ప్రవక్త సల్లల్లాహు అలైహి వసల్లం ఇలా తెలియజేశారు: 'ఎవరైతే అమాయకులపై తరుచుగా శాపాలు పెడతారో, వారు రెండు శిక్షలకు పాత్రులవుతారు. మొదటి శిక్ష: ప్రళయ దినాన అతడు ప్రవక్తలు, సందేశహరులు తమ తమ జాతులకు దైవసందేశాలను అందజేసారని సాక్ష్యం ఇచ్చే అర్హత కోల్పోతాడు. అంతేగాక, అతడి దుష్టత్వం వలన ఇహలోకంలోనూ అతడి సాక్ష్యం అంగీకరించబడదు. అలాగే అతడికి 'షహాదత్' (అల్లాహ్ మార్గంలో ధర్మయుద్ధం చేస్తూ మరణించే భాగ్యం) లభించదు. రెండవ శిక్ష: ప్రళయ దినాన విశ్వాసులు (ముస్లింలు) నరకానికి అర్హులైన తమ సోదరుల కొరకు మధ్యవర్తన చేసే సమయంలో, ఈ శపించే వ్యక్తి (లాఅిన్) ఎవరికీ మధ్యవర్తన చేయడానికి అనుమతించబడడు.

• శాపాలు పెట్టడం హరామ్ (నిషేధించబడినది). తరచుగా శాపాలు పెట్టడం అనేది నిశ్చయంగా, కబీరా గునాలలో (పెద్ద పాపాలలో) ఒకటిగా పరిగణించబడుతుంది.
• ఈ హదీథులో తెలిపిన విషయం తరచుగా శపించేవారికే వర్తిస్తుంది, ఏదో ఒకసారి లేదా చాలా అరుదుగా శపించేవారి కొరకు కాదు. ఇంకా, ఇస్లామీయ ధర్మశాస్త్రంలో షరియతు అనుమతించిన శాపాలు దీని క్రిందకు రావు. అవి ఏమిటంటే — ప్రత్యేకంగా ఒక వ్యక్తిని శపించడం గురించి కాకుండా, కేవలం చెడు లక్షణాలు ఉన్నవారిని లేదా చెడు పనులు చేసే వారిని సాధారణంగా శపించడాన్ని షరిఅతు అనుమతిస్తుంది. ఉదాహరణకు: "అల్లాహ్ యూదులను, నసారాలను శపించును", "అల్లాహ్ దుర్మార్గులను శపించును", "అల్లాహ్ చిత్రాలు వేసే వారిని శపించును", "అల్లాహ్ లూత్ ప్రజల పని చేసే వారిని (స్వలింగ సంపర్కం చేసే వారిని) శపించును", "అల్లాహ్ కోసం కాకుండా ఇతరుల కోసం బలి ఇచ్చే వారిని అల్లాహ్ శపించును", "అల్లాహ్ పురుషులలో మహిళలలా, మహిళలలో పురుషులలా ప్రవర్తించే, వేషధారణ చేసే వారిని శపించును" మొదలైన వాటికి ఇది వర్తించదు.
• దీని ద్వారా ప్రళయదినం నాడు, మోమినుల (విశ్వాసుల) శిఫారసు (షఫాఅత్) ఉండటం ఇస్లామీయ విశ్వాసంలో స్పష్టంగా ధృవీకరించబడింది.

1. హోమ్
2. సద్గుణాలు మరియు పద్దతులు
3. గుణాలను అర్ధం చేసుకోవటం
4. దుర్గుణాలు
5. హదీస్

• “అతనిని శపించకండి, అల్లాహ్ సాక్షిగా! నాకు తెలిసినంత వరకు, నిశ్చయంగా అతను అల్లాహ్'ను మరియు ఆయన సందేశహరుడిని ప్రేమిస్తాడు”...
• “దౌర్జన్యము, అణచివేతలకు పాల్బడుట పట్ల జాగ్రత్తగా ఉండండి; ఎందుకంటే నిశ్చయంగా దౌర్జన్యము, అణచివేతలు ప్రళయదినమునాడు పొరలు కలిగిన అంధకారమై నిలుస్తుంది; పిసినారితనం పట్ల జాగ్రత్తగా ఉండంది, నిశ్చయంగా పిసినారితనం మీకు పూర్వం గతించిన వారిని నాశనం చ...
• “పెద్ద పాపములలోకెల్లా అతి పెద్ద పాపములు ఏమిటో మీకు తెలుపనా?
• వీటిలో ఉన్నవారు శిక్షించబడుచున్నారు; కానీ పెద్ద పాపము చేసినందుకు కాదు. వారిలో ఒకడు మూత్రము (తనపై చిందుట) నుండి తనను తాను రక్షించుకునేవాడు కాడు, రెండవ వాడు జనుల పట్ల అపవాదులు ప్రచారం చేస్తూ ఉండేవాడు...