Саҳобалардан бири Расулуллоҳ соллаллоҳу алайҳи ва салламдан унга фойдаси тегадиган нарсани ўргатиб қўйишларини сўради. Шунда Пайғамбаримиз ғазаб қилмасликка буюрдилар. Бунинг маъноси: Уни ғазаблантирадиган нарсалардан четланиши, ғазабланса ўзини ушлаши ҳамда ғазаби уни бировни ўлдиришга, уришга, сўкишга ёки шу каби нарсага олиб бормаслигидир. Бояги киши қайта-қайта яна васият қилишларини сўради, лекин Расулуллоҳ соллаллоҳу алайҳи ва саллам «Ғазабланма!» - дейишдан нарига ўтмадилар.

• Ғазабдан ва унинг сабабларидан четланишлик. Чунки ғазаб ўз ичига барча ёмонликни олгандир. Ундан четланиш эса, барча яхшиликнинг асосидир.
• Аллоҳ харом қилган нарса қилинаётганда ғазабланиш Аллоҳ учун ғазабланиш бўлиб, у мақталган ғазабдир.
• Эшитувчи бир сўзни муҳим эканини англаб, сақлаб қолиши учун ҳожат тўғилган вақтда қайта-қайта айтишлик.
• Олимдан насиҳат сўрашнинг фазилати.