Tinanong ang Propeta (basbasan siya ni Allāh at pangalagaan) tungkol sa mga pinuno na humihiling ng karapatan nila mula sa mga tao na pagdinig at pagtalima habang nagkakait sila ng karapatan na tungkulin sa kanila gaya ng pagkakaloob ng katarungan, pagbibigay ng samsam ng digmaan, at pagwawasto ng mga kaapihan at pagsasaayos. Kaya ano po ang ipag-uutos mo sa amin na gawin namin sa kanila? Umiwas ang Propeta (basbasan siya ni Allāh at pangalagaan) dito. Para bang siya ay nasusuklam sa mga pagtatanong na ito subalit umulit ang tagapagtanong sa kanya sa ikalawa o ikatlong pagkakataon. Kaya naman hinila ni Al-Ash`ath bin Qays (malugod si Allāh sa kanya) ang tagapagtanong upang patahimikin ito. Sumagot naman ang Propeta (basbasan siya ni Allāh at pangalagaan) at nagsabi: "Makinig kayo sa sabi nila at tumalima kayo sa utos nila sapagkat tanging kailangan sa kanila ang iniatang sa kanila na katarungan at pagbibigay ng karapatan ng nasasakupan at kailangan sa inyo ang ipinapasan sa inyo na pagtalima, pagganap sa mga karapatan, at pagtitiis sa pagsubok."

• Ang pag-uutos ng pagdinig at pagtalima sa mga pinuno sa bawat kalagayan sa anumang nagpapalugod kay Allāh (kamahal-mahalan Siya at kapita-pitagan), kahit pa hindi sila nagsagawa ng karapatan ng nasasakupan.
• Ang pagkukulang ng mga tagapamahala sa tungkulin nila ay hindi nagbibigay-matuwid sa pagkukulang ng mga tao sa pagtumbas sa mga tungkulin nila sapagkat ang bawat isa ay responsable sa gawain niya at pananagutin sa pagkukulang niya.
• Ang Relihiyong Islām ay hindi nakabatay sa pakikipagpalitan at nakabatay lamang sa pagsunod sa anumang kinailangan kahit nagkulang ang iba sa kailangan sa kanya sa pagtutumbas, gaya ng nasaad sa ḥadīth na ito.

1. Ang Pangunahin
2. Ang Pag-aanyaya at ang Pagpapanagot
3. Ang Pulitikang Batay sa Sharī`ah
4. Ang Karapatan ng Pinuno sa Pinamumunuan
5. Ang ḥadīth

• Ang sinumang tumalima sa akin ay tumalima nga kay Allah, at ang sinumang sumuway sa akin ay sumuway nga kay Allah. Ang sinumang tatalima sa pinuno ay tumalima nga sa akin, at ang sinumang susuway sa pinuno ay sumuway nga sa akin.
• Kapag inibig ni Allah sa isang pinuno ang Kabutihan,itatalaga niya sa kanya ang isang ministro na tapat,Kapag siya ay nakalimot,paalalahanan siya at kapag nakaalala siya ay tutulungan siya.At kapag inibig Niya ang bukod dito,itatalaga Niya ...
• Hindi nagpadala si Allah ng Propeta at hindi nagtalaga ng Pinuno mula sa pinuno maliban na sa kanya ay may dalawang Tagapangasiwa,Tagapangasiwa na nag-uutos sa kanya ng kabutihan at naghihikayat dito,at Tagapangasiwa na nag-uutos sa kanya n...
• Ayon kay Muhammad bin Zaid :Na ang mga tao ay nagsabi sa lolo nila na si Abdullah bin Umar-malugod si Allah sa kanilang dalawa-:Kami ay pumapasok sa mga Sultan namin ,sinasabi namin sa kanila ang salungat sa mga pinag-uusapan namin kapag lu...