Rehefa te-handro amin'ny fahalotoana lehibe ny Mpaminany (S.A.W) dia niatomboka tamin'ny fanasana tanany roa. Avy eo dia manao ozò izy toy ny ozò fatao amin'ny soalat, avy eo manondraka rano amin'ny vatany, avy eo manavasava ny volon-dohany mandra-pahazoany antoka fa tonga any amin'ny fakan'ny volo ny rano ary lena ny hodi-dohany, avy eo nandraraka rano tamin’ny lohany in-telo ary nanasa ny sisa tamin'ny vatany. Ary niteny i Aicha (R.A) : Izaho sy ny Irak'Allah (S.A.W) mandro ao anaty koveta iray ary samy manovo rano ao aminy.

• Misy karazany roa ny fandroana : ny fandroana mety sy fandroana feno. Raha ny amin'ny fandrona mety dia mikasa ny hanadio tena ny olona iray, avy eo manasa ny vatany manontolo amin'ny rano miaraka amin'ny fanasana ny vavany sy ny orony. Raha ny fandrona feno kosa dia mandro izy tahaka ny nataon'ny Mpaminany (S.A.W) nandro toy ny amin'ity hadith ity.
• Ny loto lehibe (Janàba) dia ilazana izay rehetra namoaka tsirinaina, na nanao firaisana, na dia tsy nisy zavatra nivoaka aza.
• Azo ataon'ny mpivady ny mifampijery henatra, sy ny mandro miaraka amin'ny koveta iray.