नबी (सल्लल्लाहु अलैहि वसल्लम) ले जनाबत (सम्भोगको कारणले हुने अशुद्धि) को स्नान गर्दा पहिले आफ्ना दुवै हात धुनुहुन्थ्यो । त्यसपछि उहाँले नमाजको लागि वुजू गरे झैं वुजू गर्नुहुन्थ्यो । त्यसपछि आफ्नो शरीरमा पानी हाल्नुहुन्थ्यो। त्यसपछि आफ्नो दुवै हातले आफ्नो कपाललाई राम्ररी मलेर भित्रसम्म पानी पुर्याउनु हुन्थ्यो । कपालको जरासम्म पानी पुगेको र टाउको भिजेको महसुस हुँदा आफ्नो टाउकोमा तीन पटक पानी हालेर शरीरको बाँकी भाग धुनुहुन्थ्यो । उहाँका श्रीमती आइशा (रजियल्लाहु अन्हा) ले भन्छिन्: म र अल्लाहका रसूल (सल्लल्लाहु अलैहि वसल्लम) एउटै भाँडोबाट पानी लिन्थ्यौं र सँगै नुहाउने गर्दथ्यौं ।

• स्नान दुई प्रकारको हुन्छ: एक, पर्याप्त हुने र अर्को, पूर्ण। पर्याप्त स्नानमा व्यक्तिले पवित्रताको नीयत गर्दछ, अनि मुख कुल्ला गर्ने र नाकमा पानी हालेर सफा गर्न साथ शरीरभरि पानी पुर्याउँछ। तर, पूर्ण स्नान त्यो तरिकाले गरिन्छ, जुन तरिकाले यस हदीसमा रसुल (सल्लल्लाहु अलैहि व सल्लम) ले गर्नुभयो।
• जनाबत (अशुद्धता) भनिने अवस्था हरेक ती व्यक्तिमा लागू हुन्छ, जसको वीर्य निस्केको छ वा जसले सम्भोग कार्य गरेको छ, सम्भोग गर्दा वीर्य ननिस्के पनि जनाबतको अवस्थामा भएको मानिन्छ ।
• पति पत्नीले एकअर्काको गोप्य अंगहरू हेर्नु र एउटै भाँडोमा नुहाउनु जायज छ ।

1. home
2. फिकह र उसूले फिकह
3. इबादत (उपासना) को न्यायशास्त्र
4. तहारह (पवित्रता)
5. स्नान
6. hadith

• जनाबत (सम्भोग वा वीर्य निस्केपछि गरिने) स्नानको विधि
• तिमीहरूमध्ये जो कोही शुक्रबारको नमाज पढ्न आउँछ उसले स्नान गर्नुपर्छ।
• प्रत्येक मुस्लिमले हरेक सात दिनमा एक पटक नुहाउनु अनिवार्य हो, जसमा उसले आफ्नो टाउको र शरीर धुन्छ ।...