پێغەمبەر -صلى اللە علیە وسلم- پێمان ڕادەگەیەنێت كە سێ جۆر لە خەڵكی شایستەی سزای خوای گەورەن لە ڕۆژی قیامەتدا، ئەم سزایانە سێ جۆرن ئەگەر تەوبە نەكەن یان خودا لە سزادانیان خۆش نەبێت: یەكەم: خواى گەورە لە ڕۆژی قیامەتدا قسەیان لەگەڵدا ناکات بەهۆی زۆری توڕەیی لێیان بەڵكو وازیشیان لێدەهێنێت، یان بە شێوەیەك قسەیان لەگەڵدا دەكات كە پێی ئاسوودە نین وبەڵگەیە لەسەر توڕەبوونی لێیان. دووە: خاوێنیان ناكاتەوە وستایشیان ناكات، وپاکیان ناكاتەوە لە تاوانەكان. سێیەم: وبە سزایەكی توند وسەخت ئازار دەدرێن لە قیامەتدا. ئەم سێ جۆرە لە خەڵكی بریتین لە: جۆری یەكەم: پیاوێك بەتەمەنە وتاوانی داوێن پیسی دەكات. دووەم: هەژارێكی خاوەن پارە وسامان نییە لەگەڵ ئەمەیشدا خۆی بەگەورە دەزانێت بەسەر خەڵكیدا. سێیەم: ئەوەی زۆر سوێند دەخوات لە كڕین وفرۆشتندا، سوێند دەخوات بە ناوی الله ودەیكات بە هۆكارێك بۆ بەدەستهێنانی پارە وسامان.

• قازی عیاز سەبارەت بە هۆكاری ئەم سزا توندە دەڵێت: هەریەكێكیان ڕاهاتووە لەسەر ئەو تاوانەی باسكراوە ئەگەرچیش لێیەوە دوورە، وپێویستی پێی نییە، وهۆكارەكانی تووشبوون پێی لاوازە؛ ئەگەرچیش پۆزش نییە بۆ هیچ یەكێك لە تاوانكردندا، بەڵام كاتێك تاوانبار پێویستیەتیەكی بێزاركەر وهۆكارێكی باوی نییە، بۆیە نزیكبوونەوەی لەو تاوانانە بە كە سەرسەختی وكەلەڕەقی دەچێت، هەروەها بە كەمدانانی مافی خوای گەورەیە -سبحانه وتعالی-، ومەبەستی سەرپێچیكردنی بوو نەك پێویستیەكی تری هەبێت.
• زينا ودرۆ كردن وخۆبەگەورەزانین لە تاوانە گەورەكانن.
• خۆبەگەورەزانین: بریتیە لە ڕەتدانەوەی هەق وڕاستی، وبە كەمدانانی خەڵكی.
• هۆشداریدان سەبارەت بە زۆر بەکارهێنانى سوێند خواردن لە کڕین وفرۆشتندا، وهاندان بۆ ڕێزگرتن لە سوێندخواردن، وڕێزگرتن لە ناوە جوانەکانى خواى گەورە -سبحانه وتعالى-، پەروەردگار دەفەرموێت: {وَلَا تَجْعَلُوا اللَّهَ عُرْضَةً لِأَيْمَانِكُمْ} [البقرة: 32] واتە: {نەکەن سوێند بە خوا خواردن بکەن بە بەرھەڵستی ئەو شتانەی سوێندتان لەسەری خواردووە}.

1. سه‌ره‌كی
2. فەزڵەکان وئادابەکان
3. دڵ نەرمکارەکان وئامۆژگارییەکان
4. سەرزەنشتکردنی تاوانەکان
5. فەرموودە

• پێغەمبەر -صلى اللە علیە وسلم- پرسیاری لێکرا: چی شتێک بە زۆری دەبێتە هۆی چوونە بەهەشت؟ فەرمووی: تەقوای خواى گەورە وڕەوشت جوانی، وپرسیاری لێکرا چی شتێک بە زۆری دەبێتە هۆی چوونە دۆزەخ؟ فەرمووی: زمان ودامێن...
• خۆتان بپارێزن لە حەوت تاوانە وێرانکەرەکە
• سەرکێشترین وملهوڕترینی خەڵکی لای خواى گەورە -عز وجل- کەسێکە (یەکێکی تر) بکوژێت لە حەرەمی پیرۆزی خواى گەورە، یان یەکێکی تری بکوژێت جگە لە بکوژە ڕاستەقینەکە، یان کەسێک بکوژێت بەهۆی دوژمنایەتی نەفامیەوە...
• هەر نەفسێک بە ستەملێکراوی کوژرا بێت؛ ئەوا بەشێک لە خوێنەکەى لە سەر یەکێک لە کوڕەکانی ئادەمە، چونکە ئەو یەکەم کەس بوو کە تاوانی کوشتنی هێنایە ئاراوە...