች
4. ወንጀለኞችን ማውገዝ
5. ሓዲሥ

• ትላልቅ ወንጀሎች፦ በአላህ ማጋራት፣ የወላጆችን ሐቅ ማጓደል፣ ነፍስ ማጥፋትና የውሸት መሀላ ናቸው።
• ነፍሱን ከተራራ ላይ ጥሎ የገደለ ሰው በጀሃነም እሳት ውስጥ ዘውታሪና ዘላለማዊ በሆነ መልኩ ሲምዘገዘግ ይኖራል።
• የአላህ መልክተኛ ሆይ! አንድ ሰው ገንዘቤን ለመውሰድ ፈልጎ ቢመጣ እስኪ ንገሩኝ ምን ላድርግ?
• አራት ነገሮች ያሉበት ሰው ጥርት ያለ ሙናፊቅ ይሆናል። ከነርሱ መካከል ከፊሉ ያለበት ሰው እስኪተወው ድረስ ከፊል ንፍቅና ይኖርበታል። ሲያወራ ይዋሻል፣ ቃልኪዳን ይዞ ያፈርሳል፣ ቀጠሮ ይዞ ያፈርሳል፣ ሲሟገት (ድንበር ያልፋል) በጥመት ላይ ነው።...