رسول الله صلی الله علیه وسلم به چې کله غوښتل له جنابت څخه غسل وکړي نو د لاسونو پر وینځلو به یې پیل وکړ. بیا به یې داسې اودس وکړ لکه څنګه چې د لمانځه لپاره کېږي، بیا به یې وېښتان په لاسونو سره خلال کړل، تر دې چې ډاډمن به شو چې د وېښتانو بېخونه لانده شول او مخ ووینځل شو، بیا به یې په سر درې ځلې اوبه واړولې او د بدن پاتې برخه به یې ومینځله. او عایشې رضي الله عنها فرمایلي چې: ما او رسول الله صلی الله علیه وسلم به له یو لوښي څخه لامبل، دواړو به ترې لپې راډکولې.

• غسل په دوه ډوله دی: هغه چې غاړه پرې خلاصیږي او بشپړ غسل، کوم چې غاړه خلاصوونکی غسل دی نو هغه داسې دی چې انسان د طهارت نیت وکړي بیا د خولې او پوزې وینځلو په شمول په ټول بدن اوبه واړوي. او بشپړ غسل هغه دی چې د رسول الله صلی الله علیه وسلم د غسل په څېر غسل وکړي لکه څرنګه چې پدې حدیث کې بیان شوی دی.
• د جنابت اطلاق په هغه چا کېږي چې مني ترې ووځي، یا دا چې کوروالی وکړي که څه هم مني ترې لاړ نه شي.
• د ښځې او خاوند لپاره د یو بل شرمګاه ته کتل او له یو لوښي څخه غسل کول روا دي.

1. کور‌پاڼه
2. فقه او اصول یې
3. د عبادتونو فقه
4. پاکوالی (پاکوالی)
5. غسل
6. حدیث

• په تاسو کې چې په چا جمعه راغله نو غسل دې وکړي
• سُبْحَانَ الله، مؤمن نه ناپاکه کېږي
• له جنابت څخه د غسل طریقه
• دا په هر مسلمان حق دی چې په هرو اوو ورځو کې یو ځل غسل وکړي، چې په هغه کې خپل سر او خپل ځان ووینځي