တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် နောင်တမလွန်ဘဝ၏ဂျန္နသ်သုခဘုံတွင် အဆင့်ပေါင်း တစ်ရာရှိကြောင်း၊ အဆင့်တစ်ခုနှင့်တစ်ခုကြား အကွာအဝေးသည် မိုးနှင့်မြေကြား အကွာအဝေးကဲ့သို့ဖြစ်ကြောင်း မိန့်ကြားတော်မူခဲ့သည်။ ထိုဂျန္နသ်သုခဘုံ(၏အဆင့်)အားလုံးတို့တွင် အမြင့်ဆုံးအဆင့်မှာ ဂျန္နသ်သုလ် "ဖိရ်ဒေါင်စ်" ဖြစ်သည်။ ထိုအဆင့်မှပင် ဂျန္နသ်သုခဘုံ၏စမ်း ချောင်းလေးခုမှာစီးဆင်းသည်။ ၎င်း(ဖိရ်ဒေါင်စ်)၏အပေါ်တွင် အရ်ရှ်ပလ္လင်တော် တည်ရှိသည်။ ထို့ကြောင့် သင်တို့သည် အလ္လာဟ်အရှင်မြတ်ထံတောင်းခံသောအခါ ဖိရ်ဒေါင်စ်ကို တောင်းခံကြလော့။ အဘယ်ကြောင့်ဆိုသော် ၎င်းသည် အခြားသော ဂျန္နသ်သုခဘုံ(၏အဆင့်)အားလုံး၏ အထက် တွင် ရှိသောကြောင့်ဖြစ်သည်။

• ၁။ ဂျန္နသ်သုခဘုံသားများ၏ အဆင့်အတန်းများသည် ၎င်းတို့၏ အီမာန်ယုံကြည်ခြင်းနှင့် ကောင်းမှုကုသိုလ်များအပေါ် မူတည်၍ ကွာခြားသည်။
• ၂။ အလ္လာဟ်အရှင်မြတ်ထံ ဂျန္နသ်သုခဘုံ၏အမြင့်ဆုံးအဆင့်ဖြစ်သည့် ဖိရ်ဒေါင်စ်ကို တောင်းခံရန် တိုက်တွန်းထားခြင်း။
• ၃။ ဖိရ်ဒေါင်စ်သည် ဂျန္နသ်သုခဘုံ၏အမြင့်ဆုံးအဆင့်နှင့် အမွန်မြတ်ဆုံး ဖြစ်သည်။
• ၄။ မွတ်စ်လင်မ်တစ်ဦးသည် မြင့်မားသော ရည်မှန်းချက်ရှိရမည်။ အလ္လာဟ်အရှင်မြတ်ထံတွင် အမြင့်ဆုံးနှင့် အမွန်မြတ်ဆုံးသော အဆင့်အတန်းကို ရှာဖွေတောင်းခံသင့်သည်။
• ၅။ ဂျန္နသ်သုခဘုံ စမ်းချောင်းလေးခုမှာ စမ်းရေ၊ နို့၊ အရက်နှင့် ပျားရည်တို့၏ စမ်းချောင်းများ ဖြစ်ကြသည်။ ယင်းတို့ကို ကုရ်အာန်ကျမ်းမြတ် (စူရဟ် မုဟမ္မဒ်၊ အာယသ် ၁၅) တွင် အောက်ပါအတိုင်း ဖော်ပြထားသည်- (မွသ်သကီ ကြောက်ရွံ့အပြစ်ရှောင် ကောင်းကျိုး ဆောင်သူများအား ကတိပေးခြင်း ခံကြရသော ဂျန္နသ် သုခဘုံ၏ အခြေအနေမှာ (ဤသို့ ဖြစ်သည်)။ ထိုအထဲတွင် အနံ့အရသာ မပျက်သော စမ်းရေချောင်းများ၊ အရသာ ပြောင်းလဲမသွားသော နို့ရည်ချောင်းများ၊ သောက်သုံးသူများ အတွက် အနံ့အရသာ ကောင်းသော အရက်ချောင်းများနှင့် သန့်ပြန့် စင်ကြယ်သော ပျားရည်ချောင်းများ ရှိမည်။ ထို့ပြင် သူတို့အတွက် ထိုအထဲတွင် သစ်သီးဝလံ မျိုးစုံလည်း ရှိမည်။ ထို့ပြင် သူတို့အား ဖန်ဆင်း မွေးမြူတော်မူသော အရှင်မြတ် ထံတော်မှ လွတ်ငြိမ်း ချမ်းသာခွင့်လည်း ရှိမည်။ (ထိုသူများသည်) အကြင်သူများ ကဲ့သို့ (ဖြစ်နိုင်ကြပါမည်လော)။ ထိုသူများသည် မီးထဲတွင် အမြဲ နေကြရမည့်သူများပင် ဖြစ်ကြသည်။ ထို့ပြင် သူတို့သည် ပွက်ပွက်ဆူနေသော ရေနွေးကို တိုက်ကျွေးခြင်း ခံကြရမည် ဖြစ်သည့် အတွက် ၎င်း(ရေနွေး)သည် သူတို့၏အူများကို အပိုင်းပိုင်း ပြတ်တောက်စေလိမ့်မည်။)

1. ပင်မစာမျက်နှာ
2. အကီဒဟ် ယုံကြည်ချက်။
3. နောက်ဆုံးနေ့အပေါ် အီမာန်သက်ဝင်ယုံကြည်ခြင်း။
4. နောင်တမလွန်ဘဝသက်တမ်း။
5. ဟဒီးဆ်

• ဧကန်အမှန်အသင်တို့အနက် တစ်ဦးတစ်ယောက်သည်မိခင်၏ ဝမ်းဗိုက်ထဲ၌ ပေါင်းစည်းခံရပြီးနောက် စတင်သန္ဓေတည်သည့်အခါတွင်‘နုသ်ဖဟ်’ကာလရည်ကြည်အဖြစ်ရက် ပေါင်း(၄၀)ကြာမြင့်သည်။...
• သေခြင်းတရားသည် အနက်ရောင်အမွေးအနည်းငယ်ပါရှိသော သိုးဖြူတစ်ကောင်၏အသွင်သဏ္ဍာန်ဖြင့်ယူဆောင်လာခြင်းခံရမည်။...
• သင်တို့သည် မုအဇ္ဇင်န်၏အဇာန်သံကိုကြားသည့်အခါ ၎င်းဆိုသည့်အတိုင်း လိုက်ဆိုကြပါ။ ထို့နောက် ငါကိုယ်တော်အပေါ်သို့ ဆွလာသ်ပို့သကြပါ။...
• လူတစ်ဦးသည် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)အား ကိယာမသ်နေ့နှင့်ပတ်သက်၍ လျှောက်ထားမေးမြန်းခဲ့သည်။ သူက "ကိယာမသ်နေ့သည် မည်သည့်အချိန်တွင် ဆိုက်ရောက်လာမည်နည်း"ဟု လျှောက်ထားမေးမြန်းခဲ့သည်။ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) က "သင်သ...