හිරු උදාවන උතුම්ම දිනය ජුමුආ දිනය බව නබි (සල්ලල්ලාහු අලයිහි වසල්ලම්) තුමාණෝ දැනුම් දුන්හ. එදින ‌සුවිශේෂී කරුණු නම්: සැබැවින්ම අල්ලාහ් එදින ආදම් (අලයිහිස් සලාම්) තුමාව මැව්වේය. ඔහුව එදින ස්වර්ගයට ඇතුළත් කළේය. එමෙන්ම එදින ඉන් බැහර කර මහපොළොවට යැව්වේය. ජුමුආ දිනයේ හැර අවසන්‌ හෝරාව වෙනත් දිනක සිදු වන්නේ නැත.

• සතියේ සෙසු දිනවලට වඩා ජුමුආ දිනයට හිමි මහිමය.
• ජුමුආ දිනය පිළිබඳ හා එදින දැහැමි ක්‍රියාවන් අධිකව ඉටු කිරීම පිළිබඳ උනන්දු කරවීම. අල්ලාහ්ගේ ආශිර්වාදය ලබන්නටත් ඔහුගේ දඬුවමින් වැළකී සිටීමටත් කැමැත්ත ඇති කිරීම.
• හදීසයේ සඳහන් වී ඇති ජුමුආ දිනය සඳහා වන මෙම සුවිශේෂී අවස්ථාවන්, ඒවා ජුමුආ දිනයේ මහිමය මෙනෙහි කිරීමක් ලෙස සඳහන් වී නැති බව ප්‍රකාශ වී ඇත. හේතුව ආදම් තුමාව පිටුවහල් කිරීම හා අවසන් හෝරාව සිදුවීම මහිමයන් ලෙස නොසැළකෙන බැවිනි. එමෙන්ම ඒ සියල්ල මහිමයන් වේ යැයි ද ප්‍රකාශ වී ඇත. ආදම්ව බැහැර කිරීම ධර්ම දූතවරුන්, නබිවරුන් හා දැහැමියන්ගේ පරපුරු බිහිවීමට හේතුවක් වූ බවත් අවසන් හෝරාව සිදුවීම දැහැමියන්ගේ කුසල් ඉක්මන් කර පිරිනැමීමට හා අල්ලාහ් ඔවුන් වෙත සූදානම් කර ඇති ගෞරවයන් ඔවුන් ලැබීමට ‌හේතුවක් වන බවත් ප්‍රකාශ වී ඇත.
• මෙම වාර්තාවේ සඳහන් නොකරන ලද වෙනත් සුවිශේෂි අවස්ථාවන් ද ජුමුආ දිනය සඳහා ප්‍රකාශ වී ඇත. ඒ අතරින් ආදම් අලයිහිස් සලාම් තුමාගේ පශ්චාත්තාපය පිළිගෙන සමාව දීම ද එකකි. එමෙන්ම එහි හෝරාවක් ඇත. එම හෝරාවට අනුගතව දේවත්වය විශ්වාස කළ ගැත්තෙකු සලාත් ඉටු කරමින් අල්ලාහ්ගෙන් යමක් ඉල්ලා සිටියේ නම්, අල්ලාහ් ඔහුට එය පිරිනමනු ඇත.
• වසරේ උතුම්ම දිනය අරෆා දිනයයි. එය නහ්ර් දිනය (හජ් මස දස වැනි උත්සව දිනය) යනුවෙන් ද ප්‍රකාශ වී ඇත. සතියේ උතුම්ම දිනය ජුමුආ දිනයයි. රාත්‍රියේ උතුම්ම රාත්‍රිය කද්ර් රාත්‍රියයි.

1. මුල් පිටුව
2. ප්රතිපත්තිය
3. දහම් දූතයින් පිළිබඳ විශ්වාසය
4. පෙර සිටි වක්තෘවරු හා දහම් දූතවරු (ඔවුනට අල්ලාහ්ගේ ශාන්තිය අත් වේවා)
5. නබි වදන

• “මා නුඹලාට අතහැර දැමූ දෑ ගැන නුඹලා (මගෙන් විමසීමෙන්) මා අත්හැර දමනු. නුඹලාට පෙර විසූවන් විනාශ වූයේ ඔවුන් අධික ලෙස ප්‍රශ්න විමසා සිටි හෙයින් හා නබිවරුන් පිළිබඳ ඔවුන් මතභේද ඇති කරගත් හෙයිනි...
• අහෝ අල්ලාහ් මාගේ ජනයාට සමාව දෙනු මැනව. හේතුව සැබැවින්ම ඔවුහු නොදනිති.
• මම ඔබට කවර දෙයක් තහනම් කළේ ද ඉන් ඔබ වැළකී සිටිනු. මම ඔබට කවර දෙයක් නියම කළේ ද ඉන් ඔබට හැකි පමණින් ඉටු කරනු...
• මාගේ ආත්මය කවුරුන් සන්තකයේ ඇත්තේ ද ඔහු මත දිවුරා පවසමි. මරිය තුමියගේ පුත් (ජේසුස්) නුදුරේදීම ඔබ අතර සාධාරණ පාලකයෙකු ලෙස පහළ වනු ඇත. කුරුසය කඩා, ඌරන් මරා, ජිසියා (මුස්ලිම් නොවන අයගෙන් ලබාගත් බද්ද) අහෝසි කරනු ඇත. එවිට මුදල් බහුල වන අතර කිසිවක...