പരലോകത്തുള്ള സ്വർഗത്തിൽ നൂറ് പദവികളും സ്ഥാനങ്ങളും ഉണ്ടായിരിക്കും എന്ന് നബി ﷺ അറിയിക്കുന്നു. ഓരോ പദവികൾക്കും ഇടയിലുള്ള അകലം ആകാശത്തിനും ഭൂമിക്കും ഇടയിലുള്ള അകലം പോലെയായിരിക്കും. സ്വർഗത്തിലെ ഏറ്റവും ഉന്നതമായ സ്ഥാനം ഫിർദൗസ് എന്ന സ്ഥാനമാണ് .അവിടെ നിന്നാണ് സ്വർഗത്തിലെ നാല് നദികളും പൊട്ടിയൊഴുകുന്നത്. ഫിർദൗസിൻ്റെയും മുകളിലാണ് അല്ലാഹുവിൻ്റെ സിംഹാസനമായ അർശുള്ളത്. അല്ലാഹുവിനോട് സ്വർഗം ചോദിക്കുമ്പോൾ സ്വർഗത്തിൻ്റെ ഏറ്റവും മുകളിലുള്ള സ്ഥാനമായ ഫിർദൗസ് ചോദിക്കുക എന്ന് നബി ﷺ ഓർമ്മപ്പെടുത്തുന്നു.

• സ്വർഗക്കാരുടെ സ്ഥാനങ്ങൾക്കിടയിൽ ഏറ്റക്കുറച്ചിലുകളുണ്ടാകും. ഓരോരുത്തരുടെയും വിശ്വാസത്തിൻ്റെയും സൽകർമ്മങ്ങളുടെയും ഏറ്റക്കുറച്ചിലുകൾക്ക് അനുസരിച്ചായിരിക്കും അത്.
• അല്ലാഹുവിനോട് സ്വർഗത്തിൻ്റെ ഏറ്റവും ഉന്നതപദവിയായ ഫിർദൗസ് ചോദിക്കാനുള്ള പ്രേരണയും പ്രോത്സാഹനവും.
• സ്വർഗത്തിൻ്റെ ഏറ്റവും ഉന്നതവും ഏറ്റവും ശ്രേഷ്ഠവുമായ സ്ഥാനം ഫിർദൗസ് ആകുന്നു.
• ഒരു മുസ്‌ലിമിൻ്റെ ആഗ്രഹവും ലക്ഷ്യവും ഏറ്റവും ഉന്നതമായിരിക്കണം. അല്ലാഹുവിങ്കൽ ഏറ്റവും ശ്രേഷ്ഠവും ഏറ്റവും ഉന്നതവുമായ പദവി നേടിപ്പിടിക്കാനുള്ള പരിശ്രമവും പ്രാർത്ഥനയും അവൻ്റെ പക്കൽ നിന്നുണ്ടായിരിക്കണം.
• സ്വർഗത്തിലെ നദികൾ നാലെണ്ണമാണ്; വെള്ളത്തിൻ്റെയും പാലിൻ്റെയും മദ്യത്തിൻ്റെയും തേനിൻ്റെയും നദികളാണവ. വിശുദ്ധ ഖുർആനിൽ അല്ലാഹു പറയുന്നു: "സൂക്ഷ്മതയുള്ളവര്‍ക്ക് വാഗ്ദാനം ചെയ്യപ്പെട്ടിട്ടുള്ള സ്വര്‍ഗത്തിന്‍റെ അവസ്ഥ എങ്ങനെയെന്നാല്‍ അതില്‍ പകര്‍ച്ച വരാത്ത വെള്ളത്തിന്‍റെ അരുവികളുണ്ട്‌. രുചിഭേദം വരാത്ത പാലിന്‍റെ അരുവികളും, കുടിക്കുന്നവര്‍ക്ക് ആസ്വാദ്യമായ മദ്യത്തിന്‍റെ അരുവികളും, ശുദ്ധീകരിക്കപ്പെട്ട തേനിന്‍റെ അരുവികളുമുണ്ട്‌." (മുഹമ്മദ്: 15)

1. മെയിൻ പേജ്
2. വിശ്വാസം
3. അന്ത്യ ദിനത്തിലുള്ള വിശ്വാസം
4. മരണാനന്തര ജീവിതം
5. ഹദീസ്

1. മെയിൻ പേജ്
2. ശ്രേഷ്ഠതകളും സ്വഭാവമര്യാദകളും
3. പ്രാർത്ഥനകളുടെയും പ്രകീർത്തനങ്ങളുടെയും ആശയം ഗ്രഹിക്കൽ
4. നബി -ﷺ- യിൽ നിന്ന് സ്ഥിരപ്പെട്ട പ്രാർത്ഥനകൾ
5. ഹദീസ്

• ആരാണ് പാപ്പരായവൻ എന്ന് നിങ്ങൾക്കറിയുമോ?!
• അന്ത്യനാളിൽ ഓരോ മനുഷ്യൻ്റെയും ആയുസ്സിനെ കുറിച്ച് അവൻ എന്തിലാണ് അത് ചെലവഴിച്ചതെന്നും, അവൻ്റെ അറിവിനെ കുറിച്ച് എന്താണ് അതു കൊണ്ട് അവൻ പ്രവർത്തിച്ചതെന്നും, അവൻ്റെ സമ്പത്തിനെ കുറിച്ച് എവിടെ നിന്നാണ് അവൻ അത് സമ്പാദിച്ചതെന്നും എന്തിലാണ് അതവൻ ചെലവ...
• സ്വർഗക്കാരെ കുറിച്ച് ഞാൻ നിങ്ങൾക്ക് അറിയിച്ചു തരട്ടെയോ?! ദുർബലനും അടിച്ചമർത്തപ്പെട്ടവനുമായ എല്ലാവരും (ആണവർ). അല്ലാഹുവിൻ്റെ മേൽ അവൻ ശപഥം ചെയ്തു പറഞ്ഞാൽ അല്ലാഹു അത് സത്യമായി പുലർത്തുന്നതാണ്. നരകക്കാരെ കുറിച്ച് ഞാൻ നിങ്ങൾക്ക് അറിയിച്ചു തരട്ടെയ...
• അല്ലാഹു (അവനിൽ വിശ്വസിച്ച) മുഅ്മിനായ ഒരു ദാസനോടും അവൻ്റെ നന്മയുടെ കാര്യത്തിൽ അനീതി കാണിക്കുകയില്ല...