Nagpabatid ang Propeta (basbasan siya ni Allāh at pangalagaan) sa banal na ḥadīth na si Allāh (kamahal-mahalan Siya at kapita-pitagan) ay nagsabi: Ang sinumang namerhuwisyo sa isang katangkilik kabilang sa mga katangkilik Ko, gumalit siya rito, at namuhi siya rito, magpapaalam nga Ako sa kanya at magpapahayag nga Ako sa kanya ng away. Ang katangkilik ay ang mananampalatayang mapangilag magkasala. Ayon sa sukat ng taglay ng tao na pananampalataya at pangingilag magkasala ang bahagi niya mula sa pagtangkilik ni Allāh. Hindi nagpakalapit-loob ang Muslim sa Panginoon nito sa pamamagitan ng isang bagay na higit na kaibig-ibig sa Kanya kaysa sa isinatungkulin Niya rito at inobliga Niya rito na paggawa ng mga pagtalima at pagwaksi sa mga ipinagbabawal. Hindi tumitigil ang Muslim na nagpapakalapit-loob sa Panginoon nito sa pamamagitan ng mga kusang-loob na pagsamba kasama ng mga tungkuling pagsamba hanggang sa magtamo ito ng pag-ibig ni Allāh. Kapag umibig dito si Allāh, si Allāh ay magiging tagapagtama rito sa apat na bahaging ito ng katawan: Magtatama si Allāh dito sa pandinig nito kaya hindi ito didinig kundi ng nagpapalugod sa Kanya. Magtatama si Allāh dito sa paningin nito kaya hindi ito titingin kundi sa iniibig Niya ang pagtingin doon at kinalulugdan Niya. Magtatama si Allāh dito sa kamay nito kaya hindi ito gagawa sa pamamagitan ng kamay nito kundi ng nagpapalugod sa Kanya. Magtatama si Allāh sa paa nito kaya hindi ito maglalakad kundi tungo sa nagpapalugod sa Kanya at hindi ito magpupunyagi kundi sa anumang naroon ang kabutihan. Sa kabila nito, kung humiling siya kay Allāh ng isang bagay, tunay na si Allāh ay magbibigay sa kanya ng hiniling niya kaya siya ay magiging tinutugon ang panalangin. Talagang kung humiling siya kay Allāh ng pagkupkop at dumulog siya kay Allāh dala ng paghahanap ng pagsasanggalang, tunay na si Allāh (kaluwalhatian sa Kanya) ay magkukupkop sa kanya at magsasanggalang sa kanya laban sa pinangangambahan niya. Pagkatapos nagsabi si Allāh (napakataas Siya): {Hindi Ako nag-atubili sa isang bagay na Ako ay gagawa nito gaya ng pag-aatubili Ko sa pagbawi sa kaluluwa ng mananampalataya bilang awa sa kanya dahil siya ay nasusuklam sa kamatayan dahil sa taglay nito na hapdi.} Si Allāh ay nasusuklam sa nagpapasakit sa mananampalataya.

• Ang ḥadīth na ito ay kabilang sa isinasalaysay ng Propeta (basbasan siya ni Allāh at pangalagaan) tungkol sa Panginoon niya at tinatawag na banal o pandiyos na ḥadīth. Ito ay ang ḥadīth na ang pananalita nito at ang kahulugan nito ay mula kay Allāh, gayon pa man wala rito ang mga kakanyahan ng Qur'ān na ikinabukod ng Qur'ān sa iba gaya ng pagpapakamananamba sa pagbigkas nito, pagsasagawa ng ṭahārah para rito, paghahamon [na gayahin], pagkamahimala, at iba pa rito.
• Ang pagsaway laban sa pamemerhuwisyo sa mga katangkilik ni Allāh, ang pagpapaibig sa pag-ibig sa kanila, at ang pagkilala sa kalamangan nila.
• Ang utos ng pakikipag-away sa mga kaaway ni Allāh at ang pagbabawal sa pakikipagtangkilik sa kanila.
• Ang sinumang nag-angkin ng pagtangkilik ni Allāh nang walang pagsunod sa Batas Niya, ito ay sinungaling sa pag-aangkin nito.
• Natatamo ang pagtangkilik ni Allāh sa pamamagitan ng paggawa sa mga kinakailangan at pagwaksi sa mga ipinagbabawal.
• Kabilang sa mga kadahilanan ng pag-ibig ni Allāh sa tao at pagtugon sa panalangin nito ang paggawa ng mga kusang-loob na pagsamba matapos ng pagsasagawa ng mga kinakailangan at pagwaksi sa mga ipinagbabawal.
• Ang katunayan sa dangal ng mga katangkilik ni Allāh at kaangatan ng katayuan nila.

1. Ang Pangunahin
2. Ang Pinaniniwalaan
3. Ang Pananampalataya kay Allāh – kamahal-mahalan Siya at kapita-pitagan
4. Ang Tawḥīd (Paniniwala sa Kaisahan ni Allāh) sa mga Pangalan at mga Katangian
5. Ang ḥadīth

• Ang luklukan ay lagayan ng dalawang paa at ang trono ay hindi natataya ng isa man ang sukat niyon.
• Tunay na si Allāh (napakataas Siya) ay nagsabi: {Ang sinumang nakipag-away sa isang katangkilik para sa Akin, nagpahayag nga Ako sa kanya ng digmaan. Hindi nagpakalapit-loob sa Akin ang lingkod Ko sa pamamagitan ng isang bagay na higit na k...
• Dapat mong malaman o Aba Mas'ūd na si Allah ay may kakayahan sa iyo (na parusahan ka)dahil sa (ginagawa mong pagpaparusa) sa batang iyan))Nagsabi ako: Hinding-hindi na ako mamamalo ng alipin pagkatapos nito magpakailanman
• Ang pinakakaibig-ibig sa mga bayan kay Allāh ay ang mga masjid ng mga ito at ang pinakakasuklam-suklam sa mga bayan kay Allāh ay ang mga palengke ng mga ito."}