တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် ဂျန္နတ်သုခဘုံသားများ၏ ကြန်အင်လက္ခဏာအချို့နှင့် ဂျဟန္နမ်ငရဲသားများ၏ ကြန်အင်လက္ခဏာအချို့ကို အသိပေးမိန့်ကြား‌တော်မူခဲ့သည်။ ဂျန္နတ်သုခဘုံသားအများစုသည် အားအင်ချိနဲ့သူ၊ အလွန့်အလွန် နှိမ့်ချသူများ ဖြစ်သည်။ တစ်နည်း အလ္လာဟ်အရှင်မြတ်ရှေ့‌တော်၌ နှိမ့်ချရိုကျိုးသူ၊ ကိုယ့်ကိုယ်ကို ချိုးနှိမ်သူများ ဖြစ်ကြသည်။ ထို့‌ကြောင့် အချို့လူများက သူတို့ကို အားနည်းသူများဟု မှတ်ယူပြီး အထင်မြင်သေးတတ်ကျသည်။ သို့ရာတွင် အလ္လာဟ်အရှင်မြတ်၏ ရှေ့‌တော်၌ သူတို့၏ ဂုဏ်သိက္ခာသည် အလွန်ကြီးမြင့်‌လေသည်။ ဤကဲ့သို့ အလ္လာဟ်အရှင်မြတ်အတွက် မိမိကိုယ်မိမိနှိမ့်ချကျိုးနွံသူသည် အကယ်၍ အလ္လာဟ်အရှင်မြတ်၏ ကျေးဇူး‌တော်နှင့် ချီးမြှင့်ရက်ရောမှုကို မျှော်လင့်လျက် အလ္လာဟ်အရှင်မြတ်အား တိုင်တည်ကျိန်ဆိုပါက အလ္လာဟ်အရှင်မြတ်သည် သူ၏ကျိန်ဆိုမှုကို ဖြည့်ဆည်းပေးတော်မူမည်။ ထို့ပြင် သူ၏ကျိန်ဆိုမှုကို မှန်ကန်စေပြီး သူ၏ တောင်းဆိုချက်နှင့် ဒုအာကို လက်ခံဖြေကြားပေးတော်မူမည်။ ဂျဟန္နမ်ငရဲသားအများစုသည် "အုသုလ်" ခေါ် ကြမ်းတမ်းခက်ထန်သူ၊ အလွန်အငြင်းပွားသူ သို့မဟုတ် မ‌ကောင်းမှုကို ကျူးလွန်ရန် အလွန်ဆန္ဒပြင်းထန်သူများ ဖြစ်ကြသည်။ " ဂျောင်ဝ်ဝါးဇ်" ခေါ် မာနထောင် လွှားသူ၊ အစား ကြူးသူ၊ ကိုယ် ခန္ဓာ ကြီးမားထွားကြိုင်းသူ၊ လမ်းလျှောက်ပုံတွင် မော်ကြွားသူများ ဖြစ်ကြသည်။ "မုသကတ်ဗိရ်" ခေါ် မာနထောင်လွှားသူ၊ အမှန်တရားကို ပယ်ချသူ၊ အခြားသူများကို အထင်အမြင်သေးသူများ ဖြစ်ကြသည်။

• ဂျန္နသ်သုခဘုံသားတို့၏ ကြန်အင်လက္ခဏာများကို ပိုင်ဆိုင်ရန် တိုက်တွန်းခြင်းနှင့် ဂျဟန္နမ်ငရဲသားတို့၏ ကြန်အင်လက္ခဏာများမှ သတိပေးခြင်း။
• နှိမ့်ချရိုကျိုးခြင်း (تواضع) သည် နှစ်မျိုးရှိသည်။ ၁။ အလ္လာဟ်အရှင်မြတ်အား နှိမ့်ချရိုကျိုးခြင်း - ၎င်းသည် အရှင်မြတ်၏ အမိန့်တော်များနှင့် တားမြစ်ချက်များကို နာခံလိုက်နာခြင်းဖြင့် ဖြစ်သည်။ ၂။ အဖန်ဆင်းခံတို့အား နှိမ့်ချရိုကျိုးခြင်း - ၎င်းမှာ လူသားသည် အခြားသူများအပေါ် မာန်မာန‌ ထောင်လွှားခြင်းမပြုဘဲ နှိမ့်ချစွာဆက်ဆံခြင်းဖြင့် ဖြစ်သည်။
• အစ်ဗ်နုဟဂျရ်ကဆိုသည်မှာ "ဂျန္နတ်သုခဘုံသားအများစုသည် ဤပထမအမျိုးအစား (အရှင်မြတ်နှင့် လူသားအချင်းချင်းတွင် ရိုကျိုးသူများ) ဖြစ်ကြသည်။ အလားတူ ဂျဟန္နမ်ငရဲသားအများစုသည်ဒုတိယအမျိုးအစား (မာန်မာနထောင်လွှားသူများ) ဖြစ်ကြသည်။ (ဤသို့ပြောရာတွင်) ရည်ရွယ်ချက်မှာ နှစ်ဖက်စလုံးတွင် ဤသူများသာလျှင် ရှိသည်ဟု ဆိုလိုခြင်းမဟုတ်၊ များသောအားဖြင့် ဤသူများဖြစ်ကြသည်ဟု ဆိုလိုခြင်းသာ ဖြစ်သည်။"

1. ပင်မစာမျက်နှာ
2. အကီဒဟ် ယုံကြည်ချက်။
3. နောက်ဆုံးနေ့အပေါ် အီမာန်သက်ဝင်ယုံကြည်ခြင်း။
4. နောင်တမလွန်ဘဝသက်တမ်း။
5. ဟဒီးဆ်

• ထိုအခါ အရှင်မြတ်က ၎င်းအား အသင်ဆန္ဒပြုသမျှအရာအားလုံးနှင့် ယင်း၏ဥပမာတူညီသောအရာကို ထပ်ဆောင်းအားဖြင့် သင့်အဖို့ ဖြစ်သည်’ဟု မိန့်တော်မူလိမ့်မည်။”...
• ဧကန်မုချ အသင်တို့သည် ဤလပြည့်ဝန်းကို တွေ့မြင်ကြရသကဲ့သို့ အသင်တို့၏အရှင်မြတ်အား ဖူးမြင်ကြရမည်ဖြစ်သည်။ ထိုအရှင်မြတ်ကို ဖူးမြင်ရာတွင် အသင်တို့သည် တိုးဝှေ့ကြရမည် မဟုတ်ပေ။...
• “ဧကန်အမှန်၊ ဂျန္နသ်ကို ပထမဦးဆုံးဝင်ရောက်မည့် အုပ်စု၏ ပုံပန်းသဏ္ဌာန်သည် လပြည့်ည၏ လမင်းသဖွယ်ကဲ့သို့ ဝင်းပနေလိမ့်မည်။ ထို့နောက် သူတို့နောက်မှလိုက်ဝင်ရောက်ရမည့်သူများသည် ကောင်းကင်ယံရှိ အတောက်ပဆုံးကြယ်ကဲ့သို့ ဖြစ်ကြလိမ့်မည်...
• ကိယာမသ်နေ့၌ လူသားတို့ကြားတွင် ပထမဦးဆုံး တရားစီရင်ဆုံးဖြစ်မည့်ကိစ္စမှာ လူသတ်မှုဖြစ်သည်။...