ነቢዩ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና ከርሳቸው በፊት ለነበረ ለአንድም ነቢይ ያልተሰጡ አምስት ነገሮች አላህ ለርሳቸው እንደሰጠ ተናገሩ: የመጀመሪያው: በፍርሃት ተረድቼያለሁ። በኔና በነርሱ መካከል የወር መንገድ ቢቀር ራሱ የጠላቶቼን ልብ ፍርሃት ይወራቸዋል። ሁለተኛው: ምድር ለኛ መስጂድ ተደርጋለች። የትም ብንሆን እንሰግዳለን። ውሃ መጠቀም በተሳነን ጊዜ ደሞ አፈሯ መፅጃ ተደርጎልናል። ሶስተኛ: ለኛ የጦርነት ምርኮ ተፈቅዶልናል። ይህም ሙስሊሞች ከከሃዲዎች ጋር በሚያደርጉት ጦርነት የሚማርኩት ንብረት ነው። አራተኛ: ሰዎችን ከትንሳኤ ቀን መቆም ጭንቀት የምገላግልበት ትልቁ ምልጃ ተሰጥቶኛል። አምስተኛ: ወደ ፍጡራን ባጠቃላይ ወደ ሰዉም ወደ ጂኑም ሁሉ ተልኬያለሁ። ይህም ከርሳቸው በፊት ከነበሩት ነቢያት ተቃራኒ መሆኑ ነው። እነርሱ ይላኩ የነበሩት ወደ ህዝባቸው ብቻ ነበርና።

• አንድ ሰው አላህን ለማመስገንና የተዋለለትን ፀጋ ይፋ ለማድረግ ብሎ የአላህን ፀጋዎች መቁጠሩ እንደተደነገገለት እንረዳለን።
• አላህ ዐዘ ወጀል በነዚህ ጉዳዮች በኩል በዚህ ኡመት ላይና በነቢያቸው ላይ የዋለውን ችሮታ እንረዳለን።
• በማንኛውም ሁኔታ ላይ ቢሆንም የሚችለውን ያህል መስፈርቶች፣ ማእዘናቶችና ግዴታዎችንም አሟልቶ ሶላትን በወቅቱ መስገድ ግዴታ መሆኑን እንረዳለን።
• ነቢዩ (የአላህ ሰላትና ሰላም በእርሳቸው ላይ ይስፈንና) ከነቢያቶች መካከል የተለዩበት ምልጃ የተለያዩ አይነት ምልጃዎች ናቸው: የመጀመሪያው: ለፍጡራን በመካከላቸው ፍርድ እንዲፈፀም የሚያማልዱ መሆናቸው፤ ሌላው: የጀነት ሰዎች ጀነት እንዲገቡ የሚያማልዱ መሆናቸው፤ ሌላው: ለአጎታቸው አቡ ጧሊብ ብቻ ከሀዲ ሆኖ ነውና የሞተው ከእሳት እንዲወጣ ሳይሆን እሳቱ እንዲቀልለት ማማለዳቸው ነው።
• እዚህ ሐዲሥ ውስጥ ያልተጠቀሱ ለነቢዩ (የአላህ ሰላትና ሰላም በእርሳቸው ላይ ይስፈንና) ብቻ የተሰጡ ነገሮች በርካታ ናቸው። ከነርሱም መካከል: ጠቅላይ የሆኑ ንግግሮች ተሰጥቷቸዋል፤ የነቢያት መደምደሚያ መሆናቸው፤ የኛ ሰልፍ እንደ መላዕክት ሰልፍ መደረጉና ሌሎችም ነገሮች ተለይቶ ተሰጥቷቸዋል።

1. ዋና ገፅ
2. ዐቂዳ (እምነት)
3. በመልክተኞች ማመን
4. ነቢያችን ሙሐመድ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና
5. ሓዲሥ

• እኔ የበኑ ሰዕድ ቢን በክር ወንድም ዲማም ቢን ሠዕለባህ ነኝ።" አላቸው።
• 'አንተ አለቃችን የሆንክ!' አልን። እርሳቸውም 'የሁሉም አለቃው አላህ ነው።' አሉ። እኛም 'በደረጃ በላጫችን እጅግ ታላቅ የሆንክ!' አልን። እርሳቸውም 'የምትሉትን በሉ ወይም ከምትሉት ከፊሉን በሉ ሰይጣን (ወደ ወሰን ማለፍ እንዳይጎትታቹ) አይጫወትባችሁ' አሉ።...
• ቁርኣን የአላህ መልክተኛ የአላህ ሰላትና ሰላም በእርሳቸው ላይ ይስፈን አርባ ዓመታቸው ላይ ሳሉ ወረደ
• ነፍሴ በእጁ በሆነው ጌታ እምላለሁ። በናንተ ውስጥ የመርየም ልጅ ፍትሃዊ ዳኛ በቅርቡ ሆኖ ይወርዳል። መስቀልን ይሰባብራል፣ አሳማን ይገድላል፣ ግብርን ያነሳል፣ አንድም ሰው እስከማይቀበለው ድረስም ገንዘብ (ሀብት) ይበዛል።...