নবী চাল্লাল্লাহু আলাইহি অছাল্লামে হাদীছটোত জনাইছে যে, যিয়ে এনেকুৱা লোকক বেছি অভিশাপ কৰে যিজন অভিশাপৰ যোগ্য নহয়, তেনেকুৱা লোক হৈছে দুটা শাস্তিৰ উপযুক্ত। প্ৰথমঃ ৰাছুলসকলে নিজৰ নিজৰ উম্মতক পৌঁচাই দিয়া ৰিছালতৰ সপক্ষে কিয়ামতৰ দিনা যি সাক্ষ্য গ্ৰহণ কৰা হ'ব সেইদিনা এনেকুৱা লোকে সাক্ষ্য দিব নোৱাৰিব, আনকি পৃথিৱীতো এনেকুৱা লোকৰ সাক্ষ্য গ্ৰহণ কৰিব নালাগে। কাৰণ এনেকুৱা লোক পাপকৰ্মত লিপ্ত। লগতে আল্লাহৰ পথত শ্বহীদৰ মৰ্যাদাও লাভ নকৰিব। দ্বিতীয়ঃ কিয়ামতৰ দিনা মুমিনসকলে যেতিয়া জাহান্নামী হোৱা লোকৰ হৈ শ্বাফাআত কৰিব, তেতিয়া এই লোকসকলক সেই শ্বাফাআত কৰাৰ অধিকাৰো দিয়া নহ'ব।

• অভিশাপ কৰা হাৰাম, আনকি অত্যাধিক অভিশাপ কৰাটো হৈছে কাবীৰাহ গুনাহ বা মহাপাপ।
• হাদীছটোত যি শাস্তিৰ কথা কোৱা হৈছে, সেইটো হৈছে সেই ব্যক্তিৰ ক্ষেত্ৰত যিয়ে অধিক অভিশাপ কৰে, কেৱল এবাৰ দুবাৰ কৰা ব্যক্তি ইয়াৰ অন্তৰ্ভুক্ত নহয়। লগতে বৈধ অভিশাপ এই বিধানৰ অন্তৰ্গত নহয়। উদাহৰণস্বৰূপে চৰীয়তে যিসকল বেয়া চৰিত্ৰৰ অধিকাৰী লোকক অভিশাপ কৰিছে কোনো ব্যক্তিক নিৰ্দিষ্ট নকৰাকৈ, যেনে কোৱা হৈছেঃ "ইয়াহুদী আৰু খ্ৰীষ্টানসকলৰ প্ৰতি আল্লাহৰ অভিসম্পাত হওক।" "অন্যায়কাৰীসকলৰ প্ৰতি আল্লাহৰ অভিসম্পাত।" "ছবি অংকনকাৰীসকলৰ প্ৰতি আল্লাহৰ অভিসম্পাত।" "লুত সম্প্ৰদায়ৰ দৰে ঘৃণনীয় কৰ্মত লিপ্ত লোকৰ প্ৰতি আল্লাহৰ অভিসম্পাত।" "আল্লাহৰ বাহিৰে আনৰ নামত জবেহ কৰা লোকৰ প্ৰতি আল্লাহৰ অভিসম্পাত।" "পুৰুষসকলৰ পোছাক পৰিধান কৰা নাৰীৰ ওপৰত আৰু নাৰীসকলৰ পোছাক পৰিধান কৰা পুৰুষসকলৰ ওপৰত আল্লাহৰ অভিসম্পাত হওক।"
• এই কথাৰ প্ৰমান পোৱা গ'ল যে, কিয়ামতৰ দিনা মুমিনসকলেও শ্বাফাআত কৰাৰ সুযোগ লাভ কৰিব।

1. মুখ্য পৃষ্ঠা
2. ফজিলত আৰু শিষ্টাচাৰসমূহ
3. আখলাক সম্পৰ্কীয় ফিক্হ
4. নিকৃষ্ট আচাৰ-ব্যৱহাৰ
5. হাদীছ

• যি ইল্মৰ দ্বাৰা আল্লাহৰ সন্তুষ্টি অৰ্জন কৰিব পাৰি, তেনেকুৱা ইল্ম যিয়ে দুনিয়াৱী স্বাৰ্থ অৰ্জন কৰাৰ বাবে শিকে, সেই ব্যক্তিয়ে কিয়ামতৰ দিনা জান্নাতৰ সুগন্ধিও নাপাব।...
• তোমালোকে জানানে অভাৱী কোন?
• তুমি এনেকুৱা এষাৰ কথা কৈছা, যিটোক সাগৰৰ পানীত মিহলালে সাগৰৰ পানীৰ সোৱাদ পৰিবৰ্তন হৈ যাব।
• যিয়ে মোৰ নামেৰে হাদীছ বৰ্ণনা কৰে, অথচ সি জানে যে, সেইটো মিছা, তেন্তে সিও হৈছে এজন মিছলীয়া।